SHARUNG SHAYAWT 1:14 - Jinghpaw Common Language Bible 2009

¹⁴ “Shi gaw nye a yubak ni yawng hpe matsing da nhtawm dai ni yawng hpe gumhpawn gyit majaw da nga ai; Shi gaw dai ni hpe nye a du grup grup gyit noi da ya mi ai majaw, ngai gaw dai yubak htumbyen kata e n-gun kya ai hte taw nga nngai. Madu gaw ngai hpe nye a gumlau hpyen ni a lata de ap kau nu ai majaw, ngai gaw shanhte hpe ninghkap lu na matu karum la lam n lu rai nga nngai.

Jinghpaw Hanson Version Bible

¹⁴ Ngai shut hpyit ai kandang hpe, shi a lata hte gyit da nu ai; Dai ni gaw gumhpawn nna nye du hta mara nga ai; shi gaw nye n-gun hpe shayawm kau nu ai: Madu gaw, ngai n hkap daw lu ai ni a lata hta, ngai hpe ap kau ni ai.

SHARUNG SHAYAWT 1:14 ပူးပေါင်းရင်းမြစ်များ

GA SHAGAWP 5:22

Tara n lang ai masha wa a yubak ni gaw mahkam rai nga nna, shi gaw shi a yubak sumgawn hta rim la ai hkrum nga ai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

ESAIA 47:6

Ngai gaw nye a amyu masha ni hpe masin pawt ni ai; ngai gaw shanhte hpe nye a matu zawn kachyi mi mung n sawn ai sha di kau ni ai: Ngai gaw shanhte hpe na a daru magam n-gun npu hta tawn da ni ai, nang shanhte hpe matsan dum myit n madun ndai, asak kaba sai ni hpe pyi laja lana di nga ndai.

YEREMIA 25:9

‘Ngai gaw dingdung maga de na amyu masha ni yawng hte hpe nye a shangun ma Babelon Hkawhkam Nebuhkadneza a matu shangun dat ya na nngai. Ngai gaw Yuda mung hte de a mung masha ni mahkra hte grup yin e nga ai amyu baw ni mahkra hpe mung, gasat kau na matu shanhte hpe woi sa wa na nngai. Shing rai ngai gaw ndai amyu masha ni hte makau grup yin na amyu baw ni hpe lung gasat kau ai hte dai shara ni gaw prat dingsa katsi katsang shara, hkrit hpa hte yu kajawng mat na zawn re ai shara shatai kau na nngai. Dai Madu ngai nan tsun ni ai.

YEREMIA 27:12

Ngai gaw dai hte maren Yuda Hkawhkam Zedekia hpe, “Babelon hkawhkam wa a ga hpe madat mara hkan sa nga mu. Shi hte shi a amyu masha ni hpe daw jau nga mu, shaloi nanhte ahkrung nga lu na marin dai.

YEREMIA 27:8

“Rai ti mung, kaning re ai amyu, kaning re ai mungdan mi rai tim, shi a up hkang ai hpe hkan sa madat mara ai lam n nga ai rai yang, shanhte hpe atsai awai shamyit kau na matu Nebuhkadneza hpe shangun dat ai aten du hkra dai masha amyu baw ni hpe hpyen majan, kawsi hpang gara ai hte ana zinli hte ngai shanhte hpe ari jaw na mawe ai.

YEREMIA 28:13

Hanania hpang de ning ngu sa tsun na matu hkang dat wu ai: “Nang gaw hpun kandang hpe shadaw kau lu ti mung, de a shara hta hpri kandang hpe shi tawn da na ra ai, nga nna dai Madu tsun nu ai.

YEREMIA 28:14

Chyahtum Chyalai N-gun Rawng ai dai Madu Israela a Karai Kasang gaw ndai masha amyu baw ni yawng a ntsa e hpri kandang mara da ya na ra ai, shanhte gaw Babelon Hkawhkam Nebuhkadneza hpe daw jau na mara ai, nga nna tsun nu ai. Shi gaw nam na matse labye dusat ni pyi Nebuhkadneza hpe daw jau na mara ai nga nna dai Madu tsun nu ai,” nga ai.

