SHARUNG SHAYAWT 3:21 - Jinghpaw Common Language Bible 2009

²¹ Ti mung, dai lam langai mi hpe ngai dum wa ai shaloi, myit mada lam bai lu la nga nngai.

Jinghpaw Hanson Version Bible

²¹ Nye a myit masin dai lam sumru yu nga ai rai nna, ngai myit mada nga nngai.

SHARUNG SHAYAWT 3:21 ပူးပေါင်းရင်းမြစ်များ

SHAKAWN KUNGDAWN 119:81

Madu e, ngai hki ba la nga nngai majaw, ngai hpe hkye hkrang la na matu, nang hpe ala nga nngai; na a mungga hta ngai kam hpa nga nngai.

SHAKAWN KUNGDAWN 130:7

Israela e, shi a tsaw ra myit gaw dinggrin anga nga ai hte; shi anhte hpe hkye hkrang la na matu, tut nawng e, ra sharawng nga ai majaw, dai Madu hta kam hpa nga mu.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

HABAKU 2:3

Dai hpe ka tawn u, hpa majaw nga yang dai gaw teng teng byin wa na aten garai n du nga ai. Rai ti mung aten gaw alawan du nga sai, ngai nang hpe madun ai lam gaw teng wa na ra ai. Dai du wa na aten gaw lanyan ai zawn rai nga ai, rai ti mung dai hpe la nga u; dai gaw teng teng byin wa na ra ai, dai gaw na taw nga na ra ai n rai.