SHARUNG SHAYAWT 1:5 - Jinghpaw Common Language Bible 2009

⁵ Shi a gumlau hpyen ni awng padang lu ma ai; shanhte gaw shi hpe daru magam n-gun hte ka-up da ma ai. Dai Madu gaw shi a law la ai yubak ni yawng a matu shi hpe nni nkri hkrum shangun wu ai; Shi a ma kaji ni rim hkrum nna woi la hkrum nga ma ai.

Jinghpaw Hanson Version Bible

⁵ Shi law la ai yubak a lam, Yehowa shi hpe ari jaw ai majaw, Shi hpe n dawng ai ni baw tai wa nna, shi hpe hpyen ai ni galu kaba wa ma ai: Shi a ma kaji ni hpe mung, hpyen ni bawng rim wa manu ai.

SHARUNG SHAYAWT 1:5 ပူးပေါင်းရင်းမြစ်များ

2 HKAWHKAM 21:15

Shanhte gaw ngai hpe shut hpyit kau nna Egutu mung na pru wa ai shanhte a kaji kawa ni a prat kaw nna dai ni du hkra ngai hpe masin pawt shangun nga ma ai majaw ndai amu nye a amyu masha ni hta ngai galaw na we ai,” ngu nna tsun wu ai.

SHAKAWN KUNGDAWN 80:6

Nang gaw anhte a lamu ga hpe, grup yin mungdan ni hpe sa gasat shangun nga ndai; anhte a gumlau hpyen ni mung anhte hpe n kaw n law di mi ai.

SHAKAWN KUNGDAWN 89:42

Shi a gumlau hpyen ni hpe nang shadang shangun nna; shanhte yawng hte hpe nang kabu gara shangun nga nit dai.

ESAIA 22:5

Ndai gaw Shingran Kadit hta dai Chyahtum Chyalai N-gun rawng ai Tsaw Htum ai dai Madu gaw kajawng kaja kaming kamawng rai hkrat sum ai hte shanut shanat re ai hpe anhte a ntsa e dat dat ya ai aten rai nga ai. Anhte a mare bunghku ni agrawp daw mat ai hte karum la na matu jahtau ai nsen gaw kawng ni a lapran e hpungtang kashaw nga ai.

ESAIA 63:18

Na a chyoi pra ai amyu masha, anhte gaw chyahkring mi laman, anhte a gumlau hpyen ni a gawt shapraw kau ai hkrum ga ai; shanhte gaw na a chyoi pra ai shara hpe kabye anyawp kau ma ai.

YEREMIA 10:20

Anhte a sum ni hten run mat sai; shanhte hpe gyit da ai sumri ni di mat sai. Anhte a kashu kasha ni mat mat masai; anhte a sum ni hpe bai sharawt da na masha langai mi mung n nga sai; shanhte a nba grang ni hpe grang na matu kadai n nga nga sai,” nga nna tsun ma ai.

YEREMIA 12:7

Dai Madu gaw, “Ngai gaw Israela hpe kau da ni ai; Ngai gaw lata la hkrum sai nye a amyu baw hpe n hkap la ni ai. Ngai tsaw ra ai amyu masha ni hpe shanhte a gumlau hpyen ni a lata de ap kau se ai.

YEREMIA 23:14

Rai ti mung, shanhte hta grau sawng ai Yerusalem mare na myihtoi ni hpe ngai mu se ai: shanhte gaw num shaw la shaw amu shut hpyit nhtawm masu magaw ga ni tsun ma ai; shanhte gaw amyu masha ni hpe shut ai amu galaw na karum ya ma ai, shaloi, n hkru ai amu galaw nga ai hpe kadai mung jahkring da lu na ra ai n rai. Shanhte yawng gaw nye a man e n hkru ai Sodom hte Gomora mare masha ni zawn rai ma ai.

YEREMIA 39:9

Hpang jahtum, hpyen luksuk ni a hpyen du Nebuzaradan gaw mare hta naw ngam nga ai amyu masha ni hte shi hpang maga de lata sharawt shang wa ai masha ni hte hpawn, Babelon mung de bawng rim mat wa ma ai.

YEREMIA 5:29

“Rai ti mung, Dai Madu ngai gaw shanhte hpe ndai amu ni a matu ari jaw na nngai; ngai gaw ndai amyu baw ni hpe matai dawk na nngai.

SHARUNG SHAYAWT 1:16

“Dai re ai majaw, nye a myi ni gaw myi prwi ni hte kabrat nga li ai. Kadai mung ngai hpe shalan shabran lu ai n rai; kadai mung ngai hpe nden marai shajat ya lu ai n rai. Gumlau hpyen gaw ngai hpe ka-up dang kau nu ai; nye a amyu masha ni hpa mung n lu mat manu ai.

SHARUNG SHAYAWT 1:18

“Rai ti mung, dai Madu gaw ding hpring nga ai, ngai mahtang shi a ga n madat kau nngai. Shara shagu hkan nga ai amyu masha ni e, nye a ga madat mu; nye a nchyi nmu hpe mada yu mu. Nye a shabrang ni hte mahkawn ni mung bawng rim hkrum mat wa manu ai.

SHARUNG SHAYAWT 1:8

Shi a arawng sadang hkoi mat nu ai; shi gaw singgu krin rai nga ai hte n kaw n law di hkrum nga ai. Shi gaw madai sharung ai hte shi a myi man hpe kaya ai hte makoi magap da nga ai. Yerusalem gaw shi hkum hpe awu asin di nhtawm hkrit hpa yubak hte matsat shabat di kau wu ai.

SHARUNG SHAYAWT 2:17

Dai Madu gaw galaw na matu shi sharim da ai amu hpe jahtum e galaw shadik nu ai; Moi kaw nna anhte hpe shi sadi jaw da mi ai hte maren, anhte hpe matsan dum ai myit n nga ai sha, jahten sharun kau nu ai. Shi gaw anhte a gumlau hpyen ni hpe awng padang jaw nu ai; anhte a hkrat sum ai hta shanhte hpe kabu gara ai lam jaw ya nu ai.

SHARUNG SHAYAWT 3:46

“Anhte a gumlau hpyen ni yawng e n kaw n law jawm galaw ai hte asawng asang di ai mung hkrum sha saga ai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

EZEKELA 9:9

Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

TARA JAHPRANG 31:29

Ngai si mat ai hpang, amyu masha ni n hkru n shawp wa nhtawm ngai shanhte hpe sharin ya sai lam ni hpe shanhte ningdang kau na ma ai. Dai Madu hkum pat da ai amu galaw let shanhte shi hpe masin pawt shangun nga ma ai majaw htawm hpang prat e ru yak tsin-yam tsindam hte hkrum kadup na rai ma ai,” ngu nna tsun dan wu ai.