SHARUNG SHAYAWT 2:9 - Jinghpaw Common Language Bible 2009

⁹ Mare chyinghka ni adaw atang rai, ga hta lup taw nga nna, shanhte a chyinghka htinggrang ni adaw atang rai agrawp daw mat manu ai. Hkawhkam wa hte arawng lu ai du magam ni bawng dung hkrum nga masai. Tara a lam n sharin la nga ma ai, myihtoi ni mung dai Madu kaw na shingran hpa mung n hkam la lu nga ma ai.

Jinghpaw Hanson Version Bible

⁹ Shi a chyinghka ni gaw ga hta lupwa nna, shi gaw de a htinggrang ni hpe agrawp kau nu ai: Shi a hkawhkam hte du salang ni gaw, tara n chye ai amyu hta lawm mat ma ai; Gaja wa shi a myihtoi ni gaw, Yehowa kaw na shingran n hkam la lu ma ai.

SHARUNG SHAYAWT 2:9 ပူးပေါင်းရင်းမြစ်များ

2 HKAWHKAM 25:7

Zedekia yu nga yang, shi a shadang sha ni hpe sat kau ya wu ai. Dai hpang Nebuhkadneza gaw Zedekia a myi hpe achyaw malawk kau shangun nhtawm hpri sumri hte gyit nna Babelon mung de woi mat wa ma ai.

2 HKAWHKAM LABAU 15:3

Israela amyu ni gaw aten na na wa teng man ai Karai Kasang n nga, shanhte hpe sharin achyin ya na hkinjawng ni n nga, tara langai mi mung n nga ai hku nna mung nga lai wa yu manu ai.

NEHEMIA 1:3

Shanhte gaw ngai hpe naw ngam nga ai ni hte bum ga dum nta de nhtang wa nga ai ni gaw ru yak tsin-yam tsindam kaba hkrum ai hte, makau mayang hkan nga ai maigan masha ni mung shanhte hpe yu kaji nga ma ai ngu nna tsun dan ma ai. Shanhte gaw Yerusalem bunghku ni hten run mat ai hte mare chyinghka ni hkru mat sai lam tsun dan ma ai.

SHAKAWN KUNGDAWN 74:9

Anhte a makam masham hte seng ai chyoi pra ai kumla ni hpe n mu lu saga ai; dai shara hta myihtoi langai mi mung n nga nga sai hte kade daram na hkra, ndai zawn byin wa na lam, kadai mung n chye nga ai.

ESAIA 24:12

Dai mare gaw hten run nga sai; de a chyinghka ni agrawp daw kau hkrum nga sai.

YEREMIA 14:14

Rai ti mung, dai Madu gaw, “Dai myihtoi ni nye a mying hta masu magaw ga ni hpe tsun nga ma ai; ngai shanhte hpe shangun ai n rai, ngai gaw shanhte hpe hkang dat na hte tsun shaga na ga hkum ni a matu ahkang aya ap ya ai n rai. Shanhte tsun shaga ai shingran ga ni gaw ngai kaw na n rai; shanhte tau nna tsun ai shaba wawt ai lam ni gaw shanhte myit sawn la ai kaman lila amu ni rai ma ai.

YEREMIA 23:16

Chyahtum Chyalai N-gun Rawng ai dai Madu gaw Yerusalem amyu masha ni hpe, “Myihtoi ni hkaw tsun ai ga ni hpe hkum madat ya myit; shanhte gaw nang hpe shut ai myit mada shara ni hte jahpring ya nga ma ai. Shanhte gaw shanhte myit shingran mu ai lam hpe sha nang hpe tsun dan ma ai, ngai tsun sai mungga ni hpe tsun ma ai n rai.

YEREMIA 39:2

Hkawhkam Zedekia hkaw dung ai shi langai ning a shata mali nhtoi jahku ya shani e, mare bunghku ni adawt agrawp kau hkrum nga sai.

YEREMIA 39:8

Dai laman hta, Babelon masha ni gaw hkawhkam htingnu hte mung masha ni a dum nta ni hpe nat kau nna, Yerusalem mare bunghku ni hpe run kau ma ai.

YEREMIA 51:30

Babelon hpyenla ni gaw majan n hkap gasat ai sha, shanhte a dap kata hkan rawng nga ma ai. Shanhte gaw shanhte a share shagan ai myit htum mat manu ai, karum la lam n lu ai ni tai mat nga masai. Mare chyinghka ni agrawp daw mat nna dum nta ni wan hkru nga sai.

