SHARUNG SHAYAWT 3:1 - Jinghpaw Common Language Bible 2009

¹ Ngai gaw Karai Kasang kaw na ari hkrum sha ang ai hpe chye ai wa rai nga nngai.

Jinghpaw Hanson Version Bible

¹ Karai Wa a n-yun bu ai ri duk npu e nni nkri hkrum ai wa ngai nan rai nga nngai.

SHARUNG SHAYAWT 3:1 ပူးပေါင်းရင်းမြစ်များ

YOBA 19:21

Nanhte gaw nye a manang ni rai nga myit dai! Ngai hpe matsan yu dum la mi law! Karai Kasang a lata hte ngai hpe kayat kadang tawn nu ai.

SHAKAWN KUNGDAWN 102:11

Nye a asak gaw jan shang wa yang na shingnip zawn rai nga nna; hkraw ai tsingdu hte bung nga nngai.

SHAKAWN KUNGDAWN 71:20

Nang gaw ru tsang lam ni hte nni nkri lam ni hpe nye a ntsa e, hkrum sha shangun ai rai tim, nang gaw nye a n-gun hpe bai jahpring ya na rai nga ndai; lup sung hku de n du hkra mung, nang ngai hpe kyem mazing la na rin dai.

SHAKAWN KUNGDAWN 88:7

Na a masin kahtet ai lam gaw nye a ntsa e, li hkra gamyet da nga ai; dai masin kahtet ai hka leng ni a npu hta ngai ayai aya rai mat nga nngai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

YEREMIA 38:6

Dai rai nna, shanhte gaw ngai hpe woi la nhtawm sumri hte gyit nna hkawhkam wang kata hkawhkam kasha Malhkiya a hka htung kata de ngai hpe shayu dat ma ai. Dai hka htung hta hka n rawng nga ai, hkumpup hkrai rai nga nna, ngai gaw dai hta lup nga nngai.

YEREMIA 43:6

lasha, numsha, ma kaji ni hte hkawhkam shayi sha ni hpe woi gahkyin la nna Egutu mung de woi sa mat wa ma ai. Shanhte gaw Yuda mung du Gedalia a lata hta hpyen du Nebuzaradan ap ya ai mung masha mahkra hte hpawn Baruk hte ngai mung lawm rai nna woi mat wa ma ai.

YEREMIA 8:21

Nye a amyu masha ni agrawp mani mat ma ai majaw, nye a myit masin mung agrawp mani mat ni ai; Ngai yawn nga nngai; ngai gaw tsep kawp hkrit gari mak mat nngai.