SHARUNG SHAYAWT 1:20 - Jinghpaw Common Language Bible 2009

²⁰ “O Madu e, nye a tsin-yam tsindam hpe mung, nye a wenyi a ru yak makyin madut hpe mung mada yu u! Nye a myit masin gaw nye yubak ni a majaw yawn hkyen ai hte daw hten mat sali ai. Nmaw lam ni hkan masha sat amu nga nga ai; nhku kata e pyi si hkrung si htan gaw nga nga ai.

Jinghpaw Hanson Version Bible

²⁰ Yehowa e, mada yu u; ngai ruyak hkrum nngai; ngai myit law nngai; Ngai grai wa gumlau nngai majaw, nye a kraw hta nye myit gale galau nga ai: Shinggan e nhtu kawa sha nga ai; nhku de si du nga ai zawn rai nga ai.

SHARUNG SHAYAWT 1:20 ပူးပေါင်းရင်းမြစ်များ

YOBA 30:27

Ngai gaw myit ru myit tsang ai hte nchyi nmu ai a majaw ashep ashin di hkrum nga nngai; ngai gaw lani hte lani nni nkri hkam sha nga nngai.

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

SHAKAWN KUNGDAWN 22:14

Ga ntsa e, hka hpe ru kau ai zawn, nye a n-gun hkoi mat sali ai. Nye a nra hkrihkraw ni mahkra kashai mat sai, nye a myit masin mung shabyawng da ai gitbaw zawn rai nga li ai.

SHAKAWN KUNGDAWN 38:8

Ngai gaw hki ba la nga nngai hte teng sha wa, agrawp agrap rai mat nga nngai; nye a myit kraw lawang mung ru tsang hkrum nga nna, nchyi nmu hte ngai madai nga nngai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

ESAIA 16:11

Ngai gaw Moba a matu yawn hkyen ai hte madai sharung nngai, Kira Heresha a matu sharung shayawt nngai.

ESAIA 38:14

Nye a nsen gaw kaji nna kya nga li ai, Ngai gaw hkrudu zawn madai nngai. Nye a myi ni sumsing lamu de mada yu nna hki ba mat sali ai. Dai Madu gaw ngai hpe ndai ru tsang yawng hta na hkye mawai la nga ai.

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

YEREMIA 14:20

Madu e, anhte gaw nang hpe shut saga ai; anhte gaw anhte nan galaw ai yubak mara ni hte anhte a kaji kawa ni a yubak ni hpe yin la ga ai.

YEREMIA 2:35

nang gaw, ‘Ngai gaw mara n kap nngai; kaja wa dai Madu gaw ngai hpe galoi mung masin n pawt ai,’ nga nna tsun ndai. Rai ti mung, dai Madu ngai gaw nang yubak galaw ai hpe ningdang ndai majaw nang hpe ari jaw na nngai.

YEREMIA 3:13

Nang gaw mara lu nga ndai, nang gaw dai Madu na a Karai Kasang hpe gumlau kau nit dai hpe chyu sha yin la u. Nang gaw tsit lali ai hpun npu shagu hta maigan karai ni hpe na a tsaw ra myit jaw ya nhtawm nye a hkang da ai ga ni hpe nang n madat kau sai lam ni hpe yin la u. Dai Madu ngai nan tsun ni ai.

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

YEREMIA 4:19

Machyi ai law! Ngai gaw dai machyi ai hpe n hkam lu nngai! Nye a myit masin! Nye a myit masin ja ja htuk htak nga li ai! Ngai atsin sha nga lu ai n rai; Ngai gaw pahtau dum ai nsen hte majan a jahtau garu ai nsen hpe na nngai.

YEREMIA 48:36

“Dai rai nna, shanhte madu da ai sut gan ni htum mat ai majaw, marai langai ngai makoi mayang mahkawn hpe dum shapyaw dat ai zawn, nye a myit masin mung Moba hte Kira Here masha ni a matu sharung shayawt nga nngai.

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

SHARUNG SHAYAWT 1:18

“Rai ti mung, dai Madu gaw ding hpring nga ai, ngai mahtang shi a ga n madat kau nngai. Shara shagu hkan nga ai amyu masha ni e, nye a ga madat mu; nye a nchyi nmu hpe mada yu mu. Nye a shabrang ni hte mahkawn ni mung bawng rim hkrum mat wa manu ai.

SHARUNG SHAYAWT 1:8

Shi a arawng sadang hkoi mat nu ai; shi gaw singgu krin rai nga ai hte n kaw n law di hkrum nga ai. Shi gaw madai sharung ai hte shi a myi man hpe kaya ai hte makoi magap da nga ai. Yerusalem gaw shi hkum hpe awu asin di nhtawm hkrit hpa yubak hte matsat shabat di kau wu ai.

SHARUNG SHAYAWT 1:9

Shi a n san n seng ai gaw aloi sha mu lu nga ti mung, shi gaw shi a htawm hpang na maka hpe myit tsang ai lam hpa mung n madun nga wu ai. Shi a hkrat sum ai lam gaw hkrit kajawng hpa rai nna kadai mung shi hpe shalan shabran lu ai n rai. Shi a gumlau hpyen ni shi hpe dang kau mu ai majaw matsan dum la na matu dai Madu hpe hpyi jahtau ma ai.

SHARUNG SHAYAWT 2:11

Nye a myi ni gaw hkrap ngu hkrap ngoi hte hki ba nga ai; nye a wenyi nchyi nmu hkrum nga ai. Ngai gaw nye a amyu masha ni a hten byak ai yawn hkyen lam hte atsu atsa nga nga nngai. Ma kaji ni hte ma chyangai ni mung mare nmaw lam hkan e malap mali ndum ndam rai ma ai.

SHARUNG SHAYAWT 5:16

Anhte a gumrawng shara yawng hpa mung n nga sai. Anhte yubak galaw ga ai hte, ya chyawm gaw ari hkrum saga ai.

EZEKELA 7:15

Lam nmaw ni hkan gasat gala ai hte nta kata hkan machyi makaw hte kawsi kyet nga ai. Mare shinggan de pru hkawm ai ni kadai mung gasat gala ai hta si na mara ai; mare kata e nga ai ni kadai mung machyi makaw hte kawsi kyet ai tsin-yam tsindam hkrum na mara ai.

Daniela 9:5

“Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

HOSEA 11:8

“Israela e, Ngai nang hpe kaning rai tawn kau da lu na rai ta? Ngai nang hpe kaning rai kabai kau da lu na rai ta? Ngai gaw nanhte hpe Adma mare hpe di ai zawn kaning rai shamyit kau lu na rai ta? Zeboim hpe di ai zawn nanhte hpe kaning rai di lu na rai ta? Nye a myit masin mung ngai hpe dai hku galaw shangun nga ai n rai! Nanhte a matu nye a tsaw ra ai myit gaw nau wa n-gun ja nga li ai.

HABAKU 3:16

Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.

TARA JAHPRANG 32:25

Hpyen majan gaw nmaw lam ni hta si hkrung si htan shabyin nna; hkrit kajawng hpa gaw dum nta ni hta adup hkra na ra ai. Mahkawn hte shabrang ni si htum mat nna; chyu chyu ai ma chyangai ni hte dingla baw hpraw ni pyi lawt lu na mara ai n rai.