SHARUNG SHAYAWT 1:9 - Jinghpaw Common Language Bible 2009

⁹ Shi a n san n seng ai gaw aloi sha mu lu nga ti mung, shi gaw shi a htawm hpang na maka hpe myit tsang ai lam hpa mung n madun nga wu ai. Shi a hkrat sum ai lam gaw hkrit kajawng hpa rai nna kadai mung shi hpe shalan shabran lu ai n rai. Shi a gumlau hpyen ni shi hpe dang kau mu ai majaw matsan dum la na matu dai Madu hpe hpyi jahtau ma ai.

Jinghpaw Hanson Version Bible

⁹ Shi a n san n seng ai dan leng nga timung, htawm hpang e hkrum na ra ai lam hpe n dum nga ai; Dai re ai majaw shi mau hkra shagrit kau ai hkrum nna, shi hpe shalan shabran ai wa n nga ai: Yehowa e, ngai hkrum ai nni nkri hpe yu u; hpyen wa gaw shi hkum hpe shagrau wu ai.

SHARUNG SHAYAWT 1:9 ပူးပေါင်းရင်းမြစ်များ

2 SAMUELA 16:12

Dai Madu gaw nni nkri lam hpe yu matsing nhtawm, shi matsa ai a marang e, ngai hpe shaman chyeju nkau mi jaw ya nhten,” ngu nna tsun wu ai.

2 HKAWHKAM 14:26

Dai Madu gaw Israela masha ni a hkrit hpa nni nkri hpe mu ya wu ai; shanhte hpe karum la na masha langai mi pyi n nga nga ai.

NEHEMIA 9:32

“O Karai Kasang, anhte a Karai Kasang, Nang gaw kade sha galu kaba nga a hka! Kade sha hkrit mai nga a hka! Kade sha daru magam n-gun rawng nga a hka! Nang gaw ga shaka hte seng ai ga sadi ni hpe sadi sahka hte shatup ndai. Asuri hkawhkam ni anhte hpe dip gamyet sha ai aten kaw nna, ya du hkra pyi, anhte nni nkri kade daram hkam sha kau nga saga hka! Anhte a hkawhkam ni, anhte a ningbaw ni, anhte a hkinjawng ni hte myihtoi ni, anhte a kaji kawa ni hte anhte a amyu masha ni yawng nni nkri hkam sha kau nga saga hka! Anhte nni nkri kade daram hkam sha kau saga ai hpe adum nga u law!

SHAKAWN KUNGDAWN 119:153

Na a tara hpe ngai n malap kau nga nngai majaw, nye a nni nkri hpe yu nna, ngai hpe hkye hkrang la e.

SHAKAWN KUNGDAWN 140:8

Madu e, tara n lang ai wa a ra ai lam hpe hkum jaw ya et; shanhte a n hkru ai maw mawn lam ni hpe mung, hkum hkan ya nga et.

SHAKAWN KUNGDAWN 25:18

Nye a myit ru myit tsang lam hte nni nkri lam ni hpe myit sawn ya e, nye a yubak ni yawng hte hpe mung dat kau ya e.

SHAKAWN KUNGDAWN 69:21

Ngai kawsi ai hkrum yang, shanhte ngai hpe gung jaw mi ai; ngai hpang gara ai hkrum yang, shanhte ngai hpe ntsin jahkri jaw lu mi ai.

PRU MAT 3:17

Shanhte gaw mazut ai hku adip arip di hkrum nga ai Egutu mung kaw nna ngai woi shapraw la nhtawm, Hkanan, Heti, Amori, Hperizi, Hiwi hte Yebusi masha ni nga ai dai sut su ngamu ngamai ai hte ga sau kaja hpring ai mung de shanhte hpe woi wa na ngu nna, ngai myit daw dan da ni ai.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

PRU MAT 4:31

Dai Madu mung shanhte kaw du sa nna shanhte kade mazut ai hku adip arip hkrum sha nga ma ai hpe mu mada ya nu ai lam hpe shanhte na ma ai shaloi, kam sham ai hte gum dagup nna nawku ma ai.

