SHARUNG SHAYAWT 1:6 - Jinghpaw Common Language Bible 2009

⁶ Yerusalem a hkik hkam ai arawng sadang gaw lai sai aten na lam langai rai nga ai. Shi a ningbaw ni mung shannga zawn kawsi hkrum nna gawng kya nga ma ai, Dai ni gaw jaugawng ni a lata kaw na hprawng lawt ai zawn shanhte a n-gun atsam ganoi noi pyi she htum mat ma ai.

Jinghpaw Hanson Version Bible

⁶ Ziun shayi sha a hpung shingkang yawng wai mat sai; Shi a du ni gaw, ushat n mu ai shan nga hte bung nna, N-gun yawm ai majaw, hkan shachyut ai ni a man a hkawm nga ma ai.

SHARUNG SHAYAWT 1:6 ပူးပေါင်းရင်းမြစ်များ

2 HKAWHKAM 19:21

dai Madu gaw, “Senahkerib e, Yerusalem mare gaw nang hpe mani nna jahpoi asawng nga ai.

2 HKAWHKAM 25:4

mare bunghku ni hpe tawk waw pru wa ma ai. Babelon masha ni gaw dai mare hpe wang shinggrup da nga ma ti mung, share shagan ai hpyenla ni yawng gaw hkawhkam wa a sun makau na bunghku lahkawng a lapran na chyinghka lam hku shana e shanhte pru nhtawm Yawdan Kadit ang ang de hprawng pru mat wa ma ai.

2 HKAWHKAM 25:5

Rai ti mung Babelon hpyen luksuk ni gaw Hkawhkam Zedekia hpe hkan shachyut nna Yerihko pa layang e shi hpe hkan rim la mu ai; shi a share shagan hpyenla ni yawng mung shi hpe shakram kau da ma ai.

SHAKAWN KUNGDAWN 50:2

Karai Kasang gaw shi a hkum tsup tsawm htap nga ai Ziun mare kaw nna, nhtoi shatu dat wu ai.

SHAKAWN KUNGDAWN 96:9

Shi dan pru wa ai shaloi, Chyoi Pra Ai Wa a man e, dingnyawm mu; aga ting shi a man e, hkrit gari nga mu!

ESAIA 1:21

Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 4:5

Dai hpang Ziun Bum ntsa hte dai yang e jahpawng da hkrum ai ni yawng a ntsa e, dai Madu gaw shani e sumwi hte shana e wan hkut hte htoi san ai wan shinglet ni dat dat na ra ai. Karai Kasang a hpung shingkang gaw ka-up nga nna mare ting hpe makawp maga na ra ai.

YEREMIA 13:18

Dai Madu gaw ngai hpe, “Shanhte a htoi kabrim tsawm htap ai janmau ni di hkrat mat mu ai majaw, shanhte a magam tingnyang ni kaw na yu na matu, hkawhkam wa hte shi a kanu hpe tsun u.

YEREMIA 29:4

“Chyahtum Chyalai N-gun Rawng ai dai Madu Israela a Karai Kasang gaw Yerusalem kaw nna Babelon mung de bawng dung hkrum na matu Nebuhkadneza hpe ahkang jaw da sai dai amyu masha ni yawng hpe tsun dan ma ai lam ning nga nga ai:

YEREMIA 47:3

Shanhte gaw gumra lahkru ngoi ai nsen hpe mung, hpyen leng ni a wu kadu ai nsen hpe mung, leng dingsen ni a ngoi garu ai nsen hpe mung na na mara ai. Kanu kawa ni gaw shanhte a kashu kasha ni hpe karum na matu bai kayin wa lu na mara ai n rai; shanhte a lata ni n-gun yawm ai hte kya noi taw nga na mara ai.

YEREMIA 48:41

mare ni hte hpyen dap ni zing la hkrum na ra ai nga nna dai Madu ga sadi tawn da nu ai. Dai shani e, Moba hpyenla ni gaw shinggyim machyi hkrum ai num zawn hkrit kajawng mat na mara ai.

YEREMIA 52:11

Dai hpang, Zedekia a myi hpe achyaw baw kau ya nhtawm, hpri sumri hte gyit nna Babelon mung de woi wa ma ai. Zedekia gaw shi si mat ai shani du hkra, Babelon mung e htawng rawng nga wu ai.

YEREMIA 52:13

Shi gaw Yerusalem na Nawku Htingnu, hkawhkam htingnu ni hte Yerusalem hta nga ai ahkyak masha ni a dum nta ni yawng hpe nat kau wu ai;

EZEKELA 24:21

Israela masha ni hpe ndai mungga jaw ya na matu ngai hpe tsun wu ai: Nang gaw Nawku Htingnu a n-gun atsam hta gumrawng gumtawng nga ndai. Nang gaw dai hpe yu sharawng nna dai de sa chyai nga ndai, rai ti mung, dai Madu gaw dai shara hpe awu asin di kau na ra ai. Yerusalem hta jahti da ai na a dinghku ni hta na shayi shadang sha ni gaw hpyen majan hta sat kau ai hkrum na mara ai.

EZEKELA 24:25

Dai Madu gaw, “Yu u, si chye ai masha wa e, ngai gaw shanhte yu sharawng nna sa chyai nga ai dai shanhte a gumrawng gumtawng shara hte kabu gara shara ngu ai Nawku Htingnu hpe shanhte a man kaw na la kau na we ai. Shanhte a shayi shadang sha ni hpe mung la kau na we ai.

TARA JAHPRANG 28:25

“Nanhte hpe hpyen ai gumlau hpyen ni hpe dai Madu gaw awng padang jaw kau ya na ra ai. Nanhte gaw man maga langai hku sha shanhte hpang de htim sa wa lu myit ti mung, nanhte gaw shanhte kaw na lam maga sanit hku hprawng htaw mat wa na rai myit dai. Ga ntsa na masha amyu baw ni yawng nanhte hta byin ai lam ni hpe yu nna hkrit gari mat na mara ai.

TARA JAHPRANG 32:30

Marai langai sha masha hkying mi hpe, marai lahkawng e sha mun mi hpe hpa majaw dang kau lu a ta? Dai Madu shanhte a Karai Kasang shanhte hpe kau da nu ai; chyalai n-gun hte hpring ai shanhte a Karai Kasang shanhte hpe ap kau nu ai.