SHARUNG SHAYAWT 1:1 - Jinghpaw Common Language Bible 2009

¹ Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

Jinghpaw Hanson Version Bible

¹ Masha law ai mare gaw, ya kaning rai shi hkrai lik lik dung nga a hka! Masha amyu ni hta galu kaba ai num gaw, gaida jan zawn tai wa sahka! Mungdaw ni a du jan gaw, ya hkansi bang nga a hka!

SHARUNG SHAYAWT 1:1 ပူးပေါင်းရင်းမြစ်များ

1 HKAWHKAM 4:21

Shawlumon a mungdan chyawm gaw Uhprat hka nu kaw nna Hpilisti hte Egutu mung a lamu ga jarit du hkra masha amyu ni yawng nga ai shara ni lawm nga ai. Shanhte gaw Shawlumon a prat htum hkra shi a up hkang ai npu hta taw nna shi hpe ahkun hkanse ni jaw ya nga ma ai.

2 HKAWHKAM 23:33

Shi a hkaw dung ai hpe jahtum kau na nga, Egutu Hkawhkam Niko gaw shi hpe Hamat mung Ribla mare e bawng dung shangun let gumhpraw pawng 7, 500 hte aja pawng 75 hpe hkanse hku Yuda masha ni hpe bang shangun wu ai.

2 HKAWHKAM 23:35

Hkawhkam Yehoiakim gaw Egutu hkawhkam wa e hpyi dat ai ahkun hkanse ra ai made hpe jaw ya na matu, amyu masha ni lu lawm ai sut gan hta na jaw lu ai made hpe hkan lahkawn la wu ai.

2 HKAWHKAM LABAU 9:26

Shi gaw Uhprat hka nu kaw nna Hpilisti mung hte Egutu mung lamu ga jarit du hkra, dai lapran na mungdan ni hpe up hkang ai hkawhkam ni yawng hta tsaw htum ai wa rai nga ai.

EZRA 4:20

Daru magam n-gun rawng ai hkawhkam ni dai yang e hkaw dung nna Uhprat a Sinna maga a mungdaw ting hpe up hkang let, ahkun hkanse ni lahkawn la yu nga masai.

NEHEMIA 5:4

Kaga ni mung, “Anhte a yi sun ni hte sabyi sun ni hte seng ai hkawhkam hkanse bang na matu, gumhpraw hkoi la shajang saga ai.

NEHEMIA 9:37

Anhte yubak galaw shut kau saga ai majaw anhte hpe nang up shangun ai hkawhkam ni mahtang mungdan kaw na shapraw ai sut rai lu la nga ma ai. Shanhte gaw anhte hte anhte a yam nga hpung ni hpe shanhte myit ra ai hku galaw ma ai, anhte gaw ja ja yawn hkyen ai hkrum shajang saga hka!”

SHAKAWN KUNGDAWN 122:4

Ndai mare gaw shi a hkang da ai mungga nga ai hte maren, dai Madu hpe chyeju shakawn kungdawn na matu, amyu baw ni, Israela amyu bawsang ni sa zup ai shara rai nga ai.

ESAIA 14:12

O, htoi tu ai nhtoi gintawng, Jahpawt manap a kasha e, nang gaw sumsing lamu kaw nna di hkrat wa nit hka! Lai sai aten hta nang gaw masha amyu baw ni hpe gasat dang nga ndai, rai ti mung ya chyawm gaw ga de kabai jahkrat kau ai nang hkrum nga nit dai.

ESAIA 22:2

Mare ting gaw kaming kamawng rai nga nna garu kachyi nsen hte mau kahpra ai hte hpring nga ai. Ndai majan hta si mat sai na a amyu masha ni gaw gasat si mat ai ni n rai ma ai.

ESAIA 3:26

Mare chyinghka ni gaw sharung shayawt ai hte hkrap na mara ai, mare dai nan gaw singgu krin raw sharun kau nna ga ntsa e dung nga ai numsha langai zawn tai mat na ra ai.

ESAIA 49:21

Dai hpang nang gaw tinang kraw e, ‘Nye a matu ndai ma kaji ni yawng hpe kadai shangai ya nga a ni? Ngai gaw ma ni hpe shamat kau ni ai, kaga mi n lu jat lu na sai. Ngai gaw bawng dung hkrum ai hte gawt kau ai hkrum ni ai- kadai wa ndai ma ni hpe bau kaba dat nga ai kun? Ngai chyu sha nga ai aten hta ndai ma ni gara shara kaw na du sa wa nga ma ni?,’” ngu nna tsun na rin dai.

ESAIA 50:5

Dai Madu gaw ngai hpe chye na hkawn hkrang ai nyan jaw ya ni ai majaw, ngai shi hpe gumlau ai n rai, shi kaw na kayin mat wa nngai n rai.

ESAIA 52:2

Yerusalem e, nang nan ndut ndang ashun nga u! Ga nhpu kaw na rawt nhtawm na a tingnyang hta dung u! Ziun a bawng dung amyu masha ni e, nang hpe gyit ai sumri ni hpe raw kau u!

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

ESAIA 54:4

Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

YEREMIA 31:7

Dai Madu gaw, “Amyu baw ni hta galu kaba htum ai Israela a matu kabu gara ai hte mahkawn mangoi nga mu. ‘Dai Madu gaw shi a amyu masha ni hpe hkye hkrang la nu ai hte, naw ngam nga ai ni hpe mawai la nu ai majaw, mahkawn shakawn kungdawn nga mu.’