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

ESAIA 3:8

Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

ESAIA 37:17

Ya chyawm gaw, Madu e, anhte a ga na ya nna anhte hta hpa byin nga ai lam hpe mada yu u. Ahkrung nga ai Karai Kasang nang hpe Senahkerib n kaw n law nga nna tsun nga ai ga yawng mayawng hpe madat u law.

ESAIA 37:23

Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

ESAIA 37:29

Na a n-yun bu ai shiga hte na a gumrawng gumtawng ai ga ni hpe ngai lu la nngai, ya chyawm gaw, na ladi hta lashoi shoi ya nna na a n-gup hta runghtung bang let, nang du sa wa ai lam hku bai nhtang mat wa shangun na de ai.”

ESAIA 37:4

Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

ESAIA 40:2

Yerusalem amyu masha ni hpe n-gun jaw mu. Shanhte aten galu mi hkrum sha lai wa sai nni nkri hte ya raw dat hkrum sai shanhte a yubak mara ni a lam shanhte hpe tsun dan mu. Ngai gaw shanhte hpe shanhte galaw ai yubak mara yawng a matu hpring tup hkra ari jaw ni ai,” ngu nna tsun ai.

ESAIA 47:7

Nang gaw prat ting na hkawhkam jan zawn myit nawn kau nga ndai, na a myit masin hta ndai amu ni hpe n myit ndai, dai amu gara hku htum mat na hpe nang n myit ndai.

ESAIA 51:19

Tsin yam tsindam htam lahkawng na a ntsa e hkrat nga sai; na a mungdan gaw majan a majaw hten run mat sai, na a amyu masha ni hku hku masai. Nang hpe matsan yu dum la na masha kadai n nga nga ai.

ESAIA 54:11

Dai Madu gaw, “Nang gaw nni nkri hte matsan mayan hkrum ai mare, nang hpe shalan shabran na kadai n nga ai Yerusalem e, Ngai gaw na a npawt nhpang ni hpe hpu reng ai nlung ni hte bai gaw gap da na nngai.

YEREMIA 13:27

Shi gaw nang galaw ai shi n dawng ai amu ni hpe mu nu ai. Htingbu wa a madu jan hpe hkan asoi yu nna ngang katu ai lasha wa zawn mung, gumra u yi hpang hkan ai lau gung zawn mung, kawng ni a ntsa hkan hte pa layang hkan e gap da ai tara maigan hpara ni hpang de nang hkan nga ai hpe shi mu nu ai. Yerusalem amyu masha ni e, nang gaw dingnye hkrum nga ndai! Galoi mi she nang san pra wa na rai nga n ta?

YEREMIA 16:7

Tinang tsaw ra ai wa si mat ai shaloi, shi hpe shalan shabran na matu kadai mung lu sha na ra ai n rai; shi a kanu yan kawa si mat tim pyi, kadai mung shi a matu matsan dum ai myit madun dan na ra ai n rai.

YEREMIA 2:34

Na a hpun palawng ni gaw lagu lagut ni a asai hte n rai, matsan mayan masha ni hte mara n kap ai ni a asai hte numsha nga ai. “Rai ti mung, ndai zawn re ai amu yawng byin nga ti mung,

YEREMIA 48:26

Dai Madu gaw, “Moba gaw ngai hpe gumlau ai majaw, shi hpe chyaru nang kau shangun mu. Moba gaw shi a nhpat hta galwi la na ra ai, masha ni gaw shi hpe mani asawng kau na mara ai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

YEREMIA 50:29

“Babelon mung hpe gasat na matu, ndan gap ai ni hpe tsun mu. Ndan chye lang, pala chye gap ai masha shagu hpe shangun dat mu. Dai mare kata na masha langai mi mung n hprawng lawt lu hkra, wang shinggrup da mu. Ndai masha ni gaw Israela a Chyoi Pra ai Wa ngu ai ngai hpe gumrawng gumtawng ai arawn alai shapraw dan manu ai majaw shanhte galaw ai hte maren bai tai mu, kaga masha ni hpe shanhte pagawn para di mu ai hte maren shanhte hpe mung di mu.

