SHARUNG SHAYAWT 1:8 - Jinghpaw Common Language Bible 2009

⁸ Shi a arawng sadang hkoi mat nu ai; shi gaw singgu krin rai nga ai hte n kaw n law di hkrum nga ai. Shi gaw madai sharung ai hte shi a myi man hpe kaya ai hte makoi magap da nga ai. Yerusalem gaw shi hkum hpe awu asin di nhtawm hkrit hpa yubak hte matsat shabat di kau wu ai.

Jinghpaw Hanson Version Bible

⁸ Yerusalem gaw grai shut hpyit ai majaw, matsat shabat tai wa sai; Shi hpe hkungga ai ni nlang, shi singgu krin rai nga ai hpe mu nna, shi hpe n kaw n law di kau mu ai: Gaja wa shi madai nga nna, kanut mat wa ai.

SHARUNG SHAYAWT 1:8 ပူးပေါင်းရင်းမြစ်များ

NINGPAWT NINGHPANG 3:7

Dai asi hpe shan sha ngut ai shaloi jang, chye na hkawn hkrang ai hpaji shan lu la nna, shan singgu krin rai nga ma ai hpe dum chye ma ai; dai majaw shan gaw lakum lap ni hpe chywi matut nna tinang hkum ni hpe magap da ma ai.

1 HKAWHKAM 9:6

Rai ti mung, nang mung, na a amyu matu ni mung, ngai kaw n hkan nang ai sha, ngai nang hpe jaw ya se ai tara ni hte hkang da ai ga ni hpe n madat n mara ai sha kaga karai ni hpe nawku ai rai yang,

1 HKAWHKAM 9:7

shanhte hpe ngai jaw da ai mungdan kaw nna nye a amyu masha ni hpe yeng kau nna, ngai hpe nawku na shara ngu nna ngai majai da sai ndai Nawku Htingnu hpe mung ngai kau da na nngai. Shara shagu hkan nga nga ai masha amyu baw ni mung Israela hpe asawng asang rai nna n gawn n sawn di kau na mara ai.

1 HKAWHKAM 9:9

Shaloi masha ni gaw, “Shing re ai lam gaw Egutu mung kaw nna shanhte a kaji kawa ni hpe woi wa ai dai Madu shanhte a Karai Kasang hpe shanhte kau da nga ma ai majaw rai nga ai. Shanhte gaw kaga karai ni a hpang de hkan nang ai hte dai ni hpe nawku ma ai. Dai lam a majaw dai Madu mung shanhte a ntsa e ndai ru yak tsin-yam tsindam shapraw dat nga ai,’” ngu nna htan na mara ai.

ESAIA 47:3

Amyu masha ni gaw nang singgu krin rai nga ai hpe mu na mara ai; shanhte gaw nang shagrit kau hkrum ai hte kaya kahpa hkrum sai hpe mu na mara ai. Ngai matai dawk na nngai, kadai mung ngai hpe jahkring lu na n rai,” ngu nna tsun ai.

YEREMIA 13:22

Ndai lam ni yawng nang hta hpa majaw byin a ta? Hpa majaw na a hpun palawng ni gang je kau hkrum ai hte roi rip hkrum nga ndai kun?, nga nna nang san ai rai yang, dai lam gaw grai hkrit tsang ra ai na a yubak a majaw rai nga ai.

YEREMIA 13:26

Dai Madu gaw shi nan na a hpun palawng hpe raw kau ya nna kaya kahpa hpe shadan shapra da na ra ai.

YEREMIA 15:4

Hezekia a kasha Manashe Yuda hkawhkam tai nga yang, Yerusalem hta shi galaw sai amu a majaw, ngai gaw mungkan ga na masha ni yawng hta shanhte hpe hkrit hpa kumla shatai kau na we ai.”

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YEREMIA 32:23

Rai ti mung, shanhte gaw ndai mung de shang wa nna, dai mung hpe madu sha wa ai shaloi, shanhte gaw na a hkang da ai ga ni hpe mung, na a sharin achyin ai matsun ga hte maren nga na matu mung, n madat n mara nga ma ai; shanhte hkan galaw na matu nang hkang da ai lam hpa hpe mung shanhte n galaw shatup ma ai. Nang gaw shanhte a ntsa e dai jahten shabyak ai lam yawng shapraw dan nit dai.

