SHARUNG SHAYAWT 1:10 - Jinghpaw Common Language Bible 2009

¹⁰ Gumlau hpyen ni gaw shi a sut gan yawng hpe kashun la kau manu ai. Shi gaw maigan masha ni n shang na matu dai Madu hkum da ai Nawku Htingnu de Shanhte shang wa ai hpe shi mu wu ai.

Jinghpaw Hanson Version Bible

¹⁰ Hpyen wa gaw, shi a ngamu ngamai ai mahkra hpe kashun la nu ai; Na a shawa hpawng hta n mai shang ai, nga nna nang hkum da ai maigan amyu ni gaw, Shi a chyoi pra ai shara de shang wa ai hpe, shi mada mu nga ai.

SHARUNG SHAYAWT 1:10 ပူးပေါင်းရင်းမြစ်များ

2 HKAWHKAM LABAU 36:18

Babelon hkawhkam gaw Nawku Htingnu a sut gan arung arai hte hkawhkam hte shi a du salang ni a sut gan nlang ni hpe gasat hpya la nna Babelon mare de la wa wu ai.

NEHEMIA 13:1

Amyu masha ni hpe Mawshe a Tara ja ja hti dan mu ai shaloi, dai laika hta Amon hte Moba masha kadai mung Karai Kasang a amyu masha ni hte galoi mung matut mahkai lu na ahkang n nga nga ai.

ESAIA 63:18

Na a chyoi pra ai amyu masha, anhte gaw chyahkring mi laman, anhte a gumlau hpyen ni a gawt shapraw kau ai hkrum ga ai; shanhte gaw na a chyoi pra ai shara hpe kabye anyawp kau ma ai.

YEREMIA 15:13

Dai Madu gaw ngai hpe, “Mungdan ting hta shanhte shut kau ai yubak ni a majaw, shanhte hpe ari jaw na matu nye a amyu masha ni a sut gan arung arai ni hpe magawn mat wa na gumlau hpyen ni hpe ngai dat dat na nngai.

YEREMIA 20:5

Ngai gaw ndai mare a sut gan mahkra hte hpe mung, dai mare a sut gan arung arai nlang hte hte Yuda hkawhkam ni a sut gan ni du hkra pyi, shanhte a gumlau hpyen ni a lata de ngai ap kau na nngai. Shanhte gaw dai arai yawng mayawng hpe Babelon mung de la wa na mara ai.

YEREMIA 27:19

(Hkawhkam Nebuhkadneza gaw Yuda Hkawhkam Yehoiakim a kasha Yehoiahkin hte Yuda mung hte Yerusalem na arawng lu ai masha ni hpe Babelon mung de woi wa ai shaloi, shi gaw shadaw ni, magri mang hka lawng, leng ni hte kaga Nawku Htingnu sut gan nkau mi hpe ngam tawn da nu ai.)

YEREMIA 27:21

“Nawku Htingnu kata hta mung, Yerusalem na hkawhkam htingnu hta mung naw ngam tawn da ai sut gan ni hte seng nna Chyahtum Chyalai N-gun Rawng ai dai Madu Israela a Karai Kasang tsun ai ga hpe madat mara mu.

YEREMIA 50:28

(Babelon mung kaw na hprawng lawt wa ai tsin-yam hkrum sha ai masha ni gaw Yerusalem de du wa nna, dai Madu anhte a Karai Kasang gaw shi a Nawku Htingnu hpe Babelon masha ni shaza kau mu ai majaw, kaning rai matai dawp nga ai lam, shanhte tsun ma ai.)

YEREMIA 51:51

Nanhte gaw, ‘Nawku Htingnu kata na chyoi pra ai shara ni hpe maigan masha ni e madu sha kau mu ai majaw, anhte gaw myi man sum ai hte kaya kahpa di hkrum nga saga ai; anhte gaw dik hkra garen gari rai hkam sha saga ai,’ ngu nna tsun myit dai.

YEREMIA 52:13

Shi gaw Yerusalem na Nawku Htingnu, hkawhkam htingnu ni hte Yerusalem hta nga ai ahkyak masha ni a dum nta ni yawng hpe nat kau wu ai;

SHARUNG SHAYAWT 1:7

Ya garen gari rai hten run mat sai Yerusalem gaw moi shawng na shi a hkik hkam ai arawng sadang hpe myit dum nga ai. Shi gaw gumlau hpyen a lata de hkrat mat ai shaloi, shi hpe karum la na masha langai mi mung n nga nga ai; Shi hpe dang manga kau ai ni mung shi a hkrat sum ai hpe jahpoi asawng nga ma ai.

EZEKELA 44:7

Nye a matu ngu nna sau man hte shagu hkungga asai ni hpe nawng ya myit dai shaloi, nye a ga n madat n mara ai maigan masha ni ngu ai matu n gadoi ai ni hpe jashawn nna nye a Nawku Htingnu hpe awu asin di kau nga myit dai. Dai rai nna nye a amyu masha ni gaw shanhte galaw kau sai matsat shabat amu ni yawng a jaw e, nye a ga shaka hpe jahten kau manu ai.

EZEKELA 7:22

Sut gan arung arai hte hpring ai nye a Nawku Htingnu gaw awu asin hkrum nna; damya ni mung dai hpe shang jahten ai hte awu asin di kau ai shaloi, ngai dingbai dingna jaw na nngai n rai.

EZEKELA 9:7

Karai Kasang gaw shanhte hpe, “Nawku Htingnu hpe awu asin di kau mu! Wang ni hta moi mang ni hte jahpring da mu! Bungli galaw manu!,” ngu nna tsun wu ai. Dai rai nna shanhte gaw mare hta nga ai amyu masha ni hpe sat hpang manu ai.

MARKU 13:14

“Hkrit kajawng matsat si na zawn san ai arai gaw n nga ang ai shara hta nga ai hpe nanhte mu lu na marin dai, (Laika hti ai wa a matu matsing hpa ndai lam hpa re ai hpe atsawm sha chye na nga u ga!) Dai shaloi e, Yuda mung hta nga ai ni gaw, bum lang de hprawng gat mu ga,

TARA JAHPRANG 23:3

“Amon hte Moba masha ni hta ban shi du hkra pra hkrat wa ai shanhte a matu mara ni kadai mung dai Madu a amyu masha hpawng hta lawm mai nga ai n rai.

TARA JAHPRANG 23:4

Nanhte Egutu mung na pru wa myit dai shaloi, malu masha hte lu hka ntsin nanhte hpe n hkap jaw ma ai majaw mung, nanhte hpe hkap matsa na matu Mesopotamia mung Pehtora mare na Beora a kasha Balam hpe saw shaga da ma ai.