SHAKAWN KUNGDAWN 99:7 - Jinghpaw Common Language Bible 2009

⁷ Shi gaw shanhte hpe sumwi shadaw kaw nna ga tsun nu ai; dai Madu shanhte hpe jaw ya ai tara ni hte hkang da ai ga ni hpe shanhte madat mara hkan nang nga ma ai.

Jinghpaw Hanson Version Bible

⁷ Shi shanhte hpe sumwi shadaw hta nna ga tsun mu ai: Shanhte mung shi a sakse ga hte, shanhte e jaw ai tara hpe hkan nang ma ai.

SHAKAWN KUNGDAWN 99:7 ပူးပေါင်းရင်းမြစ်များ

SHAKAWN KUNGDAWN 105:28

Karai Kasang gaw dai mungdan a ntsa e, nsin jasin dat nu ai; rai ti mung, Egutu amyu masha ni shi a hkang da ai ga hpe n madat ya mu ai.

PRU MAT 19:9

Dai Madu gaw Mawshe hpe, “Ngai nang kaw htat ai sumwi hte du na ring ngai, amyu masha ni mung nang hte ngai shaga ai ga na la na ma ai majaw ya kaw nna nang hpe kam sham wa na mara ai,” ngu nna tsun wu ai. Mawshe gaw amyu masha ni kaning nga htan ai ga dai Madu hpe tsun dan wu ai;

PRU MAT 33:9

Mawshe dai Sum kata de shang mat wa ai hpang, sumwi shadaw yu hkrat wa nna Sum chyinghka lam hta nga nga yang, dai Madu gaw Mawshe hpe dai sumwi kaw na ga tsun wu ai.

PRU MAT 40:16

Mawshe gaw dai Madu hkang da sai hte maren, lam shagu hpe hkan galaw wu ai.

GA SHAGAWP 28:9

Tara hpe nang n hkan ai rai yang na a akyu hpyi ga ni gaw Karai Kasang a na hta n dawng n yawt ai ga hte hpring na ra ai.

BU HKAWM 12:5

Dai Madu mung sumwi shadaw hte yu sa nna dai Sum a chyinghka lam e tsap let, Arun hte Miriam yan hpe shaga shapraw wu ai. Shan lahkawng mung shawng de sit sa ma ai rai nna,

BU HKAWM 16:15

Mawshe gaw masin pawt ai hte dai Madu hpe, “Ndai masha ni la sa ai hkungga hpa hpe mung hkum hkap la ya et; ngai shanhte hte hpa mara mung n galaw shut yu nngai; shanhte a lawze langai mi hpe pyi n la yu nngai,” ngu nna tsun wu ai.

TARA JAHPRANG 33:9

Shanhte gaw tinang a kanu kawa, kahpu kanau hte kashu kasha ni hta grau nna, Nang hta sadi dung ai lam madun dan nga ma ai. Na a hkang da ai ga ni hpe shanhte madat mara nna, na a ga shaka hta sadi dung nga masai.

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.

HEBRE 3:2

Mawshe gaw Karai Kasang a nta na shi a bungli hta kangka ai zawn, ndai amu galaw na matu lata la ai Karai Kasang a ntsa e kangka rai nga ai.