SHARUNG SHAYAWT 2:7 - Jinghpaw Common Language Bible 2009

⁷ Dai Madu gaw shi a tawn hkungri hpe kabai kau nna shi a chyoi pra ai Nawku Htingnu hpe katsi katsang di kau nu ai; Shi gaw de a htingnu bunghku ni hpe adawt kau na matu gumlau hpyen wa hpe ahkang jaw nu ai. Shanhte gaw shawng de anhte kabu gara ai hte nawku yu sai shara hta awng padang hte jahtau garu nga ma ai.

Jinghpaw Hanson Version Bible

⁷ Yehowa gaw shi a tawn hkungri hpe kabai kau nna, shi a chyoi pra ai shara hpe matsat kau nu ai; De a htingnu bunghku ni hpe, hpyen ni a lata de ap kau nu ai: Ndat da ai poi shani zawn, hpyen ni gaw Yehowa a nta hta garu nga ma ai.

SHARUNG SHAYAWT 2:7 ပူးပေါင်းရင်းမြစ်များ

2 HKAWHKAM 25:9

Shi gaw Yerusalem mare na Nawku Htingnu, hkawhkam htingnu ni hte Yerusalem mare hta nga ai ahkyak ai masha ni a dum nta ni yawng hpe nat kau wu ai.

2 HKAWHKAM LABAU 36:19

Shi gaw Nawku Htingnu hte mare hpe mung hkawhkam htingnu sut gan ni yawng nat kau nhtawm mare bunghku hpe mung agrawp shaza kau wu ai.

SHAKAWN KUNGDAWN 89:39

Na a shangun ma hte tawn da ai ga shaka hpe nang jahten kau nit dai hte; shi a janmau hpe ga nhpu de, nang jahkrat kau ya nit dai.

ESAIA 64:9

dai rai nna, anhte hpe nau wa masin hkum pawt et, anhte a yubak mara ni hpe htani htana hkum dum nga et. Anhte gaw na a amyu masha ni rai nga ga ai; anhte hpe matsan dum la mi.

YEREMIA 21:4

Dai Madu Israela a Karai Kasang gaw Zedikia hpe ning nga tsun na matu tsun nu ai: “Ngai gaw Babelon hkawhkam hte shi a hpyen luksuk ni hpe hkap gasat nga ai na a hpyen luksuk hpe jasum kau ya na nngai. Na a share shagan hpyenla ni a laknak arung arai ni hpe ndai mare ka-ang e sumpum da na nngai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

YEREMIA 32:29

dai hpe wan nat kau na mara ai. Ngai hpe pawt sindawng shangun na nga, nta ni a ntsa e Bala hpara hpe manam pyaw ai baw nat nawng nna, kaga hpara ni hpe sabyi ntsin ru jaw ai hkungga nta ni hte hpawn shanhte gaw dai mare hpe jahkru kau na mara ai.

YEREMIA 39:8

Dai laman hta, Babelon masha ni gaw hkawhkam htingnu hte mung masha ni a dum nta ni hpe nat kau nna, Yerusalem mare bunghku ni hpe run kau ma ai.

YEREMIA 4:26

Ga sau kaja ai mungdan gaw zaibru jang tai mat sai; Dai Madu a pawt sindawng ai a majaw mare ni hten run mat sai.

YEREMIA 4:27

(Dai Madu gaw ginding aga ting katsi katsang shara tai mat na ra ai, rai ti mung shi gaw dai hpe tsep kawp jahten kau na ra ai n rai, nga nna tsun nu ai.)

YEREMIA 50:28

(Babelon mung kaw na hprawng lawt wa ai tsin-yam hkrum sha ai masha ni gaw Yerusalem de du wa nna, dai Madu anhte a Karai Kasang gaw shi a Nawku Htingnu hpe Babelon masha ni shaza kau mu ai majaw, kaning rai matai dawp nga ai lam, shanhte tsun ma ai.)

YEREMIA 52:13

Shi gaw Yerusalem na Nawku Htingnu, hkawhkam htingnu ni hte Yerusalem hta nga ai ahkyak masha ni a dum nta ni yawng hpe nat kau wu ai;

SHARUNG SHAYAWT 1:4

Ya chyawm gaw chyoi pra ai shani ni hta nawku na matu Nawku Htingnu de kadai mung n sa nga ai. Dai shara hta mahkawn shakawn ai mahkawn ma ni nni nkri hkrum ma ai, hkinjawng ni mung madai sharung nga ma ai. Mare chyinghka ni gaw katsi katsang rai nna, Ziun gaw tsin-yam tsindam hkrum nga ai.

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

SHARUNG SHAYAWT 2:5

Dai Madu gaw gumlau hpyen wa hpe zawn Israela hpe jahten sharun kau nu ai; Shi gaw hpyen dap ni hte hkawhkam htingnu ni hpe mung jahten shabyak kau nu ai. Shi gaw Yuda amyu masha ni a ntsa e htum n chye ai yawn hkyen lam hpe shapraw nu ai.

EZEKELA 24:21

Israela masha ni hpe ndai mungga jaw ya na matu ngai hpe tsun wu ai: Nang gaw Nawku Htingnu a n-gun atsam hta gumrawng gumtawng nga ndai. Nang gaw dai hpe yu sharawng nna dai de sa chyai nga ndai, rai ti mung, dai Madu gaw dai shara hpe awu asin di kau na ra ai. Yerusalem hta jahti da ai na a dinghku ni hta na shayi shadang sha ni gaw hpyen majan hta sat kau ai hkrum na mara ai.

EZEKELA 7:24

Ngai gaw gumshem htum ai amyu ni hpe ndai mung de jashawn dat nna nanhte a dum nta ni hpe madu la shangun na nngai. Nang nawku ai shara ni hta masha amyu baw ni hpe awu asin di kau shangun ai shaloi, na a n-gun ja htum ai masha ni gaw kam ai myit htum mat na mara ai.

JAW JAU 26:31

Nanhte hpe grau sawng mat hkra matsat kau mawe ai majaw nanhte a mare ni hpe ngai hpya ayai kau nhtawm nawku ai shara ni hpe jahten sharun kau na we ai. Nanhte a shagu hkungga ni hpe hkap la na we ai n rai.

JAW JAU 26:44

Rai ti mung shanhte a gumlau hpyen ni a mung hta naw nga nga yang, ngai gaw shanhte hpe rap rai kau da na n rai; shanhte hpe shamyit kau na nngai n rai. Shanhte hte nye a ga shaka gaw dai hte hta jahtum kau na rai nga a ni? Ngai gaw dai Madu shanhte a Karai Kasang rai nga nngai.

AMO LAIKA (AMOS) 2:5

Dai rai nna, ngai gaw Yuda a ntsa e wan jahkrat dat nhtawm Yerusalem a hpyen dap ni hpe jahkru kau na we ai,” ngu nna tsun ai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

MAHTE 24:2

Shi mahtang shanhte hpe, “Rai sa, ndai nta ni yawng hte hpe nanhte mada mu ai n rai ni? Ngai nanhte hpe teng teng tsun made ga, ndai nta ni gaw, nlung langai mi gaw langai mi a ntsa e n mara mat ai du hkra hten run mat na mara ai,” ngu nna shanhte hpe tsun mu ai.