SHARUNG SHAYAWT 2:13 - Jinghpaw Common Language Bible 2009

¹³ O Yerusalem, tsaw ra htum ai Yerusalem e, ngai kaning ngu tsun lu na rai nga a ni? Nang hpe ngai gara hku shalan shabran lu na rai nga a ta? Ndai zawn re ai nni nkri hpe kadai mung n hkam sha yu ma ai. Na a ru yak tsin-yam tsindam gaw nammukdara zawn shadawn masat n lu hkra dam lada nga ai; mai byin na zawn re ai myit mada shara hpa mung n nga nga ai.

Jinghpaw Hanson Version Bible

¹³ Yerusalem shayi sha e, na a amu hta ngai hpa sakse madun na rai ta? nang hte hpa shadawn na rai ta? Ziun a shayi hkawnsek e, nang hpe shalan shabran na matu, nang hte hpa shabung na rai ta? Na a hten run ai gaw nammukdara zawn dam nga ai majaw, nang hpe shamai lu na, kadai wa rai ta?

SHARUNG SHAYAWT 2:13 ပူးပေါင်းရင်းမြစ်များ

2 SAMUELA 5:20

Dawi gaw Bala Perazim de lung wa nhtawm dai yang e Hpilisti masha ni hpe gasat dang kau wu ai. Shi gaw, “Dai Madu gaw nye a gumlau hpyen ni hpe hka mawru shaza kau ai zawn galun htinggrang kau nu ai,” ngu nna tsun wu ai. Dai rai nna shara dai hpe Bala Perazim ngu nna shamying wu ai.

2 HKAWHKAM 19:21

dai Madu gaw, “Senahkerib e, Yerusalem mare gaw nang hpe mani nna jahpoi asawng nga ai.

SHAKAWN KUNGDAWN 60:2

Nang gaw lamu ga hpe gari ashun shangun nna, dai hpe nang kahtam hpaw kau nit dai; dai gaw ga ayai mat nga ai majaw ya dai nma ni hpe tsi shamai ya u.

ESAIA 37:22

dai Madu gaw, “Senahkerib e, Yerusalem mare gaw nang hpe mani ai hte mani asawng nga ai.

YEREMIA 14:17

Dai Madu gaw nye a yawn hkyen ai lam hpe ning ngu amyu masha ni hpe tsun na matu ngai hpe hkang da nga ai: “Nye a myi prwi ni shani shana lwi nga u ga, ngai gaw galoi mung n sim n sa hkrap ngu hkrap ngoi nga u ga; hpa majaw nga yang, nye a amyu masha ni gaw grai sawng hkra hkala nba hkrum ai hte laja lana re machyi hkrum nga sai.

YEREMIA 14:19

Madu e, nang gaw Yuda mung hpe atsai awai kau da nu ni? Nang gaw Ziun amyu masha ni hpe n dawng nga n ni? Anhte n mai wa lu hkra nang anhte hpe hpa majaw laja lana di machyi shangun mi ta? Anhte gaw ngwi pyaw sim sa lam hpe tam ga ai, rai ti mung mai kaja ai amu hpa mung n byin wa nga ai; anhte gaw shamai shatsai hkrum na matu myit mada ga ai, rai ti mung de a malai, hkrit hpa lam pru wa nga sai.

YEREMIA 8:22

Gilead mung e tsi mawan hpun ru hpa mung n nga nga a ni? Dai mung hta tsi sara ni n nga ma ni? Dai rai yang, nye a amyu masha ni hpa majaw shamai shatsai n hkrum nga ma ni?

YEREMIA 9:18

Amyu masha ni gaw, “Anhte a myi ni hta myi prwi ni hpring wa ai hte hkrap agru ai majaw anhte a myi hpyi ni madi mat ai aten du hkra, anhte a matu makoi mayang mahkawn mangoi mahkawn hpe alawan sa mahkawn na matu shanhte hpe tsun mu,” ngu nna tsun mu ai.

SHARUNG SHAYAWT 1:12

Shi gaw ndai lam hku lai ai masha shagu hte hpe, “Ngai hpe mada yu mi! Ngai zawn kadai hta mung nchyi nmu hkoi n hkrum yu myit dawng,” ngu nna marawn jahtau wu ai. Dai Madu gaw shi masin pawt ai aten hta nye a ntsa e dai nchyi nmu shapraw nu ai.

EZEKELA 32:31

“Ndai zawn majan hta sat kau hkrum sai ni yawng a lam hpe mu mada ai a jaw e, Egutu hkawhkam hte shi a luksuk ni myit shalan ai lu la na mara ai,” nga nna Tsaw Htum ai dai Madu tsun ai.

Daniela 9:12

Anhte hpe mung, anhte a mung up hkang du ni hpe mung, nang galaw na ngu tsun nit dai hte maren nang galaw nit dai. Nang gaw ginding aga ntsa e nga ai kaga mare hta grau nna Yerusalem mare a ntsa e laja lana re ai ari jaw nga ndai rai nna,