YEREMIA 34:17

Dai majaw, nang gaw ngai shaga ai ga hpe n madat mara ndai; na a hpu nau Israela ni a shanglawt ahkaw ahkang hpe nang n jaw ndai nga nna dai Madu ngai nan tsun ni ai. Grai kaja sai, dai majaw, hpyen majan hte mung, ana zinli hte mung, kawsi hpang gara ai hte mung si htum mat wa chye ai shanglawt ahkaw ahkang, ngai nang hpe jaw ya na de ai. Nang hpe ngai shapraw dan na tsin-yam tsindam hta mungkan mungdan amyu baw shagu hte hpe ngai jahkrit shama shangun na nngai.

YEREMIA 4:31

Ngai gaw shinggyim machyi ai numsha hte kasha alat shangai ai numsha a jahtau kyik ai nsen zawn jahtau hkrap ai nsen hpe na ni ai. Dai gaw Yerusalem a jahtau ai nsen rai nna ba galawp ai hte shi a lata ladawn nna, “Ngai gaw hten run ai hkrum nga nngai! Shanhte gaw ngai hpe sat na matu sa wa nga ma hka!,” ngu nna tsun nga ai.

YEREMIA 6:28

Shanhte yawng hte gaw hpri hte magri mang ja ai zawn, du ja ai gumle gumlau ni rai ma ai. Shanhte yawng hte gaw n san n seng nga ai hte shiga htawn, shatan hkawm ai ni rai ma ai.

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

SHARUNG SHAYAWT 1:17

“Ngai gaw nye a lata ladawn nngai, rai ti mung kadai mung ngai hpe karum la na ra ai n rai. Dai Madu gaw ngai hpe man grup grup kaw nna gumlang na matu, gumlau hpyen ni hpe shaga da nu ai; Shanhte gaw ngai hpe matsat shabat re ai lama mi zawn di mi ai.

SHARUNG SHAYAWT 2:10

Yerusalem na asak kaba sai salang ni gaw ga ntsa e atsin sha dung nga nhtawm, Shanhte a baw ntsa hkan e ga nhpu kap nga nna, shanhte a hkum ni hta lachyit nba ni lawai da nga ma ai. Num mahkawn ma ni mung ga de gum dagup nga ma ai.

SHARUNG SHAYAWT 4:21

Edom hte Uza mung masha ni e, mani sumsai rai nga mu; nang dang lu ai made kabu gara nga u. Na a ru yak tsin-yam tsindam mung du wa ra ai; nang mung ndi nda rai lam hkawm nhtawm singgu krin kaya kahpa hkrum na rin dai.

EZEKELA 23:29

Shanhte mung nang hpe n dawng n yawt nga ma ai majaw, nang galaw shakut da ai arung arai shagu hpe shanhte la mat wa nna nang hpe mung, shawa num langai zawn shadan shadawng ai hte singgu krin jahti da na mara ai. Na a ngang gayut ai hte shawa num amu galaw ai dai lam gaw na a ntsa e dawng pru nit dai.

EZEKELA 23:46

Ndai gaw Tsaw Htum ai dai Madu tsun ai mungga rai nga ai: “Shan hpe jahkrit shama nna kashun kashe hpyu la na matu masha wunawng wuwa woi wa na nngai.

EZEKELA 39:23

Israela amyu masha ni ngai hpe shut hpyit ai yubak mara ni a majaw, shanhte bawng dung hkrum wa ai hpe, masha amyu baw ni chye lu na mara ai. Ngai gaw shanhte hpe myi man kayin kau da ai hte gumlau hpyen ni hpe dang shangun nhtawm shanhte hpe majan hta sat kau hkrum shangun na nngai.

HOSEA 2:10

Ngai gaw shi a sumtsaw ni a man e shi hpe singgu krin raw sharun da na nngai, kadai mung shi hpe nye a lata kaw nna hkye mawai la lu na n rai.

HOSEA 2:3

Dai amu hpe shi n jahkring ai rai yang, ngai gaw shi a hpun palawng raw kau ya nhtawm shi shangai wa ai shani na zawn singgu krin di da na we ai. Ngai gaw shi hpe hkun hkraw nna akrin ayang re ai lamu ga zawn shatai kau na nngai; shi gaw hpang gara ai hte si mat wa na ra ai.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.