YEREMIA 32:3

Hkawhkam Zedekia gaw ngai hpe dai shara hta sharen da ai hte dai Madu tsun shangun ai amu a majaw ngai hpe mara shagun da mi ai; dai Madu tsun ai gaw, “Ndai mare hpe Babelon hkawhkam a lata hta ap ya na nngai,

YEREMIA 32:5

Zedekia gaw Babelon mung de woi la hkrum na ra ai, shi gaw dai mung hta ngai hte hkrum kanawn ai aten du hkra, dai shara hta shi naw nga nga na ra ai. Shi gaw Babelon mung masha ni hpe gasat ti mung, awng dang na ra ai n rai. Dai Madu ngai nan tsun ni ai,” nga ai.

YEREMIA 37:17

Dai hpang, kade n na yang, Hkawhkam Zedekia gaw ngai hpe shaw la na matu masha shangun dat wu ai; dai hkaw htingnu kata hta, “Dai Madu kaw nna mungga naw nga a ni?,” ngu nna ngai hpe alak mi san wu ai. Shing rai, ngai mung, “Nga ai,” dai gaw, “Nang Babelon hkawhkam wa a lata de ap kau ai hkrum na rai ndai,” ngu nna htan ai hte kahtap tsun ni ai.

EZEKELA 11:9

Ngai gaw nanhte hpe ndai mare kaw na shapraw kau nhtawm maigan masha ni a lata de ap kau na nngai. Ngai gaw nanhte hpe si hkrung si htan hte jeyang na nngai,

EZEKELA 21:31

Grung nga ai wan zawn na a ntsa e ngai ahpawt dat ai shaloi, nang gaw nye a sindawng kahtet ai hpe hkam sha na rai myit dai. Ngai gaw nang hpe gumshem nna jahten shabyak kung ai ni a lata hta ap kau na we ai.

EZEKELA 23:28

Ndai gaw Tsaw Htum ai dai Madu tsun ai mungga rai nga ai: “Ngai gaw nang n dawng n yawt ai hte matsat kau sai masha a lata de nang hpe ap kau na we ai.

EZEKELA 25:4

ngai gaw sinpraw nam mali hkan shanu nga ai amyu bawsang ni a lata de ap kau na we ai. Shanhte gaw na a mungdan hta dap ni jung nna, dai shara ni hta shanu nga na mara ai. Shanhte gaw nanhte kalang mi hkam la yu sai namsi namsaw ni sha nna nga chyu lu na mara ai.

EZEKELA 25:7

Nang galaw ai amu a majaw, ngai nang hpe kashun kashe di nna hpya kau na kaga masha amyu baw ni a lata de ap kau na we ai. Ngai gaw nang hpe amyu baw langai hku loi mi pyi n grin nga lu hkra mung, na a mungdan re ngu nna masat da ai lamu ga galoi mung n nga mat hkra mung, htum hkra, tsai hkra jahten sharun kau na nngai. Dai hpang, ngai gaw dai Madu rai nga nngai hpe nang chye wa na rai ndai.”

HOSEA 5:14

Ngai gaw Israela hte Yuda amyu masha ni hpe hkanghkyi langai zawn htim gasat na nngai. Ngai hkum nan shanhte hpe adaw atang di gang je kau na nngai, dai hpang shanhte hpe tawn kau da na nngai. Ngai shanhte hpe gang garawt mat wa ai shaloi, kadai mung shanhte hpe hkye hkrang la lu na ra ai n rai.

MIHKA 2:3

Dai rai nna dai Madu gaw, “Ngai gaw nanhte a ntsa e tsin-yam tsindam shabyin dat na matu yaw lajang da nga nngai; dai kaw na nanhte hprawng lawt lu na myit dai n rai. Nanhte gaw nanhte hkum nan ru yak jamjau ai hpe tam la nga myit dai, shaloi nanhte gaw grai gumrawng ai hte loi mi mung hkawm sa lu na myit dai ai n rai.

TARA JAHPRANG 28:48

Dai majaw nanhte hpe ninghkap na matu dai Madu shangun dat ai gumlau hpyen ni hpe mahtang daw jau na rai myit dai; shing rai ra kadawn ai lam shagu hta kawsi hpang gara ai hte singgu krin re ai tsin-yam ahkrum sha nga na rai myit dai. Dai Madu gaw nanhte hten run mat ai aten du hkra nanhte hpe ja ja dip gamyet da na ra ai.