SHAKAWN KUNGDAWN 99:8 - Jinghpaw Common Language Bible 2009

⁸ O Madu anhte a Karai Kasang e, na a myu masha ni shaga ai nsen hpe nang htan ya nit dai; shanhte galaw shut kau sai yubak ni a majaw, nang shanhte hpe ari jaw ti mung, nang gaw yubak mara ni hpe raw dat kau ya ai Karai Kasang rai nga ndai hpe madun dan nga nit dai.

Jinghpaw Hanson Version Bible

⁸ Anhte a Karai Kasang Yehowa e, Nang shanhte hpe htan ya mu ai. Shanhte a mara raw kau ya ai Karai Wa nang rai nga timung, Shanhte a bungli hte maren matai bai dawp mu ai.

SHAKAWN KUNGDAWN 99:8 ပူးပေါင်းရင်းမြစ်များ

2 SAMUELA 12:14

Rai ti mung, nang ndai amu galaw let dai Madu hpe ndai zawn n gawn n sawn re ai amu madun dan nit dai majaw, na a kasha gaw si lu na rai nga ai,” ngu nna tsun htang wu ai.

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

SHAKAWN KUNGDAWN 89:33

Rai ti mung, Ngai gaw Dawi hpe tut nawng tsaw ra nga nna, shi tawn da ai nye a ga sadi hpe mung, ngai jahten sharun kau na n rai.

PRU MAT 32:2

Arun gaw shanhte hpe, “Dai rai taw gaw, nanhte a madu jan ni hte shayi shadang sha ni kai ai ja shanghkawng ni hpyu la nna ngai hpang de la sa wa mi,” ngu nna tsun wu ai.

PRU MAT 34:7

Ngai gaw nye a ga sadi hpe prat ban hkying mun du hkra shadik shatup nna n hkru ai amu hte yubak mara ni hpe raw dat kau ya nga nngai; rai ti mung, kashu kasha ni hpe chyawm gaw shanhte a kanu kawa ni shut hpyit kau ai yubak mara ni a majaw prat ban masum mali du hkra ari n jaw ai nga na n rai,” ngu nna tsun wu ai.

HPAJI NINGLI 7:29

Ngai gaw ndai lam yawng mayawng hpe sharin la ni ai; Karai Kasang gaw anhte hpe asan sha hpan da ti mung, anhte mahtang anhte a hkum hpe kashuk kashak shabyin nga ga ai.

YEREMIA 46:28

Ngai gaw nanhte kaw sa nna hkye la na nngai. Ngai nanhte hpe shabra kau dat ai mungdan na masha amyu baw yawng hpe ngai jahten kau na nngai. rai ti mung, ngai nang hpe jahten kau na n rai. Ngai gaw nanhte hpe ari n jaw ai sha dat dat na n rai; rai ti mung, ngai nang hpe ari jaw ai shaloi, ngai gaw teng man rap ra nga na nngai. Dai Madu ngai nan tsun ni ai.”

ZEHPANI 3:7

Nye a amyu masha ni ngai hpe hkrit hkungga wa nna, nye a hkang da ai tara matsun ni hpe hkap la wa na mara ai; shanhte hpe ngai sharin shaga ai ga matsun ni hpe galoi mung n malap kau lu na mu ai ngu, ngai myit nawn we ai. Rai ti mung, kade n na yang, shanhte gaw shawoi na hte maren, n hkru n kaja ai hpe shanang galaw wa nga masai.

BU HKAWM 20:12

Rai ti mung dai Madu gaw Mawshe yan Arun hpe daru kau wu ai. Dai rai nna shi gaw, “Nan gaw Israela amyu masha ni a man e nye a chyoi pra ai daru magam n-gun hpe hkam la na makam masham n law nga myit dai majaw shanhte hpe jaw na ngu nna ngai ga sadi tawn da ai mungdan de nan gaw shanhte hpe woi shawn lu na n rai myit dai,” ngu nna tsun wu ai.

BU HKAWM 20:24

“Israela ni hpe jaw na ngu nna ngai ga sadi tawn da ai mungdan de Arun shang lu na n rai; nan lahkawng mahtang Meriba shara e nye a hkang da ai ga hte nhtan shai nna gumlau manit dai majaw si na rai ndai.

ROMA 1:21

Shanhte gaw Karai Kasang hpe chye chyang ninglen Karai Kasang hpe shagrau sha-a ang ai hte maren, n shagrau sha-a ma ai, chyeju jawm shakawn kung dawn ai lam n galaw ma ai, shanhte a myit mang ai lam gaw, lachyum n pru kaman li la sha rai mat malu ai majaw, shanhte a htauli htaula myit kaja ai myit masin ni gaw sin mak ai hte hpring chyat nga malu ai.

TARA JAHPRANG 3:26

“Rai ti mung, nanhte amyu masha ni a majaw dai Madu ngai hpe pawt nga ai rai nna nye a ga madat ya na wu ai n rai. Shing rai madat ya na malai shi chyawm gaw, ‘Dai hte ram nu ga! Dai hte seng nna bai hkum tsun sa!