SHARUNG SHAYAWT 2:14 - Jinghpaw Common Language Bible 2009

¹⁴ Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

Jinghpaw Hanson Version Bible

¹⁴ Na a myihtoi ni gaw masu ai hte kaman lila lam, na a matu htoi ma ai; Bawng dung kaw na nang lawt wa lu hkra, shanhte na a yubak hpe madun ma ai n rai; Shanhte gaw masu ai shingran hte shayit ai lam, na a matu htoi ma ai.

SHARUNG SHAYAWT 2:14 ပူးပေါင်းရင်းမြစ်များ

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

YEREMIA 2:8

Hkinjawng ni gaw, ‘Dai Madu gaw kanang rai nga a ta?,’ nga nna san ma ai n rai. Nye a hkinjawng majing ni ngai hpe n chye ma ai. Mung du ni ngai hpe gumlau ma ai; myihtoi ni gaw Bala a mying hta ga shaga ai hte akyu n jaw ai hpara sumla ni hpe nawku ma ai.

YEREMIA 20:6

Na a matu chyawm gaw Pashura e, nang hte na a dinghku masha ni yawng mung rim hkrum ai hte Babelon mung de woi mat wa hkrum na marin dai. Dai yang e, nang gaw nang hpe masu magaw ga law law tsun yu sai na a jinghku ni yawng hte rau si wa nna, lup makoi ai hkrum na rin dai,” ngu nna tsun ai.

YEREMIA 23:22

Shanhte gaw nye a makoi magap da ai myit mang lam ni hpe chye ya ma ai rai yang gaw, nye a amyu masha ni hpang de nye a mungga hkaw tsun na ma ai; shanhte hkawm sa ai n hkru ai asak hkrun lam ni hte shanhte galaw ai n shawp n kap ai amu ni hta na shanhte hpe shabai la lu na ma ai.

YEREMIA 23:36

Dai rai nna, shanhte gaw, ‘Dai Madu gun ai lit,’ ngu ai ga hpe galoi mung tsun lu na n rai; hpa majaw nga yang, marai langai ngai dai ga tsun a yang gaw, nye a mungga hpe shi a lit teng teng ngai shatai na we ai. Amyu masha ni gaw Chyahtum Chyalai N-gun Rawng ai dai Madu ahkrung nga ai Karai Kasang ngu ai shanhte a Karai Kasang a mungga ni hpe jashai kau manu ai.

YEREMIA 28:15

Dai hpang ngai gaw Hanania hpe ndai lam matut tsun ni ai, “Hanania e, madat u! Dai Madu gaw nang hpe shangun dat ai n rai; Nang gaw ndai amyu masha ni hpe masu ga tsun nna kam shangun nga ndai.

YEREMIA 29:21

Chyahtum Chyalai N-gun Rawng ai dai Madu Israela a Karai Kasang gaw shi a amying gang let masu hkalem ga hte nanhte hpe tsun nga ai Kolaia a kasha Ahab hte Masea a kasha Zedekia yan hte lakap nna tsun wu ai. Shi gaw Babelon Hkawhkam Nebuhkadneza a lata hta ap kau na ra ai hte nanhte a man e shanhte hpe sat kau na ra ai, nga nna dai Madu tsun ai.

YEREMIA 37:19

Babelon hkawhkam wa gaw nang hte na a mungdan hpe htim gasat na n rai, nga nna nang hpe tsun ai na a myihtoi ni hta hpa baw byin sani?

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

SHARUNG SHAYAWT 4:13

Rai ti mung, dai gaw mara n kap ai amyu masha ni a si hkrung si htan lam shabyin ai myihtoi ni a shut hpyit ai yubak ni hte hkinjawng ni a shut hpyit ai mara ni a majaw byin wa sai.

EZEKELA 13:22

“Ngai nchyi nmu n byin shangun mayu ai ndai mai kaja ai amyu masha ni hpe nanhte a masu magaw ga ni hte myit shadaw ya myit dai. N hkru ai masha ni gaw n hkru ai amu hpe kau da nna, shanhte a asak mawai la lu na, nanhte hkum da myit dai.

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

EZEKELA 22:28

Shakum hpe namhtun hpraw hte chya da ai masha ni zawn, myihtoi ni mung ndai yubak mara ni hpe magap da nga ma ai. Shanhte gaw n teng ai shingran ni hpe mu nna, masu ai myihtoi ga ni tsun ma ai. Dai Madu ngai nan shanhte hpe n tsun ti mung, Tsaw Htum ai dai Madu gaw ning nga nga ai nga nna shanhte tsun shabra ma ai.

EZEKELA 23:36

Dai Madu gaw ngai hpe, “Si chye ai masha wa e, nang gaw Ohola hte Oholiba yan hpe jeyang na matu jin jin rai nga sani? Shan galaw dan sai matsat shabat amu ni a lam hpe mara deng u.

HOSEA 9:7

Ari jaw na aten du sai, amyu masha ni galaw ai hte maren shanhte hkam la na aten du ra ai. Dai lam byin jang, Israela gaw de a lam chye lu na mara ai! Nanhte gaw, “Ndai myihtoi wa gaw mana ai wa she rai nga a hka! Ndai wenyi n-gun rawng ai wa gaw sai n gring sam ai,” nga nna tsun myit dai. Nanhte ngai hpe grai wa n ju nga myit dai majaw nanhte a yubak gaw grai kaba nga malit dai.

MIHKA 2:11

“Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

MIHKA 3:8

Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

ZEHPANI 3:4

Myihtoi ni gaw lit n la ai hte ga kaman sha tsun nhtawm gumle gumlau rai nga ma ai; hkinjawng ni mung, chyoi pra ai shara hpe awu asin di nna shanhte a akyu a matu Karai Kasang a hkang da ai tara hpe manai makai di ma ai.