SHARUNG SHAYAWT 1:17

“Ngai gaw nye a lata ladawn nngai, rai ti mung kadai mung ngai hpe karum la na ra ai n rai. Dai Madu gaw ngai hpe man grup grup kaw nna gumlang na matu, gumlau hpyen ni hpe shaga da nu ai; Shanhte gaw ngai hpe matsat shabat re ai lama mi zawn di mi ai.

SHARUNG SHAYAWT 1:21

“Nye a madai sharung ai nsen ni hpe madat ya et; ngai hpe shalan shabran la na langai mi mung n nga nga ai. Nang gaw nye a ntsa e ru yak tsin-yam tsindam shapraw dat nit dai majaw, nye a gumlau hpyen ni kabu nga ma ai. Nang ga sadi tawn da ai nhtoi hpe shadu nna, ngai hkam sha ai zawn nye a gumlau hpyen ni hpe nni nkri hkam sha shangun u.

SHARUNG SHAYAWT 2:13

O Yerusalem, tsaw ra htum ai Yerusalem e, ngai kaning ngu tsun lu na rai nga a ni? Nang hpe ngai gara hku shalan shabran lu na rai nga a ta? Ndai zawn re ai nni nkri hpe kadai mung n hkam sha yu ma ai. Na a ru yak tsin-yam tsindam gaw nammukdara zawn shadawn masat n lu hkra dam lada nga ai; mai byin na zawn re ai myit mada shara hpa mung n nga nga ai.

SHARUNG SHAYAWT 4:1

Anhte a htoi kabrim ai aja gaw n kabrim mat nu ai; Nawku Htingnu nlung ni mung nmaw lam hkan e taw nga ai.

SHARUNG SHAYAWT 5:1

O Madu e, anhte hta hpa byin nga sai lam hpe dum nga u. Anhte hpe mada yu nna, anhte hpe jahpoi jahpyak ai lam hpe mu ya e.

HOSEA 2:14

Dai re ai majaw, ngai shi hpe nam mali kata de bai woi shalen shang mat wa nna dai yang e, tsaw ra ai ga tsun let shi hpe bai pyaw shangun na nngai.

ZEHPANI 2:10

Dai gaw Moba hte Amon yan gaw shan a gumrawng gumtawng ai hte myit tsaw myit dap nga nna, Chyahtum Chyalai N-gun rawng nga ai dai Madu a amyu masha ni hpe n kaw n law di ai a majaw nni nkri ari hkrum sha na mara ai.

YAWHAN 11:19

Yuda masha ni law law wa Marhta yan Mari a kayung wa Lazaru si mat ai majaw sa shalan na matu sa du ma ai.

TARA JAHPRANG 26:7

Shaloi anhte mung anhte a ji wa ni a Karai Kasang dai Madu kaw karum la na matu hpyi jahtau saga ai. Dai rai nna anhte hkrum sha ai nni nkri, yak hkak jam jau lam hte nchyi nmu lam ni hpe mu ai hte na ya mi ai.

TARA JAHPRANG 32:27

Rai ti mung shanhte a gumlau hpyen ni nye a masha ni hpe dang kau ma ai shaloi, shanhte lu galaw ai ngu nna shanhte a shakawng shakat gumrawng na lam hpe ngai ahkang n lu jaw nngai; shanhte hpe ngai hkum nan agrawp kau nngai.’

TARA JAHPRANG 32:29

Shanhte gaw hpa lam a majaw sum mat ma ai hpe n mu lu ma ai; kaning rai byin sai lam hpe shanhte n chye na lu ma ai.

1 PETRU 4:17

Tara jeyang hpang na aten du ra ai rai nna Karai Kasang a nta masha ni hpe shawng jeyang daw dan ai hkrum na mara ai. Lama rai nna anhte dai tara jeyang daw dan ai hpe shawng hkrum ga yang gaw Karai Kasang a kabu gara shiga hpe n kam n sham ai ni a jahtum ai gaw kaning rai na rai ai kun?

1 SAMUELA 1:11

Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”