SHARUNG SHAYAWT 1:19 - Jinghpaw Common Language Bible 2009

¹⁹ “Ngai gaw nye a jinghku manang ni hpe shaga ti mung, ngai hpe karum la na matu ningdang kau ma ai. Hkinjawng ni hte ningbaw ni gaw shanhte hkum nan asak hkrung nga lu na matu lusha tam nga ma ti mung, Mare nmaw lam hkan e si mat ma ai.

Jinghpaw Hanson Version Bible

¹⁹ Ngai gaw sumtsaw ni hpe shaga ni ai; shanhte ngai hpe hkalem kau ma ai; Nye a hkinjawng ni hte nye a salang ni gaw tinang asak bau na, lusha tam yang pyi, Mare kata e nsa hti mat masai.

SHARUNG SHAYAWT 1:19 ပူးပေါင်းရင်းမြစ်များ

YEREMIA 2:28

“Na a matu ngu nna nang galaw da ai karai ni kanang rai nga ma ta? Nang tsin-yam tsindam hkrum ai shaloi, shanhte rai lu mu yang gaw, shanhte nang hpe hkye la mu ga, nang gaw mare law law lu nga ndai zawn karai law law mung lu nga ndai.

YEREMIA 30:14

Nanhte hpe tsaw ra ai ni yawng nanhte hpe malap kau manit dai; shanhte gaw nanhte hpe galoi mung yu lajang ma ai n rai. Nanhte a yubak mara ni law nga ai hte nanhte galaw ai n hkru ai amu kaba nga ai majaw, ngai gaw nanhte hpe gumlau hpyen wa hpe zawn htim gasat ni ai, nanhte hkam la na ari gaw laja lana rai nga ai.

YEREMIA 4:30

Yerusalem e, nang gaw hten run mat nit hka! Nang gaw hpa majaw hkyeng mang ai hpun palawng hpun n ta? Nang gaw hpa majaw ja rai sumli nna na a myi ni hpe tsi chya shatsawm da wu ni? Nang gaw na a hkum hpe kaman lila a matu shatsawm nga ndai! Na a sumtsaw ni nang hpe ningdang kau manu ai, nang hpe sat kau mayu ma ai.

SHARUNG SHAYAWT 1:1

Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

SHARUNG SHAYAWT 1:2

Shi gaw shana tup hkrap nga ai rai nna shi a shabyi hku myi prwi ni lwi hkrat nga ai. Shi a shawng na jinghku ni yawng hta shi hpe shalan shabran na langai mi mung n nga nga ai. Shi a myit hkrum manang ni shi hpe gumle gumlau ai hte ya gaw shi hte nhtan shai nga masai.

SHARUNG SHAYAWT 2:20

O Madu e, yu u! Nang gaw hpa majaw anhte hpe ndai zawn ari jaw nga n ni? Numsha ni gaw shanhte tsaw ra ai kashu kasha ni a hkum shan ni hpe sha nga ma hka! Hkinjawng ni hte myihtoi ni mung tinang a Nawku Htingnu kata hta nan sat kau ai hkrum nga ma ai.

SHARUNG SHAYAWT 4:17

Anhte gaw galoi mung n karum yu ai karum la lam hpe kachyi mi pyi n lu yu mat ai aten du hkra mada yu ga ai. Anhte gaw karum la lam n jaw ya lu ai masha amyu baw a karum la lam hpe la nga dingyang rai nga ai.

SHARUNG SHAYAWT 5:12

Anhte a ningbaw ni woi la hkrum ai hte noi jen da ai hkrum manu ai; anhte a myit su salang ni hkungga hkrum ma ai n rai.