SHARUNG SHAYAWT 2:19 - Jinghpaw Common Language Bible 2009

¹⁹ Shana tup lang hte lang rawt nna Madu hpe hpyi jahtau u; Na a myit masin hpe ru shapraw dat nhtawm lam jut shara shagu hkan e si na daram Kawsi kyet nga ai ma kaji ni hpe matsan dum la na matu, shi hpe hpyi nem u!

Jinghpaw Hanson Version Bible

¹⁹ Rawt u, shana ladaw da ai aten hkan nna jahtau u; Madu a man e na a myit masin hpe ntsin zawn ru dat u: Kawsi ai majaw lam she shagu hkan e htan mat ai, na a ma kaji ni a asak jahkrung da na lam, shi hpang de na a lata ladawn u.

SHARUNG SHAYAWT 2:19 ပူးပေါင်းရင်းမြစ်များ

YOBA 3:24

Shat sha na malai, ngai madai nngai, ngai gaw madai sharung ai hpe galoi mung n shangap lu nngai.

SHAKAWN KUNGDAWN 119:55

Madu e, shana na aten ngai nang hpe myit dum nga nna; na a tara lam ni hpe ngai myit sumru yu nga nngai.

SHAKAWN KUNGDAWN 134:2

Nanhte a lata ni hpe sharawt nna Nawku Htingnu kata hta akyu hpyi mu, dai Madu hpe shakawn mu!

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

SHAKAWN KUNGDAWN 142:2

Nye a aru ara lam mahkra hte hpe shi hpang de, ngai la sa nngai; nye a ru tsang lam yawng hte hpe mung, shi hpe ngai tsun dan nngai.

SHAKAWN KUNGDAWN 142:3

Ngai gaw myit daw hten nna, asum jaw kau na matu jin jin rai nga ai shaloi, ngai hpa galaw ang ai lam hpe shi chye ya nga ai. Ngai hkawm sa wa ai lam hta nye a gumlau hpyen ni nye a matu mahkam up da ma ai.

SHAKAWN KUNGDAWN 28:2

Karum la na matu ngai nang hpe hpyi jahtau ai hte na a chyoi pra ai Htingnu maga de nye a lata ni hpe sharawt tawn ai shaloi, ngai hpyi ai nsen hpe na ya e.

SHAKAWN KUNGDAWN 42:3

Ngai gaw shani shana hkrap nga nngai, shing rai, myi prwi ni sha, nye a lusha rai nga ai; “Na a Karai Kasang kanang nga nga a ta?,” nga nna aten shagu nye a gumlau hpyen ni ngai hpe san nga ma ai.

SHAKAWN KUNGDAWN 42:4

Lai sai aten na lam hpe ngai myit dum yu ai shaloi, nye a myit hta grai yawn la nga nngai; Karai Kasang a nta de shawa masha ni hte rau ngai lung wa ai shaloi, kabu gara ai shawa hpawng gaw, Karai Kasang hpe mahkawn mangoi ai hte, kabu jahtau nhtawm, shanhte hpe woi hkawm lung wa yu ni ai.

SHAKAWN KUNGDAWN 42:8

Dai Madu gaw shani na aten hta, shi a dinggrin tsaw ra myit hpe madun dan ya u ga; shaloi, shana na aten hta, ngai mung mahkawn shakawn lu na nngai; nye a asak a Karai Kasang hpang de akyu hpyi lu n-ga.

SHAKAWN KUNGDAWN 62:8

Nye a amyu masha ni e, aten shagu Karai Kasang hpe kam hpa nga mu. Shi gaw anhte a shingbyi shara rai nga ai, nanhte a ru tsang lam yawng mayawng shi hpe tsun dan mu.

SHAKAWN KUNGDAWN 63:4

Ngai asak hkrung nga dingsa nang hpe chyeju dum nga na nngai; nang kaw akyu hpyi ai shaloi, nye a lata ni hpe sharawt da na nngai.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

ESAIA 51:20

Nmaw lam jut shagu hta na a amyu masha ni n-gun kya ai hte taw nga ma ai; shanhte gaw jaugawng wa a sumgawn hta rim hkrum ai shannga zawn rai ma ai. Shanhte gaw Karai Kasang a sindawng kahtet ai n-gun hpe hkam sha manu ai.

