SHARUNG SHAYAWT 2:4 - Jinghpaw Common Language Bible 2009

⁴ Shi gaw gumlau hpyen wa zawn anhte hpe shi a ndan pala ni hte shading da nga ai; Shi gaw anhte a kabu gara lam hte awng sharawng lam lu la ai masha ni yawng hpe sat kau nu ai. Wan zawn hkru nga ai shi a masin kahtet ai hpe ndai Yerusalem kata hta anhte hkam sha saga ai.

Jinghpaw Hanson Version Bible

⁴ Hpyen wa zawn shi ndan shachyen nna, shi a hkra lata sharawt let, gumlau ni a maga e tsap nga ai; Tsawm htap ai ni yawng hpe, shi sat kau nu ai; Ziun shayi sha a sum kata de, wan zawn shi a pawt sindawng ai hpe ru dat nu ai.

SHARUNG SHAYAWT 2:4 ပူးပေါင်းရင်းမြစ်များ

2 HKAWHKAM LABAU 34:21

“Nye a matu mung, Israela hte Yuda mung hta naw ngam nga ai amyu masha ni a matu mung, dai Madu hpe sa san yu mu. Ndai laika hta rawng ai sharin shaga lam ni hpe tam yu mu. Anhte a kaji kawa ni dai Madu a ga hpe n madat ai sha, ndai laika hta ka da ai hte maren galaw ra ai amu n galaw kau ma ai majaw dai Madu anhte hpe pawt nga ai.”

2 HKAWHKAM LABAU 34:25

Shanhte gaw ngai hpe ningdang kau nna kaga karai shaje ni hpe shagu hkungga ni nawng ya ai amu yawng mayawng galaw let ngai hpe pawt sindawng shangun nga masai. Nye a masin kahtet ai gaw Yerusalem hpe hkap daw na masin shalut ya nga ai rai nna dai gaw krip mat na n rai.

YOBA 19:11

Karai Kasang gaw ngai hpe pawt nna, n-yun bu nga ai; shi gaw ngai hpe n kaja htum ai gumlau hpyen hpe zawn di wu ai.

YOBA 6:4

Chyahtum Chyalai N-gun Rawng Ai Karai Kasang gaw ngai hpe pala ni hte gap jung nna, dai ni a agung gaw nye a hkum kata de tsim shang wa ai. Karai Kasang gaw ngai hpe ninghkap na matu hkrit hpa lam ni hpe dingren da nu ai.

SHAKAWN KUNGDAWN 37:14

Matsan mayan ni hte ra kadawn ai ni hpe mung, teng man ai amu galaw ai masha ni hpe mung sat kau na nga; n hkru n shawp ai ni gaw shanhte a nhtu ni hpe shaw nna, ndan ni hpe shachyen nga ma ai;

SHAKAWN KUNGDAWN 7:13

shi gaw shi a si shangun lu ai laknak ni hpe hta lang nna, ju jahkyeng da ai shi a pala ni hte shading da nga ai.

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

ESAIA 63:6

Nye a masin kahtet ai hta, ngai gaw masha amyu baw ting hpe kabye anut kau ai hte shanhte hpe gamang ayai kau ni ai. Ngai gaw shanhte a asak sai hpe ga ntsa e ru kau ni ai,” ngu nna tsun ai.

YEREMIA 10:20

Anhte a sum ni hten run mat sai; shanhte hpe gyit da ai sumri ni di mat sai. Anhte a kashu kasha ni mat mat masai; anhte a sum ni hpe bai sharawt da na masha langai mi mung n nga sai; shanhte a nba grang ni hpe grang na matu kadai n nga nga sai,” nga nna tsun ma ai.

YEREMIA 21:5

Ngai gaw nang hpe nye a n-gun mahkra hte, pawt sindawng ai, n-yun bu ai, masin kahtet ai hte hkap gasat na nngai.

YEREMIA 30:14

Nanhte hpe tsaw ra ai ni yawng nanhte hpe malap kau manit dai; shanhte gaw nanhte hpe galoi mung yu lajang ma ai n rai. Nanhte a yubak mara ni law nga ai hte nanhte galaw ai n hkru ai amu kaba nga ai majaw, ngai gaw nanhte hpe gumlau hpyen wa hpe zawn htim gasat ni ai, nanhte hkam la na ari gaw laja lana rai nga ai.

YEREMIA 36:7

Dai Madu gaw ndai amyu masha ni hpe shi a hkrit hpa pawt sindawng ai hte myit kahtet let jahkrit shama nu ai majaw, shanhte gaw n hkru n shawp ai amu kaw na kayin wa nhtawm dai Madu hpe akyu hpyi dam wa ma nhten.”

YEREMIA 4:4

Dai Madu ngai hte tawn da ai na a ga shaka hpe shagrin da u; Yuda hte Yerusalem amyu masha ni e, na a hkum hpe ngai hta ap nawng tawn u. Dai hku nang n galaw ai rai yang, nang galaw kau sai n hkru ai amu ni a majaw nye a pawt sindawng ai gaw wan zawn hkru na ra ai. Dai gaw hkru nna dai hpe kadai mung krip lu na ra ai n rai,” ngu nna tsun wu ai.

