SHARUNG SHAYAWT 3:10 - Jinghpaw Common Language Bible 2009

¹⁰ Shi gaw ngai hpe htim amya na tsap zawn ala nga nna, hkanghkyi zawn nye a ntsa e htim gamyet da ni ai.

Jinghpaw Hanson Version Bible

¹⁰ Shi nye a man e mayun ai tsap hte, gyem nga ai hkanghkyi zawn, rai nga ai.

SHARUNG SHAYAWT 3:10 ပူးပေါင်းရင်းမြစ်များ

YOBA 10:16

Ngai hta awng dang ai lam loi mi lu la yang, hkanghkyi zawn nang ngai hpe gyam nna ngai hpe nni nkri jahkrum na nga, mauhpa amu ni hpe pyi nang galaw ndai.

SHAKAWN KUNGDAWN 10:9

Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

SHAKAWN KUNGDAWN 17:12

Shanhte ni gaw hkanghkyi ni zawn ngai hpe ashep ashin di nna, gang amya je kau na matu, gyem ai hte la nga ma ai.

ESAIA 38:13

Ngai gaw shana tup nchyi nmu hte marawn hkrap nngai, Hkanghkyi gaw nye a nrut nra ni hpe agrawp kau ya ai zawn Karai Kasang gaw nye a asak hpe jahtum kau ya nga sai ngu, ngai myit nawn kau we ai.

SHARUNG SHAYAWT 3:11

Shi gaw ngai hpe lam dingyang hkan shachyut nhtawm ngai hpe amya je nna ngai hpe tawn kau da nga ai.

SHARUNG SHAYAWT 3:9

Ngai kayin hkawm ai shara shagu hta nlung shakum ni hte pat shingdang da ai majaw, ngai hkawm sa wa yang, ndi nda rai nga nngai.

HOSEA 5:14

Ngai gaw Israela hte Yuda amyu masha ni hpe hkanghkyi langai zawn htim gasat na nngai. Ngai hkum nan shanhte hpe adaw atang di gang je kau na nngai, dai hpang shanhte hpe tawn kau da na nngai. Ngai shanhte hpe gang garawt mat wa ai shaloi, kadai mung shanhte hpe hkye hkrang la lu na ra ai n rai.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?