SHAKAWN KUNGDAWN 99:6 - Jinghpaw Common Language Bible 2009

⁶ Mawshe hte Arun gaw shi a hkinjawng yan rai nga ma ai, Samuela mung Madu kaw akyu hpyi ai wa rai nga ai; shanhte gaw Madu hpe shaga nga ma ai hte, Madu mung shanhte hpe htan ya mu ai.

Jinghpaw Hanson Version Bible

⁶ Shi a hkinjawng ni hta lawm ai Mawshe yan Arun, Shi a amying hpe shaga ai ni hta lawm ai Samuela gaw, Yehowa hpe shaga ma ai rai nna, shi shanhte hpe htan ya mu ai.

SHAKAWN KUNGDAWN 99:6 ပူးပေါင်းရင်းမြစ်များ

PRU MAT 14:15

Dai Madu gaw Mawshe hpe, “Nang gaw hpa majaw karum la na matu hpyi jahtau nga n ta? Shawng de shanang sa wa na matu, amyu masha ni hpe tsun u.

PRU MAT 15:25

Mawshe gaw dai Madu hpe akroi anoi hpyi jahtau wu ai rai nna, dai Madu mung shi hpe hpun langai mi madun wu ai. Dai hpe hka de kabai bang dat wu yang, hka dai gaw lu mai nga sai. Dai yang e dai Madu gaw shanhte hkan sa na Tara ni hpe jaw nhtawm shanhte hpe mung chyam yu wu ai.

PRU MAT 17:4

Mawshe mung dai Madu hpe akroi anoi hpyi nem nhtawm, “Ndai amyu masha ni hte ngai kaning di lu na rai nga a ta? Shanhte ngai hpe nlung hte ganoi noi kabai sat hkyen nga masai,” ngu nna tsun wu ai.

PRU MAT 32:30

Hpang shani e Mawshe gaw shi a amyu masha ni hpe, “Nanhte gaw hkrit hpa yubak galaw shut kau manit dai. Rai ti mung, ya chyawm gaw ngai mung dai Madu nga ai bum de bai lung wa nna nanhte shut kau ai yubak raw dat kau ya na matu, mahkoi htingrat ya lu nhten,” ngu nna tsun wu ai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.