SHARUNG SHAYAWT 2:3 - Jinghpaw Common Language Bible 2009

³ Shi masin kahtet ai majaw, Israela a n-gun makru hpe agrawp daw kau nu ai; Shi gaw gumlau hpyen wa du sa wa ai shaloi anhte hpe karum la na matu ningdang kau nu ai. Shi gaw wan zawn anhte hpe n-yun bu ai hte arai yawng mayawng hpe shaza kau nu ai.

Jinghpaw Hanson Version Bible

³ Shi pawt bu nna, Israela nrung yawng hpe daw kau nu ai; Hpyen ni a man e shi a hkra lata dawm la nu ai: Shara shagu hkru ai sharaw zawn, Yaku hpe hkru kau nu ai.

SHARUNG SHAYAWT 2:3 ပူးပေါင်းရင်းမြစ်များ

2 HKAWHKAM LABAU 34:25

Shanhte gaw ngai hpe ningdang kau nna kaga karai shaje ni hpe shagu hkungga ni nawng ya ai amu yawng mayawng galaw let ngai hpe pawt sindawng shangun nga masai. Nye a masin kahtet ai gaw Yerusalem hpe hkap daw na masin shalut ya nga ai rai nna dai gaw krip mat na n rai.

YOBA 16:15

Lachyit sumpan hte galaw ai hpun nba ni bu hpun let ngai yawn madai nngai; ndai yang e, sum kadawng ai myi man hte ga nhpu hta dung nga nngai.

SHAKAWN KUNGDAWN 132:17

Dai shara hta, ngai gaw Dawi a aru arat langai ngai hpe hkawhkam kaba shatai na we ai; ngai lata la ai hkawhkam wa a up hkang ai tara hpe dai shara hta grin nga shangun na nngai.

SHAKAWN KUNGDAWN 74:11

Nang anhte hpe karum la na matu hpa majaw ningdang kau nga n ni? Na a lata ni hpe hpa majaw shingdu de hkintum da nga n ta?

SHAKAWN KUNGDAWN 75:10

Tara n lang ai ni a n-gun atsam hpe shi shadaw kau ya na ra ai; rai ti mung, ding hpring ai ni a daru magam n-gun hpe chyawm gaw shi rawt jat kaba shangun na ra ai law.

SHAKAWN KUNGDAWN 75:5

Shanhte a shakawng shakat ai lam hpe jahkring kau na matu mung ngai shanhte hpe hkang da ni ai,” nga nna tsun ai.

SHAKAWN KUNGDAWN 79:5

Madu e, nang anhte hpe htani htana masin pawt nga na n ni? Na a masin kahtet ai lam gaw wan zawn matut nna hkru shangun na wu ni?

SHAKAWN KUNGDAWN 89:24

Ngai shi hpe tsaw ra nga nna shi hta sadi dung nga na nngai; ngai shi hpe tut nawng e, awng dang shangun na nngai.

SHAKAWN KUNGDAWN 89:46

Madu e, nang na hkum hpe htani htana htinggrum makoi da na ngu nga n ni? Na a masin kahtet ai gaw wan zawn kaden du hkra hkru nga na rai ta?

ESAIA 1:31

Wan n-yang hte yihku wan hkru ai zawn, wa ngan n-gun ja ai masha ni mung, shanhte a n hkru ai sat lawat arawn alai hta hten byak mat na mara ai. Dai hten run ai hpe kadai mung jahkring kau lu na ra ai n rai.

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

YEREMIA 21:14

Rai ti mung, nang galaw sai amu ni hte maren, ngai nang hpe ari jaw na we ai. Na a hkawhkam htingnu hpe mung wan nat kau na we ai, shing rai dai wan gaw grup yin yawng mayawng hpe hkru kau na ra ai. Dai Madu ngai nan tsun ni ai.”

YEREMIA 4:4

Dai Madu ngai hte tawn da ai na a ga shaka hpe shagrin da u; Yuda hte Yerusalem amyu masha ni e, na a hkum hpe ngai hta ap nawng tawn u. Dai hku nang n galaw ai rai yang, nang galaw kau sai n hkru ai amu ni a majaw nye a pawt sindawng ai gaw wan zawn hkru na ra ai. Dai gaw hkru nna dai hpe kadai mung krip lu na ra ai n rai,” ngu nna tsun wu ai.

YEREMIA 48:25

Moba a chyalai n-gun gaw agrawp ayai mat nna, shi a daru magam n-gun mung shamyit kau hkrum nga sai. Dai Madu ngai nan tsun ni ai,” ngu nna tsun we ai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

SHARUNG SHAYAWT 1:13

“Shi gaw nye a hkum kata hkru na wan hpe ntsa kaw nna shangun dat wu ai. Shi gaw nye a matu mahkam hkam da nu ai hte ngai hpe ga de jahkrat da ni ai. Shi gaw ngai hpe kau da nu ai hte nhtum nni re ai nchyi nmu hta ngai hpe tawn da nu ai.

SHARUNG SHAYAWT 4:11

Dai Madu gaw shi a sindawng kahtet ai n-gun tup hpe ru dat nu ai; shi gaw Ziun hpe ga du hkra hkru kau ai wan shachyi nu ai.

EZEKELA 13:13

Ya chyawm gaw Tsaw Htum ai dai Madu ning nga nna tsun ai: “Nye a sindawng kahtet ai hta ndai bunghku hpe jahten sharun kau na matu ja la ai nbung laru, marang hte sin kaba ni hpe shangun dat na nngai.

EZEKELA 7:14

Pahtau dum mu, masha shagu jin jin rai nga mu. Rai ti mung, Karai Kasang a sindawng kahtet ai gaw masha shagu a ntsa e maren mara hkrat bun na ra ai majaw kadai mung hpyen majan de n pru sa nga ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

LUKA 1:69

Shi a shangun ma Dawi a aru arat hta na anhte a matu n-gun atsam rawng ai Hkye la Madu jaw ya mani ai.

LUKA 3:17

Shi a lata hta shi hkuwawn lang nna shi a mam ni mahkra hpe yit jasan kau nhtawm, mam gu hpe shi a dum hta shinggyin da na ra ai, nsan hpe chyawm gaw galoi mung n krip ai wan hta nat kau na ra ai,” ngu nna shanhte hpe tsun mu ai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.