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

YEREMIA 9:20

Ngai gaw, “Numsha ni e, dai Madu a ga hpe madat mu, shi a ga ni hta myit jung mu. na a shayi sha ni kaning rai sharung shayawt na lam sharin ya mu, na a manang ni kaning rai makoi mayang mahkawn hkawn na lam sharin ya mu.

EZEKELA 5:10

Dai lam ni a majaw, Yerusalem na kanu kawa ni gaw shanhte a kashu kasha ni hpe sha na mara ai, kashu kasha ni gaw shanhte a kanu kawa ni hpe sha na mara ai. Ngai gaw nang hpe ari jaw nna naw hkrung nga ai ni kadai hpe mung man ang ai shara shagu de shabra kau na nngai.

EZEKELA 5:16

Nang kawsi kyet u ga, nang hpe jaw ai lusha hpe shakyet kau ya na nngai. Nang hpe jahten kau na matu masen ai pala ni hpe dat dat ai zawn nang gaw hku hku hpang gara ai nchyi nmu ni hpe hkam sha na rai ndai.

MIHKA 1:16

Yuda amyu masha ni e, nanhte tsaw ra ai kashu kasha ni a matu sharung shayawt ai hta nanhte a kara ni hpe shakrin kau mu. Nanhte a kashu kasha ni tsan ai mungdan de bawng dung hkrum mat nga masai majaw, langda baw ni zawn shakrin kau mu.

NAHUM 3:10

Ti mung, Thebe a masha ni ni gaw bawng dung hkrum mat wa ma ai. Shanhte a kashu kasha ni lam jut shara shagu hkan si hkra kayat sat kau hkrum nga masai. Shanhte a lam woi masha ni hpri sumri hte gyit hkang da hkrum nna shanhte a bawng madu ni hpaida da nhtawm, jawm karan la hkrum nga ma ai.

MAHTE 14:25

Jahpawt hkying masum hte kru lapran, Yesu gaw nawng ntsa e hkawm let, shanhte hpang de hkan sa nang wa ai.

MARKU 1:35

Hpang jahpawt manap jau jau e, nhtoi garai n htoi yang shi yup rawt nna nta na pru mat wa ai. Shi gaw mare kata na pru nhtawm machyi shim ai shara de sa wa nna dai yang e akyu hpyi nga ai.

MARKU 13:35

Amaja nga mu, hpa majaw nga yang, dai nta madu wa gaw, nrim e, shing n rai yuptung e, shing n rai u goi hpawa e, shing n rai jahpawt manap e, galoi yang rai rai bai du wa na ra ai.

LUKA 6:12

Dai nhtoi hte hta Madu Yesu gaw akyu hpyi na nga, dai bum de pru sa wa nna, shana tup Karai Kasang kaw akyu hpyi let nga nga ai.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

TARA AGYI 7:19

Gidon hte shi a masha latsa hte gaw yuptung hpawa garai n du, sin langa galai ai hpang kade n na ai aten hta dap makau de shanang sa wa ma ai. Dai hpang, shanhte pahtau dum nna shanhte lang ai di bu ni hpe kayat ga ma ai;

1 SAMUELA 1:15

Shi chyawm gaw, “N rai law, Madu e, ngai gaw chyaru nang ai wa n rai nngai; chyaru mung n lu yu nngai! Ngai myit htum nga nngai majaw Madu hpang de nye a ru yak tsin-yam tsindam tsun shapraw na ngu nna she ngai akyu hpyi nga nngai.

1 SAMUELA 7:6

Dai rai nna, shanhte yawng mung Mizpa shara e zup hpawng ma ai. Hka loi mi hpe mung shanhte ja la nhtawm dai Madu a matu hkungga nawng ya ai zawn dai hpe ru hkaw ma ai; shing rai shani tup lusha gam ma ai. Shaloi shanhte gaw, “Dai Madu hpe anhte shut kau saga ai law,” ngu nna tsun ma ai. (Ndai gaw Mizpa shara e Israela masha ni hpe Samuela tara dara ya ai lam rai nga ai.)