SHARUNG SHAYAWT 1:18 - Jinghpaw Common Language Bible 200918 “Rai ti mung, dai Madu gaw ding hpring nga ai, ngai mahtang shi a ga n madat kau nngai. Shara shagu hkan nga ai amyu masha ni e, nye a ga madat mu; nye a nchyi nmu hpe mada yu mu. Nye a shabrang ni hte mahkawn ni mung bawng rim hkrum mat wa manu ai. အခန်းကိုကြည့်ပါ။Jinghpaw Hanson Version Bible18 Yehowa gaw dinghpring nga ai; ngai mahtang shi a ga tawt lai nngai: Amyu baw ni e, madat nna, nye a yawn hpa hpe sumru yu mu: Nye a mahkawn ni hte shabrang ni hpe, bawng rim mat wa manu ai. အခန်းကိုကြည့်ပါ။ |
SHARUNG SHAYAWT 1:18
38 ပူးပေါင်းရင်းမြစ်များ
“Rai ti mung na a amyu masha ni gaw nang hpe gumlau hte na a ga n madat nga ma ai; shanhte gaw na a Tara hpe shingdu dat kau ma ai. Shanhte gaw sadi jaw ai myihtoi ni hpe mung, nang hpang de kayin wa na matu tsun ai ni hpe mung sat kau ma ai. Shanhte gaw nang hpe aten mi hte aten mi n kaw n law di ma ai,
Rai ti mung, shanhte gaw ndai mung de shang wa nna, dai mung hpe madu sha wa ai shaloi, shanhte gaw na a hkang da ai ga ni hpe mung, na a sharin achyin ai matsun ga hte maren nga na matu mung, n madat n mara nga ma ai; shanhte hkan galaw na matu nang hkang da ai lam hpa hpe mung shanhte n galaw shatup ma ai. Nang gaw shanhte a ntsa e dai jahten shabyak ai lam yawng shapraw dan nit dai.
Madu e, nang gaw jaw ai amu hpe tut nawng galaw nga ndai; rai ti mung, anhte chyawm gaw anhte a hkum ni hpe nan tut nawng myi man jasum kau nga saga ai. Shanhte gaw nang hta sadi n dung nga ma ai majaw, ni, tsan ai mungdan ni de shabra kau hkrum nga ai Yuda mung hte Yerusalem mare hkan shanu nga ai anhte yawng hte Israela masha ni yawng hta ndai lam teng sha byin nga ai.
Rai ti mung, dai Madu gaw dai mare hta ya du hkra nga nga nna, shi gaw teng man ai amu galaw let n shawp n kap ai amu hpe galoi mung n galaw nga ai. Jahpawt shagu n hprai ai sha, shi gaw shi a amyu masha ni hpang de tara malang ai hku shapraw dan nga ai. Rai tim, n teng n man ai masha ni gaw shut hpyit ai amu ni hpe matut galaw nga ma ai hte kaya n chye nga ma ai.
Nye a shangun ma myihtoi ni hku nna nanhte a kaji kawa ni hpe hkang da ai ga ni hte shadum jahprang ai ga ni jaw ya ni ai, rai ti mung shanhte mahtang dai ga ni hpe hpa n nawn ya ma ai majaw byin wa na nni nkri hkam sha manu ai. Galaw na ngu ngai shatawng shada da sai hte maren, shanhte hkam la ging sai hpe Chyahtum Chyalai N-gun rawng ai dai Madu ngai nan shanhte hpe ari jaw ni ai majaw shanhte myit malai wa ai hte ngai hpe yin la nga masai.
Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.
Adonibezek gaw, “Lata yungnu hte lagaw yungnu kaba ni kahtam di kau hkrum ai hkawhkam sanit shi hte gaw nye a sha ku npu e shat ahkyep ahkap hta sha ma ai; ya chyawm gaw shanhte hpe ngai galaw ai zawn Karai Kasang ngai hpe bai tai nu ai,” ngu nna tsun wu ai. Shi gaw Yerusalem mare de woi la hkrum ai hte dai yang e si mat wu ai.
ကြော်ငြာတွေ