SHARUNG SHAYAWT 1:7 - Jinghpaw Common Language Bible 2009

⁷ Ya garen gari rai hten run mat sai Yerusalem gaw moi shawng na shi a hkik hkam ai arawng sadang hpe myit dum nga ai. Shi gaw gumlau hpyen a lata de hkrat mat ai shaloi, shi hpe karum la na masha langai mi mung n nga nga ai; Shi hpe dang manga kau ai ni mung shi a hkrat sum ai hpe jahpoi asawng nga ma ai.

Jinghpaw Hanson Version Bible

⁷ Mung masha ni gaw hpyen ni a lata de du nna, karum ai wa n nga ai majaw, Hpyen ni shi hpe mu mada nna, shi myit htum ai lam asawng nga ma yang, Yerusalem gaw nni nkri hte hki ba hkrum ai shani e, moi shawng na pyaw lam ni hpe dum nga ai.

SHARUNG SHAYAWT 1:7 ပူးပေါင်းရင်းမြစ်များ

YOBA 29:2

Nye a asak hpe chyu sha shawng de na zawn lang mi bai nga shangun lu ai rai yang, shawng de na zawn Karai Kasang ngai hpe sin yu na rai wu ai.

SHAKAWN KUNGDAWN 42:4

Lai sai aten na lam hpe ngai myit dum yu ai shaloi, nye a myit hta grai yawn la nga nngai; Karai Kasang a nta de shawa masha ni hte rau ngai lung wa ai shaloi, kabu gara ai shawa hpawng gaw, Karai Kasang hpe mahkawn mangoi ai hte, kabu jahtau nhtawm, shanhte hpe woi hkawm lung wa yu ni ai.

SHAKAWN KUNGDAWN 77:3

Ngai Karai Kasang a lam hpe myit yu ai shaloi, nsa kaba shaw nngai; ngai myit aru yu ai shaloi, myit ru myit yak ai lam hpe ngai hkam sha nga nngai.

SHAKAWN KUNGDAWN 79:4

Htingbu mungdan amyu masha ni mung anhte hpe asawng asang di mi ai; anhte hpe mani ai hte n kaw n law di da mi ai.

ESAIA 64:10

Na a chyoi pra ai mare ni gaw nam mali zawn tai mat sai; Yerusalem gaw katsi katsang hten run mat sai,

ESAIA 64:11

chyoi pra ai hte tsawm htap nna anhte a kaji kawa ni nang hpe shakawn kungdawn ai anhte a Nawku Htingnu mung wan a majaw hten mat sai. Anhte tsaw ra manoi ai shara ni yawng hten run mat sai.

YEREMIA 37:7

“Egutu hpyen luksuk ni gaw nang hpe karum la na matu pru sa wa ma ai, rai ti mung, dai ni gaw shanhte a dum nta de nhtang mat wa na mara ai.

YEREMIA 48:27

Moba e, nang gaw Israela amyu masha ni hpe kaning rai ashu kau nit ta? Dai hpe dum nga u. Shanhte gaw mya lu mya sha ai damya hpung mi a lata hta rim hkrum ma ai zawn nang shanhte hpe di kau nit dai.

SHARUNG SHAYAWT 4:17

Anhte gaw galoi mung n karum yu ai karum la lam hpe kachyi mi pyi n lu yu mat ai aten du hkra mada yu ga ai. Anhte gaw karum la lam n jaw ya lu ai masha amyu baw a karum la lam hpe la nga dingyang rai nga ai.

EZEKELA 25:3

Tsaw Htum ai dai Madu ngai nan tsun nga ai mungga madat na matu shanhte hpe tsun u: Nang gaw awu asin di kau hkrup sai nye a Nawku Htingnu hpe mung, shingran katsi mat sai Israela mungdan hpe mung, bawng dung hkrum ai Yuda amyu masha ni hpe mung, yu kabu ai hte yu sharawng nga nit dai majaw,

EZEKELA 25:6

“Ndai gaw Tsaw Htum ai dai Madu tsun ai mungga rai nga ai: Nang gaw lahpawk dum let kabu gumhtawn hkawm nga ndai. Nang gaw Israela mungdan hpe n kaw n law di kau nga ndai.

HOSEA 2:7

Shi gaw shi a sumtsaw ni a hpang hkan mat wa na ra ai rai ti mung shanhte hpe hkan dep lu na n rai. Shi gaw shanhte hpe tam na ra ai rai ti mung shanhte hpe mu na ra ai n rai. Dai hpang shi gaw, “Ngai gaw nye a shawng na madu wa hpang de nhtang wa na nngai-dai gaw ya na zawn ngai nga nga ai hta grau kaja nga ai,” ngu nna tsun wu ai.

MIHKA 4:11

Masha amyu baw ni law law nang hpe gasat na matu hpawng nga masai. Shanhte gaw, “Yerusalem gaw hten run mat ra ai! Ndai mare hten run taw nga ai hpe anhte mu lu na ga ai!,” ngu nna tsun ma ai.

LUKA 15:17

Hpang jahtum shi a kraw hta dum hprang wa nna, ‘Nye wa a nta e shabrai sha nna bungli galaw ai masha ni gade wa n taw n tsang shat sha lu nga ma hka! Ngai wa gaw ndai yang e, kawsi kyet ai hte hten bya magang wa nga nngai.

LUKA 16:25

“Shaloi Abraham gaw, Sha e, nang gaw naw hkrung nga ai aten hte yang, na a ngamu ngamai ai yawng hkam la lu nit dai hpe mung, Lazaru gaw dai ten hte yang, tsin-yam tsindam hkrum nga ai mung, dum nga u; ya gaw shi nang e pyaw pyaw ningngai nga nu ai, nang mahtang gaw nji nmu hkrum nga lit dai.