SHARUNG SHAYAWT 1:15 - Jinghpaw Common Language Bible 2009

¹⁵ “Madu gaw nye a n-gun ja htum ai hpyenla ni yawng hpe mani nga ai; Shi gaw nye a shabrang ni hpe shamyit kau na matu hpyen luksuk shangun dat nga ai. Shi gaw nye a amyu masha ni hpe sabyi htumbyen kata na sabyi si ni hpe zawn kabye agrawp kau nu ai.

Jinghpaw Hanson Version Bible

¹⁵ Madu gaw nye a share ni yawng hpe, nye a ka-ang e jahti kau da mu ai; Nye a shabrang ni hpe, shamyit kau na matu, shi shawa hpawng shaga mu ai: Madu gaw Yuda shayi sha hpe, tsabyi htumbyen hta kabye kau nu ai.

SHARUNG SHAYAWT 1:15 ပူးပေါင်းရင်းမြစ်များ

MALAHKI 4:3

Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.

ESAIA 63:3

Dai Madu gaw, “Ngai gaw masha amyu baw ni hpe sabyi si ni hpe zawn kabye anut kau ni ai, kadai mung ngai hpe sa karum la ai n rai. Ngai gaw masin pawt ai hte shanhte hpe kabye mani kau nngai, shanhte a asai gaw nye a hpun palawng ni yawng hta numsha mat sai.

ESAIA 28:18

Si hkrung si htan hte nanhte tawn da ai ga shaka gaw hten mat na ra ai; katsan ga hte myit hkrum da ai lam mung shaprai kau hkrum na ra ai. Ru yak tsin-yam tsindam ru kaput yu wa ai shaloi nanhte gaw ka-up kau ai hkrum na rai myit dai.

SHINGRAN 19:15

Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

MIHKA 7:10

Dai hpang, anhte a gumlau hpyen ni dai lam hpe mu wa nna kaya kahpa hkrum wa na mara ai. Dai gumlau hpyen ni gaw anhte hpe, “Na a Madu Karai Kasang kanang nga nga lit ta?,” nga nna san ashu ai ni gaw lam ka-ang na hkumpup zawn kabye hkrum ai hte sum kadawng mat ai hpe anhte mu lu na ga ai.

Daniela 3:13

Dai aten, hkawhkam wa gaw masin pawt nna, dai marai masum hpe shi a man de woi wa na matu hkang dat wu ai.

SHARUNG SHAYAWT 3:34

Anhte a wenyi ni bawng dung hkrum nna agrawp mani kau hkrum ai shaloi, dai Madu chye nga ai.

YEREMIA 51:34

Babelon hkawhkam gaw Yerusalem hpe azat mani nna sha kau nu ai. Shi gaw namtau zawn; baren numraw gaw dai hpe mayu kau ai zawn mare hpe kaman di kau wu ai. Shi gaw shi ra sharawng ai hpe la nna ngam ai hpe kabai kau nu ai.

YEREMIA 50:26

Dai mung hpe lamu ga man shara shagu de na gasat mu; dai mung na mam dum ni hpe adawt hpaw mu! Mam sumpum zawn lanep ni hpe magawn sumpum da mu! Mungdan hpe jahten sharun kau mu! Arung arai hpa mung hkum ngam da myit!

YEREMIA 37:10

Nang gaw Babelon hpyen luksuk ting hpe gasat dang kau nna hkala nba hkrum ai ni chyu sha ngam nga ai hte shanhte a sum ni hta taw nga ma ti mung, dai masha ni rawt wa nna ndai mare hpe dap byin mat hkra nat kau na mara ai,” ngu nna tsun wu ai.

YEREMIA 18:21

Rai ti mung, ya chyawm gaw Madu e, shanhte a kashu kasha ni hkuwa hkrum nna si mat manu ga; shanhte mung hpyen majan hta sat kau ai hkrum manu ga; numsha ni hpe ma n lu shangun ai hte gaida shabyin ya u; dinghku la ni mung ana zinli hta si htum mat nna shabrang ni majan pa hta sat kau ai hkrum manu ga.