YEREMIA 42:18

“Dai Madu Israela a Karai Kasang gaw, ‘Nye a pawt sindawng ai hte masin kahtet ai hpe Yerusalem masha ni a ntsa e ru bun ai zawn nanhte Egutu mung de yu sa ai rai yang nanhte a ntsa e mung nye a masin kahtet ai hpe ru bun na nngai. Nanhte gaw yu hkrit shara tai na marin dai; masha amyu ni mung nanhte hpe asawng asang di ai hte na a amying hpe dagam dala ga tsun ai hta lang na mara ai. Nanhte gaw ndai shara hpe galoi mung bai mu lu na ra ai n rai,’” ngu nna tsun wu ai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

SHARUNG SHAYAWT 1:13

“Shi gaw nye a hkum kata hkru na wan hpe ntsa kaw nna shangun dat wu ai. Shi gaw nye a matu mahkam hkam da nu ai hte ngai hpe ga de jahkrat da ni ai. Shi gaw ngai hpe kau da nu ai hte nhtum nni re ai nchyi nmu hta ngai hpe tawn da nu ai.

SHARUNG SHAYAWT 2:5

Dai Madu gaw gumlau hpyen wa hpe zawn Israela hpe jahten sharun kau nu ai; Shi gaw hpyen dap ni hte hkawhkam htingnu ni hpe mung jahten shabyak kau nu ai. Shi gaw Yuda amyu masha ni a ntsa e htum n chye ai yawn hkyen lam hpe shapraw nu ai.

SHARUNG SHAYAWT 3:3

Matsan dum myit n rawng ai sha, ngai hpe lang hte lang kayat adup da nga ai.

SHARUNG SHAYAWT 4:1

Anhte a htoi kabrim ai aja gaw n kabrim mat nu ai; Nawku Htingnu nlung ni mung nmaw lam hkan e taw nga ai.

SHARUNG SHAYAWT 4:11

Dai Madu gaw shi a sindawng kahtet ai n-gun tup hpe ru dat nu ai; shi gaw Ziun hpe ga du hkra hkru kau ai wan shachyi nu ai.

EZEKELA 13:13

Ya chyawm gaw Tsaw Htum ai dai Madu ning nga nna tsun ai: “Nye a sindawng kahtet ai hta ndai bunghku hpe jahten sharun kau na matu ja la ai nbung laru, marang hte sin kaba ni hpe shangun dat na nngai.

EZEKELA 20:34

Ngai gaw nanhte hpe bra ayai hkawm nga ai mungdan yawng kaw na bai shinggyin jahpawng nna woi wa ai shaloi, nye a daru magam n-gun hte masin kahtet ai lam, ngai nanhte hpe madun dan na nngai.

EZEKELA 22:22

Gumhpraw gaw wan htung hta byawng mat ai zawn, shanhte gaw Yerusalem hta shabyawng kau ai hkrum na mara ai. Shanhte gaw dai Madu a masin kahtet ai lam hpe hkam sha nga ai lam, chye wa na mara ai.”

EZEKELA 24:25

Dai Madu gaw, “Yu u, si chye ai masha wa e, ngai gaw shanhte yu sharawng nna sa chyai nga ai dai shanhte a gumrawng gumtawng shara hte kabu gara shara ngu ai Nawku Htingnu hpe shanhte a man kaw na la kau na we ai. Shanhte a shayi shadang sha ni hpe mung la kau na we ai.

EZEKELA 36:18

Shanhte gaw dai mung hta masha sat ai amu ni shut hpyit kau ma ai majaw mung, hpara sumla ni hte dai hpe awu asin di kau mu ai majaw mung, ngai gaw nye a sindawng kahtet ai n-gun shanhte hpe chyim shangun ni ai.

EZEKELA 5:13

Ngai myit dik ai aten du hkra, nye a sindawng kahtet ai hte n-yun bu ai n-gun hpe nang hkam sha na rai ndai. Ndai lam yawng byin wa ai shaloi, ngai gaw na a sadi n dung ai hta myit kahtet nga nngai majaw dai Madu ngai nan nang hpe tsun kau ai ga hpe nang chye wa lu na rai ndai.

EZEKELA 6:12

Tsan tsan e nga ai ni mung machyi makaw hkrum nna si mat na mara ai; ani sha nga ai ni mung hpyen majan hta sat kau hkrum nna naw ngam nga ai ni gaw kawsi kyet ai hte si mat na mara ai. Shanhte yawng hte gaw nye a sindawng kahtet ai n-gun namchyim hkam sha na mara ai.

EZEKELA 7:14

Pahtau dum mu, masha shagu jin jin rai nga mu. Rai ti mung, Karai Kasang a sindawng kahtet ai gaw masha shagu a ntsa e maren mara hkrat bun na ra ai majaw kadai mung hpyen majan de n pru sa nga ai.

JAW JAU 26:17

Ngai gaw nanhte hpe myi man kayin kau da na made ai, shaloi nanhte sum mat na marin dai. Nanhte hpe n dawng n yawt ai ni mahtang nanhte a ntsa e up na mara ai; nanhte hpe kadai n hkan shachyut ti mung hprawng nna grai hkrit gari mat na rai myit dai.

NAHUM 1:2

Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.

1 SAMUELA 28:16

Shaloi Samuela gaw, “Dai Madu gaw nang hpe kau da nna na a hpyen tai nga sayang me, nang hpa majaw ngai hpe shaga n ni?