SHARUNG SHAYAWT 3:14 - Jinghpaw Common Language Bible 2009

¹⁴ Amyu masha ni mung ngai hpe shani tup mani ashu ma ai; ngai gaw shanhte yawng a shatu shakra shara tai nga nngai.

Jinghpaw Hanson Version Bible

¹⁴ Ngai gaw, nye a amyu masha ni hta, asawng asang shara, shani tup laka ga hte shatan nhkan shara, tai wa ni hka.

SHARUNG SHAYAWT 3:14 ပူးပေါင်းရင်းမြစ်များ

SHAKAWN KUNGDAWN 137:3

Anhte hpe rim da ai ni gaw, shanhte hpe mahkawn mangoi dan na matu tsun ma ai; shanhte gaw, “Ziun a mahkawn, anhte hpe mahkawn dan mi,” nga nna shanhte hpe shangwi shapyaw ya na matu, tsun ma ai.

SHAKAWN KUNGDAWN 44:13

Anhte a htingbu ni gaw nang anhte hpe kaning di kau sai lam hpe mu nga ma ai rai nna, shanhte gaw anhte hpe ashu ai hte mani asawng nga ma ai.

SHAKAWN KUNGDAWN 79:4

Htingbu mungdan amyu masha ni mung anhte hpe asawng asang di mi ai; anhte hpe mani ai hte n kaw n law di da mi ai.

YEREMIA 20:7

Madu e, nang gaw ngai hpe masu hkalem kau nit dai, ngai mung masu hkalem hkrum nga nngai. Nang gaw ngai hta grau nna n-gun ja nga ndai, nang gaw ngai hpe ka-up dang kau nga ndai. Masha shagu ngai hpe mani asawng ma ai; shanhte gaw ngai hpe shani tup mani asan nga ma ai.

YEREMIA 48:27

Moba e, nang gaw Israela amyu masha ni hpe kaning rai ashu kau nit ta? Dai hpe dum nga u. Shanhte gaw mya lu mya sha ai damya hpung mi a lata hta rim hkrum ma ai zawn nang shanhte hpe di kau nit dai.

SHARUNG SHAYAWT 3:63

Shanhte gaw ngai hpe jahpawt kaw nna shana du hkra, asawng asang di mi ai.