YEREMIA 14:17

Dai Madu gaw nye a yawn hkyen ai lam hpe ning ngu amyu masha ni hpe tsun na matu ngai hpe hkang da nga ai: “Nye a myi prwi ni shani shana lwi nga u ga, ngai gaw galoi mung n sim n sa hkrap ngu hkrap ngoi nga u ga; hpa majaw nga yang, nye a amyu masha ni gaw grai sawng hkra hkala nba hkrum ai hte laja lana re machyi hkrum nga sai.

ESAIA 41:2

“Sinpraw mung kaw na awng padang lu ai wa hpe kadai sharawt tawn nna, shi du hkawm ai shara shagu hta shi hpe awng padang kadai jaw ya nga a ta? Hkawhkam ni hte masha amyu baw ni a ntsa e awng dang na ahkang shi hpe kadai jaw a ta? Shi a nhtu shanhte hpe ga nhpu hpe zawn kahtam kau nga ai. Shi a ndan pala ni gaw nbung bungsha hta yihku poi lawm ai zawn shanhte hpe shabra kau na ra ai.

ESAIA 5:5

“Ndai gaw nye a sabyi sun hta ngai galaw sa wa na amu rai nga ai: Ngai gaw dai sun hpe kum gawan da ai nhpan ni hpe la kau nna, dai hpe makawp maga da ai bunghku ni hpe jahten kau na we ai, matse labye dusat ni dai hpe sha kau mu ga, dai sun hpe kabye anut kau mu ga.

SHAKAWN KUNGDAWN 119:118

Nang gaw na a hkang da ai tara ni hpe hkan sa na matu lale ai ni hpe ningdang kau nga ndai; shanhte a masu magaw ai maw mawn lam ni gaw kaman lila rai nga ai.

2 HKAWHKAM 9:33

Yehu gaw shanhte hpe, “Shi hpe kabai jahkrat dat mu!,” ngu nna tsun wu ai. Shanhte mung kabai jahkrat dat mu ai rai nna shi a asai gaw nta shakum hta mung, gumra ni hta mung gamang hkra nga ai. Yehu gaw shi a gumra hte rau shi a mang ntsa hku gawt lai mat wa nhtawm,

TARA AGYI 10:8

Shanhte gaw Yawdan hka sinpraw hkran na Gilead mung Amori masha ni a lamu ga hta wa nga ai Israela masha ni yawng hpe shi matsat ning tup dip gamyet sha let zingri zingrat di da ma ai.

TARA JAHPRANG 28:33

Nang hki ba let galaw shatut da ai nsi naisi yawng hpe maigan masha amyu baw ni htawm la kau ya na ra ai. Nang chyawm gaw dip gamyet sha hkrum ai hte zingri zingrat ahkrum nga na ra ai.

YEREMIA 6:11

Madu e, shanhte hpe hkru shangun ai na a myit kahtet ai gaw ngai hta mung hkru nga ai; ngai gaw dai hpe loi mi mung n sharang lu nga nngai,” ngu nna htan ni ai. Dai hpang, dai Madu gaw ngai hpe, “Nmaw lam ntsa hkan e nga ai ma kaji ni a ntsa e mung, zup hpawng nga ai shabrang ni a ntsa de mung, nye a myit kahtet ai hpe ru dat u. Madu wa ni hte madu jan ni gaw woi la hkrum nna aprat kaba u-gut gu sai ni pyi ngam tawn da hkrum na mara ai n rai.

YEREMIA 13:24

Dai Madu gaw zaibru jang na nbung hte shapoi kau ai numhkaw zawn nang hpe ahpawt shabra kau na ra ai.

YOELA 3:13

Shanhte gaw grai wa n hkru nga ma ai; mam shu la ai aten na nsi naisi zawn shanhte hpe gadoi la mu ai; sabyi ntsin kabrat mat ai aten du hkra, sabyi si ni hpe sabyi htumbyen hta hpring hkra kabye mu ai zawn shanhte hpe kabye agrawp kau u.”

SHARUNG SHAYAWT 2:21

Shabrang ni hte numsha ni n nga nmaw lam hkan e si kadawng taw nga ma ai, Shabrang ni hte numsha ni mung gumlau hpyen wa a nhtu ni hte sat kau hkrum nga masai. Na a pawt sindawng ai shani e, shanhte hpe matsan n dum ai sha, nang htau sat kau nit dai.