SHARUNG SHAYAWT 2:11 - Jinghpaw Common Language Bible 2009

¹¹ Nye a myi ni gaw hkrap ngu hkrap ngoi hte hki ba nga ai; nye a wenyi nchyi nmu hkrum nga ai. Ngai gaw nye a amyu masha ni a hten byak ai yawn hkyen lam hte atsu atsa nga nga nngai. Ma kaji ni hte ma chyangai ni mung mare nmaw lam hkan e malap mali ndum ndam rai ma ai.

Jinghpaw Hanson Version Bible

¹¹ Nye amyu a shayi sha hten byak hkrum nna, ma kaji ni hte chyu chyu ai ni gaw, mare lam ni hta htan mat ma ai majaw, Nye a myi, myi prwi hte a mam nna, ngai myit law nga nngai: Nye a masin ga ntsa e ru jawng nga ai.

SHARUNG SHAYAWT 2:11 ပူးပေါင်းရင်းမြစ်များ

YOBA 16:13

grup grup de nga ai ni ngai hpe pala gap bun ma ai; nye hkum hta pala ni jung nna nma shakap ya nga ai; shing rai tim, shi gaw matsan yu dum ai myit madun dan ai n rai.

YOBA 30:27

Ngai gaw myit ru myit tsang ai hte nchyi nmu ai a majaw ashep ashin di hkrum nga nngai; ngai gaw lani hte lani nni nkri hkam sha nga nngai.

SHAKAWN KUNGDAWN 119:82

“Nang ngai hpe galoi mi she, karum la na rai nga n ta?,” ngu nna san ai hte, nang tawn da sai ga sadi hpe mada azi yu ai majaw, nye a myi ni tsu nga li ai.

SHAKAWN KUNGDAWN 22:14

Ga ntsa e, hka hpe ru kau ai zawn, nye a n-gun hkoi mat sali ai. Nye a nra hkrihkraw ni mahkra kashai mat sai, nye a myit masin mung shabyawng da ai gitbaw zawn rai nga li ai.

SHAKAWN KUNGDAWN 31:9

Madu e, ngai ru yak tsin-yam hkrum nga nngai majaw, ngai hpe matsan dum la e; nau hkrap kau ai majaw nye a myi ni bum nga li ai, ngai gaw kaja wa dik hkra hki ba mat ni ai.

SHAKAWN KUNGDAWN 38:8

Ngai gaw hki ba la nga nngai hte teng sha wa, agrawp agrap rai mat nga nngai; nye a myit kraw lawang mung ru tsang hkrum nga nna, nchyi nmu hte ngai madai nga nngai.

SHAKAWN KUNGDAWN 6:7

Nye a gumlau hpyen ni a majaw myi bum mat hkra hkrap nna, ngai gaw adan aleng n mu lu nga nngai.

SHAKAWN KUNGDAWN 69:3

Ngai gaw karum la na matu marawn jahtau nngai majaw hki ba nga nngai, nye a yu hkraw mung machyi nga li ai. Nang karum la na hpe mada yu nga nngai majaw nye a myi ni mam mat li ai.

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

ESAIA 38:14

Nye a nsen gaw kaji nna kya nga li ai, Ngai gaw hkrudu zawn madai nngai. Nye a myi ni sumsing lamu de mada yu nna hki ba mat sali ai. Dai Madu gaw ngai hpe ndai ru tsang yawng hta na hkye mawai la nga ai.

ESAIA 51:20

Nmaw lam jut shagu hta na a amyu masha ni n-gun kya ai hte taw nga ma ai; shanhte gaw jaugawng wa a sumgawn hta rim hkrum ai shannga zawn rai ma ai. Shanhte gaw Karai Kasang a sindawng kahtet ai n-gun hpe hkam sha manu ai.

YEREMIA 14:17

Dai Madu gaw nye a yawn hkyen ai lam hpe ning ngu amyu masha ni hpe tsun na matu ngai hpe hkang da nga ai: “Nye a myi prwi ni shani shana lwi nga u ga, ngai gaw galoi mung n sim n sa hkrap ngu hkrap ngoi nga u ga; hpa majaw nga yang, nye a amyu masha ni gaw grai sawng hkra hkala nba hkrum ai hte laja lana re machyi hkrum nga sai.

YEREMIA 4:19

Machyi ai law! Ngai gaw dai machyi ai hpe n hkam lu nngai! Nye a myit masin! Nye a myit masin ja ja htuk htak nga li ai! Ngai atsin sha nga lu ai n rai; Ngai gaw pahtau dum ai nsen hte majan a jahtau garu ai nsen hpe na nngai.

YEREMIA 44:7

“Dai rai nna, Chyahtum Chyalai N-gun Rawng ai dai Madu Israela a Karai Kasang ngai gaw nanhte a hkum hpe shaza kau na matu ndai zawn n hkru n shawp ai amu hpe nanhte hpa majaw galaw nga myit ta? Nanhte gaw lasha ni, numsha ni, ma kaji ni hte chyu chyu ai ma shangai ni langai mi mung n ngam mat hkra jahten kau hkrum na myit ra sharawng nga myit ni?

YEREMIA 8:19

Madat u! Nye a amyu masha ni a hkrap shabam nga ai nsen hpe mungdan ting hta ngai na nngai. Dai Madu gaw Ziun mare hta n nga sani? Ziun a hkawhkam gaw dai yang e n nga sani? Dai Madu shanhte a hkawhkam wa gaw, “Na a hpara sumla ni hpe nawku ai hte akyu n rawng ai na a maigan karai ni hpe gum dagup ai hku ngai hpe hpa majaw pawt sindawng shangun myit ta?,” ngu nna htang shana wu ai.

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

SHARUNG SHAYAWT 1:16

“Dai re ai majaw, nye a myi ni gaw myi prwi ni hte kabrat nga li ai. Kadai mung ngai hpe shalan shabran lu ai n rai; kadai mung ngai hpe nden marai shajat ya lu ai n rai. Gumlau hpyen gaw ngai hpe ka-up dang kau nu ai; nye a amyu masha ni hpa mung n lu mat manu ai.

SHARUNG SHAYAWT 1:20

“O Madu e, nye a tsin-yam tsindam hpe mung, nye a wenyi a ru yak makyin madut hpe mung mada yu u! Nye a myit masin gaw nye yubak ni a majaw yawn hkyen ai hte daw hten mat sali ai. Nmaw lam ni hkan masha sat amu nga nga ai; nhku kata e pyi si hkrung si htan gaw nga nga ai.

SHARUNG SHAYAWT 5:17

Anhte gaw gawng run gawng tsang hkrum nga ga ai; myi prwi si ni a majaw asan awan mu mada lu na yak nga ai.

LUKA 23:29

Hpa majaw nga yang, ‘Ma n lu yu ai num, na-um nasin n rai yu ai hkum hte chyu n jaw yu ai kanu ni gaw a lu ma ai,’ nga nna masha ni tsun na ten du na ra ai.

1 SAMUELA 30:4

Shaloi Dawi hte shi a masha ni gaw jahtau hkrap hpang wa ai hte shanhte grai ba kalawp mat hkra, ahkrap nga ma ai.