SHARUNG SHAYAWT 2:2 - Jinghpaw Common Language Bible 2009

² Dai Madu gaw Yuda mung hta nga ai mare shagu hpe matsan n dum ai sha jahten sharun kau nu ai, Mungdan hpe makawp maga ai hpyen dap ni hpe mung ashep ashin di kau nu ai. Shi gaw mungdan hte de a mungdu ni hpe jahpoi jahpyak lam shapraw nu ai.

Jinghpaw Hanson Version Bible

² Madu gaw matsan n dum ai, Yaku a shara ni yawng hpe mayu kau nu ai; Shi pawt bu ai hte Yuda shayi sha a hpyen dap ni hpe sharun kau nu ai: Shi dai dap ni hpe ga de jahkrat kau nna, mungdan hte du salang ni hpe awu asin di kau manu ai.

SHARUNG SHAYAWT 2:2 ပူးပေါင်းရင်းမြစ်များ

YOBA 2:3

Dai Madu gaw, “Nang gaw nye a shangun ma Yoba hpe matsing da wu ni? Shi gaw kam sham nna mai kaja ai wa rai nhtawm shi zawn re ai mi, ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa hpe mung n galaw nga ai. Nang gaw mara hpa mung n nga ai shi hpe jahten kau shangun na matu ngai hpe hkalem nga ndai, rai ti mung Yoba chyawm gaw dinggrin naw kam sham nga ai wa rai nga ai,” ngu nna tsun wu ai.

SHAKAWN KUNGDAWN 21:9

Shi dan pru wa ai shaloi, kang kahtet ai wan gaw arai ni hpe hkru kau ai zawn, shi gaw shanhte hpe shamyit kau na ra ai. Madu gaw shi a masin kahtet ai hte shanhte hpe mayu kau nna; wan mung shanhte hpe hkru kau na ra ai.

SHAKAWN KUNGDAWN 74:7

Shanhte gaw na a Nawku Htingnu hpe agrawp daw kau nna wan hte nat kau nga masai; shing rai, nang hpe nawku daw jau ai shara hpe shanhte awu asin di kau manu ai.

ESAIA 22:5

Ndai gaw Shingran Kadit hta dai Chyahtum Chyalai N-gun rawng ai Tsaw Htum ai dai Madu gaw kajawng kaja kaming kamawng rai hkrat sum ai hte shanut shanat re ai hpe anhte a ntsa e dat dat ya ai aten rai nga ai. Anhte a mare bunghku ni agrawp daw mat ai hte karum la na matu jahtau ai nsen gaw kawng ni a lapran e hpungtang kashaw nga ai.

ESAIA 23:9

Chyahtum Chyalai N-gun rawng ai dai Madu gaw dai lam hpe shabyin dat nu ai. Shanhte galaw ai amu hta, shanhte a gumrawng gumtawng ai hpe jahtum kau na hte arawng sadang hte hpring ai shanhte a masha ni hpe shagrit kau na matu dai lam shabyin dat nu ai.

ESAIA 25:12

Shi gaw Moba a tsaw la ai hpyen dap bunghku ni hpe jahten kau na ra ai, dai ni hpe ga nhpu du hkra jahkrat kau na ra ai.

ESAIA 26:5

Shi gaw gumrawng gumtawng ai ni hpe shagrit kau nu ai; shanhte shanu nga ai ngang kang ai mare hpe shi jahten kau nu ai, de a bunghku ni hpe ga nhpu tai mat hkra agrawp mani kau nu ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 43:28

na a mung up hkang du ni nye a chyoi pra ai shara hpe awu asin di ma ai. Dai rai nna, ngai gaw Israela a ntsa e jahten sharun ai amu du shangun nngai; ngai gaw nye a amyu masha ni hpe n kaw n law hkrum sha shangun we ai,” ngu nna tsun ai.

ESAIA 47:6

Ngai gaw nye a amyu masha ni hpe masin pawt ni ai; ngai gaw shanhte hpe nye a matu zawn kachyi mi mung n sawn ai sha di kau ni ai: Ngai gaw shanhte hpe na a daru magam n-gun npu hta tawn da ni ai, nang shanhte hpe matsan dum myit n madun ndai, asak kaba sai ni hpe pyi laja lana di nga ndai.

YEREMIA 13:14

Dai hpang, ngai gaw namtau shada ahkawk hkat ai zawn kaji kaba n nga, shanhte hpe agrawp daw kau na nngai. Lahpawt dum ai myit, matsan dum ai myit, n-gaw nwai ai myit hpa mung shanhte hpe sat shamyit kau na kaw na ngai hpe hkum da lu na ra ai n rai,” nga nna tsun ai.

YEREMIA 19:15

Chyahtum Chyalai N-gun Rawng ai dai Madu Israela a Karai Kasang gaw, “Nang adu ja nga ndai hte ngai tsun ai ga hpe n madat nga ndai majaw ngai galaw na ngu tsun da ni ai hte maren, ndai mare hta mung, makau grup yin na kahtawng shagu hta mung ari mahkra ngai shapraw na we ai,” ngu nna tsun nu ai.