YEREMIA 40:9

Gedalia gaw shanhte hpe, “Babelon masha ni hpang de lata sharawt asum hkam shang wa na matu nanhte hpa n hkrit n tsang ra ai lam nanhte hpe ngai tsun made ai. Ndai mung hta shanu nga nna Babelon hkawhkam wa hpe daw jau mu, shaloi, nanhte gaw lam shagu hta kaja wa lu na madai,” ngu nna tsun wu ai.

YEREMIA 42:2

ngai kaw sit sa nna, “Anhte nang hpe hpyi lajin ai ga hpe chyeju hte galaw ya mi! Anhte a matu dai Madu anhte a Karai Kasang hpang de akyu hpyi ya mi. Anhte hta naw ngam nga ai amyu masha ni a matu akyu hpyi ya mi; anhte gaw shawng de grai law la ga ai rai ti mung, ya gaw nang mu mada ai hte maren kachyi mi sha ngam nga saga ai.

YEREMIA 44:2

Chyahtum Chyalai N-gun Rawng ai dai Madu Israela a Karai Kasang gaw, “Yerusalem hte Yuda mung na kaga mare ni mahkra a ntsa e ngai shapraw dan sai jahten shabyak lam hpe nanhte nan mu manit dai. Ya rai tim pyi, dai ni gaw naw hten run nga nna, kadai mung dai hkan e nga nga ma ai n rai,

YEREMIA 44:6

Dai rai nna, ngai gaw nye a pawt sindawng ai hte masin kahtet ai hpe Yuda mare ni a ntsa e mung, Yerusalem mare lam ni a ntsa hkan e mung ru jaw da ni ai, ngai gaw dai ni hpe wan jahkru kau ni ai. Dai shara ni gaw dai ni rai nga ai hte maren, shingran sharat katsi mat ai hte yu hkrit shara tai mat nga ai.

YEREMIA 50:23

Babelon gaw mungkan ga ting hpe adup mani kau nu ai; ya chyawm gaw, dai sumdu agrawp mat nu hka! Masha amyu baw ni yawng hte gaw dai mungdan hta byin ai lam a majaw mau kajawng nga ma ai.

YEREMIA 9:11

Dai Madu gaw, “Ngai gaw Yerusalem hpe marawng marang di sumpum tawn nna, gwi ma-a ni nga ai shara shatai na nngai; Yuda mare ni gaw katsi katsang shara tai mat nna kadai mung n shanu ai shara tai mat na ra ai,” ngu nna tsun ai.

SHARUNG SHAYAWT 1:19

“Ngai gaw nye a jinghku manang ni hpe shaga ti mung, ngai hpe karum la na matu ningdang kau ma ai. Hkinjawng ni hte ningbaw ni gaw shanhte hkum nan asak hkrung nga lu na matu lusha tam nga ma ti mung, Mare nmaw lam hkan e si mat ma ai.

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

SHARUNG SHAYAWT 2:10

Yerusalem na asak kaba sai salang ni gaw ga ntsa e atsin sha dung nga nhtawm, Shanhte a baw ntsa hkan e ga nhpu kap nga nna, shanhte a hkum ni hta lachyit nba ni lawai da nga ma ai. Num mahkawn ma ni mung ga de gum dagup nga ma ai.

SHARUNG SHAYAWT 4:1

Anhte a htoi kabrim ai aja gaw n kabrim mat nu ai; Nawku Htingnu nlung ni mung nmaw lam hkan e taw nga ai.

SHARUNG SHAYAWT 5:16

Anhte a gumrawng shara yawng hpa mung n nga sai. Anhte yubak galaw ga ai hte, ya chyawm gaw ari hkrum saga ai.

EZEKELA 26:16

Panglai ntsa bu hkawm ai masha amyu baw ni a hkawhkam ni yawng gaw shanhte a tingnyang kaw nna yu mat na mara ai. Shanhte gaw palawng galu hte maka ka da ai palawng ni hpe raw kau nna hkrit gari ai hte ga e dung nga na mara ai. Shanhte gaw nang hta byin ai gam maka a majaw, nau hkrit mat nna gari ai pyi n hkring hkraw na mara ai.

EZEKELA 26:2

Shi gaw, “Si chye ai masha wa e, ndai gaw Turu mare masha ni a kabu gara ai nsen rai nga ai. Shanhte gaw, ‘Yerusalem gaw run mat sai! Dai mare a sut n-gun mung htum mat sai! Dai mare gaw anhte hpe shingjawng lu sana n rai!,’ nga nna jahtau tsun ma ai.

EZEKELA 5:5

Tsaw Htum ai dai Madu gaw, “Yerusalem hpe yu yu u. Ngai gaw dai mare hpe mungkan ga a ka-ang hta tawn da nna kaga mungdan ni yawng hte shi hpe shinggrup da nga nngai.

JAW JAU 26:31

Nanhte hpe grau sawng mat hkra matsat kau mawe ai majaw nanhte a mare ni hpe ngai hpya ayai kau nhtawm nawku ai shara ni hpe jahten sharun kau na we ai. Nanhte a shagu hkungga ni hpe hkap la na we ai n rai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.

SHINGRAN 18:7

Tinang hkum hpe shagrau shareng nna ningngai lu sai shadawn shadang hte maren, shi hpe dai yawn hkyen ai hte nni nkri lam htang jaw mu. Hpa majaw nga yang, shi gaw, ‘Ngai hkawhkam jan nang e hkaw dung nga nngai! Ngai gaida jan n rai, ngai galoi mung yawn hkyen ai n hkrum na nngai!,’ nga nna tinang dai atsun nga ai.