YEREMIA 52:14

shi a hpyenla ni gaw mare bunghku ni hpe agrawp shadaw kau ma ai.

SHARUNG SHAYAWT 1:3

Yuda amyu masha ni gaw matsan mayan hkrum ai mayam ni rai nna, nta kaw na maja e gawt shapraw kau hkrum ma ai, Shanhte gaw shanhte a lamu ga ngu nna tsun na shara hpa mung n nga ai, Gumlau hpyen ni wang da hkrum nna hprawng lawt lam n nga ai tsasam mungdan ni hkan nga nga ma ai.

SHARUNG SHAYAWT 4:15

Masha ni gaw, “Yen mu! Nang gaw matsat shabat agang chyalang rai nga ndai! Ngai hpe hkum hkra myit!,” nga nna jahtau ma ai. Dai re ai majaw, shanhte gaw masha amyu baw mi kaw nna masha amyu baw mi de brak hkawm nga ma ti mung, kadai mung n hkalum la nga ma ai.

SHARUNG SHAYAWT 4:20

Shanhte gaw dai Madu lata san da sai anhte a asak hka hpawk rai nga ai, Anhte hpe shang gasat ai hpyen shagu a lata kaw na anhte hpe makawp maga la na matu, anhte kam hpa nga ai dai hkawhkam wa hpe mung rim la ma ai.

EZEKELA 12:13

Rai ti mung, ngai gaw nye a sumgawn hte shi hpe ka-up la nna dai hta shi hpe hkam la na nngai. Dai hpang, ngai gaw shi hpe Babelon mare de woi wa nna dai shara hpe shi n mu lu ai sha, si mat na ra ai.

EZEKELA 17:20

Ngai gaw jaugawng wa lang ai mahkam sumgawn hpe hpyan tawn nna dai hta e, shi hpe lu shangun na nngai. Shi gaw ngai hta sadi n dung nga ai majaw, ngai shi hpe Babelon mung de woi wa nna dai mung e shi hpe ari jaw na nngai.

EZEKELA 7:26

Tsin-yam tsindam gaw langai a hpang langai hkan nang nhtawm angwi ngwi sha yan pru wa ai n kaja ai shiga ni mung paw pru wa na ra ai. Myihtoi ni shanhte tau mu chye tawn ai lam ni hpe hpaw shaleng dan na matu nang hpyi lajin na ndai. Hkinjawng ni mung amyu masha ni hpe sharin achyin na lam hpa mung mu na mara ai n rai, salang ni mung hpaji n chye jaw na mara ai.

HOSEA 11:6

Majan gaw shanhte nga ai mare ni hpe ye masawm mat wa nhtawm mare chyinghka ni hpe agrawp daw kau na ra ai. Shanhte gaw kaja htum ai hku myit nawn la nna galaw ma ai majaw shing re ai lam gaw nye a amyu masha ni hpe jahten kau na mara ai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

AMO LAIKA (AMOS) 1:5

Ngai gaw Damasku mare chyinghka htinggrang ni hpe agrawp daw kau nna, Awen kadit e nga ai ni hte Behteden hpe up hkang ai wa hpe yeng seng kau na nngai. Suri masha ni gaw Kira mung de bawng masha ni zawn woi mat wa hkrum na mara ai,” ngu nna tsun wu ai.

TARA JAHPRANG 28:36

“Nanhte mung, nanhte a nji nwa ni mung shawng de garai n sa nga yu ai maigan mung de nanhte hte nanhte a hkawhkam wa hpe dai Madu woi mat wa na ra ai; shing rai dai mung e, hpun hte mung, nlung hte mung galaw ai hpara ni hpe nanhte nawku daw jau na marin dai.

TARA JAHPRANG 28:63

Dai Madu gaw nanhte hpe ngamu ngamai shangun nna shalaw jahtam ai hta kabu sharawng nga ai zawn nanhte hpe shamyit kau nhtawm jahten sharun kau na hta mung kabu sharawng na rai wu ai. Nanhte gaw nanhte madu la hkyen ai mungdan kaw na gawt shapraw kau hkrum na marin dai.

1 SAMUELA 28:6

shi hpa galaw na lam dai Madu hpe san wu ai. Rai ti mung dai Madu gaw shi hpe yup mang hta mung, Urim hte Htumim lang ai hta mung, myihtoi ni hta mung mahtai loi mi mung n jaw ya wu ai.