YEREMIA 21:7

Rai ti mung, nang hte na a mung du salang ni majan, hkuwa hte ana zinli kaw nna lawt lu ti mung, naw ngam nga ai nanhte hte ndai mare na amyu masha ni gaw Hkawhkam Nebuhkadneza hte nang hpe sat kau na matu ra sharawng nga ai na a gumlau hpyen ni a lata hta nanhte yawng hpe ngai ap kau na we ai. Nebuhkadneza mung nang hpe sat kau na ra ai. Shi gaw nanhte langai mi hpe mung ngam da na ra ai n rai, matsan yu dum na ra ai n rai, nanhte kadai hpe rai tim myit yu machyi na ra ai n rai. Dai Madu ngai nan tsun ni ai.”

YEREMIA 5:10

Ngai gaw nye amyu masha ni a sabyi sun ni hpe hkyen kau na matu gumlau hpyen ni hpe dat dat na nngai, rai ti mung dai ni hpe tsep kawp jahten kau na matu n rai. Ngai gaw lakung ni hpe ashin kau na matu shanhte hpe tsun na nngai, hpa majaw nga yang, dai lakung ni gaw nye a n rai nga ai.

SHARUNG SHAYAWT 2:17

Dai Madu gaw galaw na matu shi sharim da ai amu hpe jahtum e galaw shadik nu ai; Moi kaw nna anhte hpe shi sadi jaw da mi ai hte maren, anhte hpe matsan dum ai myit n nga ai sha, jahten sharun kau nu ai. Shi gaw anhte a gumlau hpyen ni hpe awng padang jaw nu ai; anhte a hkrat sum ai hta shanhte hpe kabu gara ai lam jaw ya nu ai.

SHARUNG SHAYAWT 2:21

Shabrang ni hte numsha ni n nga nmaw lam hkan e si kadawng taw nga ma ai, Shabrang ni hte numsha ni mung gumlau hpyen wa a nhtu ni hte sat kau hkrum nga masai. Na a pawt sindawng ai shani e, shanhte hpe matsan n dum ai sha, nang htau sat kau nit dai.

SHARUNG SHAYAWT 2:5

Dai Madu gaw gumlau hpyen wa hpe zawn Israela hpe jahten sharun kau nu ai; Shi gaw hpyen dap ni hte hkawhkam htingnu ni hpe mung jahten shabyak kau nu ai. Shi gaw Yuda amyu masha ni a ntsa e htum n chye ai yawn hkyen lam hpe shapraw nu ai.

SHARUNG SHAYAWT 3:43

“Nang gaw anhte hpe hkan shachyut nna sat kau nit dai; na a matsan dum ai hpe sindawng kahtet ai hte magap kau nit dai,

EZEKELA 5:11

“Dai re ai majaw, Ngai gaw ahkrung nga ai Karai Kasang rai nga nngai, dai re ai majaw, ndai gaw Tsaw Htum ai dai Madu a mungga rai nga ai. Nang gaw nye a Nawku Htingnu hpe nang galaw ai n hkru ai amu yawng, matsat shabat re ai amu ni hte awu asin di kau nit dai majaw ngai gaw matsan dum ai myit n rawng ai sha nang hpe kran kadang kau na nngai.

EZEKELA 7:4

Ngai gaw nang hpe lahpawt dum na n rai, matsan dum ai lam loi mi mung madun na nngai n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

EZEKELA 7:9

Ngai gaw nang hpe lahpawt dum na n rai, matsan dum ai lam loi mi mung nang hpe madun na n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

EZEKELA 8:18

Shanhte gaw nye a sindawng kahtet ai n-gun yawng hpe hkam sha na mara ai. Ngai gaw shanhte hpe jahkrung da na n rai; ngai shanhte hpe matsan dum na n rai. Shanhte gaw ngai hpe marawn jahtau lu ai daram hpyi jahtau ma ti mung, shanhte a hpyi jahtau ai nsen hpe ngai madat ya na n rai,” ngu nna tsun wu ai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

MIHKA 5:14

Ngai gaw na a mung na Asherim nat shayi hpara sumla ni hpe baw kau nna na a mare ni hpe jahten sharun kau na we ai.

MALAHKI 1:4

Esaw a matu mara Edom masha ni gaw, “Anhte a kahtawng ni jahten sharun kau hkrum sai, rai ti mung dai ni hpe anhte bai gaw gap na ga ai,” ngu nna lama tsun ai rai yang, dai Madu gaw, “Shanhte bai de da mu ga-dai ni hpe ngai bai run kau ya na we ai. Amyu masha ni gaw shanhte hpe, ‘Dai n hkru ai mungdan’ hte ‘Dai Madu tut nawng pawt nga ai amyu,’” ngu nna shaga na ra ai.

MAHTE 18:33

Ngai nang hpe matsan dum de ai hte maren, na a mayam manang wa hpe mung, nang matsan mai dum ndai n rai ni?,’ ngu wu ai.

2 KORINHTU 10:4

Anhte a majan gasat ai hta lang ai laknak ni gaw mungkan shinggyim masha ni lang ai baw laknak n rai, ngang kang ai hpyen dap ni hpe jahten kau lu ai Karai Kasang a n-gun atsam hte hpring ai laknak ni rai nga ai. Anhte gaw n teng n man ai ndang kalang ga ni hpe jahten kau ga ai.

TARA JAHPRANG 28:52

Dai Madu nanhte a Karai Kasang nanhte hpe jaw ya nga ai mungdan na mare shagu hpe shanhte gasat kau na mara ai; nanhte yu kam ai dai tsaw nna ngang ai mare bunghku ni daw agrawp mat na ra ai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.