SHARUNG SHAYAWT 1:22 - Jinghpaw Common Language Bible 2009

²² “Shanhte a n hkru ai amu yawng a matu shanhte hpe daw dan u; Nye a shut hpyit ai yubak ni a majaw nang ngai hpe ari jaw ndai zawn, shanhte hpe ari jaw u. Ngai gaw nchyi nmu hkrum ai hte madai sharung nga nngai; ngai myit machyi nga nngai.”

Jinghpaw Hanson Version Bible

²² Shanhte a yubak mahkra hpe nang sawk yu u: Ngai grai wa madai nna gawng kya nga n ngai majaw, ngai tawt lai ai a jaw e, nang ngai hpe di ai zawn, shanhte hpe mung di mu.

SHARUNG SHAYAWT 1:22 ပူးပေါင်းရင်းမြစ်များ

SHAKAWN KUNGDAWN 143:7

Madu e, ngai hpe ya jang, htan ya e! nye a myit mada ai lam yawng htum mat sali ai. Na a myi man ngai kaw nna, hkum kayin kau nga et; shing rai yang, nsung hku kata de shang mat wa ai ni hta ngai lawm wa na ring ngai.

SHAKAWN KUNGDAWN 79:10

“Na a Karai Kasang kanang nga nga lit ta?,” nga nna amyu baw ni anhte hpe hpa rai dai zawn san shara nga shangun na rai ta? Na a shangun ma ni a asai jahkaw kau ya ai masha amyu baw ni hpe, nang ari jaw ai lam, anhte hpe mu mada shangun mi.

ESAIA 13:7

Masha shagu a lata ni kya gumba mat na mara ai, masha shagu a nden marai n rawng mat na ra ai.

YEREMIA 10:25

Nang hpe n nawku ai hte nang hpe ningdang kau ai masha amyu baw ni a ntsa e, na a masin kahtet ai ru jaw bun u. Shanhte gaw na a amyu masha ni hpe sat kau manu ai; shanhte gaw anhte hpe atsai awai shamyit kau manu ai hte anhte a mungdan hpe jahten sharun kau da manu ai.

YEREMIA 18:23

Rai ti mung, Madu e, ngai hpe sat na matu shanhte a maw mawn ai lam yawng hte hpe nang chye nga ndai. Shanhte a n hkru ai amu hpe mara hkum raw ya et; shanhte a yubak hpe mung hkum dat ya et. Shanhte hpe hkrat sum shangun u; nang pawt sindawng nga yang, shanhte hpe daw dan u,” ngu nna hpyi lajin se ai.

YEREMIA 30:16

Rai ti mung, ya chyawm gaw, nanhte hpe kawa sha ai ni yawng hte gaw kawa sha kau ai hkrum na mara ai, nanhte a gumlau hpyen ni yawng bawng dung masha ni zawn woi la ai hkrum na mara ai. Nanhte hpe dip gamyet sha ai ni yawng dip gamyet sha ai hkrum na mara ai, nanhte hpe hpya lu hpya sha ai ni yawng hpya lu hpya sha ai bai hkrum na mara ai.

YEREMIA 51:35

Ziun amyu masha ni gaw, “Babelon gaw anhte hpe di mi ai kashun kashe du daw sai hkaw amu a matu lit nga nga u ga law!,” nga nna tsun mu ga. Yerusalem amyu masha ni gaw, “Babelon gaw anhte hkrum sha lai wa sai nni nkri a matu lit nga nga u ga law!,” ngu nna tsun mu ga.

YEREMIA 8:18

Nye a yawn hkyen ai gaw shamai shatsai lu na n rai; Ngai gaw myit masin hta machyi nga nngai.

SHARUNG SHAYAWT 1:13

“Shi gaw nye a hkum kata hkru na wan hpe ntsa kaw nna shangun dat wu ai. Shi gaw nye a matu mahkam hkam da nu ai hte ngai hpe ga de jahkrat da ni ai. Shi gaw ngai hpe kau da nu ai hte nhtum nni re ai nchyi nmu hta ngai hpe tawn da nu ai.

SHARUNG SHAYAWT 5:17

Anhte gaw gawng run gawng tsang hkrum nga ga ai; myi prwi si ni a majaw asan awan mu mada lu na yak nga ai.

LUKA 23:31

Hpun katsing nga yang pyi dai lam ni ndai zawn byin ai rai yang, hkraw mat ai aten hta hpa byin wa na rai ta?,” ngu mu ai.

EHPESU 3:13

Dai rai nna nanhte a matu mara ngai hkam ai tsin-yam tsindam a majaw nanhte myit n daw n hten myit ga, ngai hpyi nem nga nngai. Dai gaw nanhte a akyu a matu ngai hkam ai rai nga ai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.