SHAKAWN KUNGDAWN 99:5 - Jinghpaw Common Language Bible 2009

⁵ Dai Madu anhte a Karai Kasang hpe shakawn kungdawn mu; shi a tingnyang man e, nawku daw jau mu! Shi gaw Chyoi Pra Ai Wa rai nga ai!

Jinghpaw Hanson Version Bible

⁵ Anhte a Karai Kasang Yehowa hpe shagrau mu, Shi lagaw mara ai lahkum makau e nawku mu: Shi gaw chyoi pra nga ai.

SHAKAWN KUNGDAWN 99:5 ပူးပေါင်းရင်းမြစ်များ

1 HKAWHKAM LABAU 28:2

Dawi gaw shanhte a man e sa tsap nhtawm ning ngu nna tsun wu ai: “Nye a mung masha ni e, nye a ga madat mu. Ga Shaka Sumpu htani htana shanu nga na nta hte dai Madu anhte a Karai Kasang a lagaw kabye lahkum hpe galaw na ngai ra sharawng nga nngai. Shi hpe shagrau sha-a na Nawku Htingnu langai gaw gap na matu ngai hkyen lajang da ni ai;

SHAKAWN KUNGDAWN 107:32

Shanhte shi a galu kaba galu kaba ai lam hpe amyu masha ni a hpawng hta htawn tsun dan lu na rai mu ai hte; ningbaw ningla ni a zup hpawng hta shi hpe shakawn lu na rai mu ai.

SHAKAWN KUNGDAWN 108:5

O Karai Kasang e, lamu hta na a galu kaba ai lam hte aga ntsa ting hta e mung, na a hpung shingkang dan hkung nga ai hpe madun dan nga u law.

SHAKAWN KUNGDAWN 118:28

Nang gaw nye a Karai Kasang rai nga ndai ngai nang hpe chyeju shakawn nga na nngai; na a galu kaba ai lam hpe ngai htawn tsun nga na nngai.

SHAKAWN KUNGDAWN 132:7

Anhte gaw, “Madu a nta de anhte sa wa ga; shi a tingnyang man e, anhte nawku daw jau ga,” ngu nna tsun saga ai.

SHAKAWN KUNGDAWN 21:13

Madu e, na a galu kaba ai n-gun atsam a majaw, anhte nang hpe shakawn ga ai! Anhte gaw na a daru magam n-gun atsam hpe mahkawn shakawn nga na ga ai law.

SHAKAWN KUNGDAWN 34:3

Dai Madu a galu kaba ai lam hpe ngai hte rau htawn tsun ga; shi a mying nsang hpe anhte jawm shakawn ga!

SHAKAWN KUNGDAWN 99:3

Masha shagu hte gaw shi a galu kaba nna, hpung shingkang arawng sadang hte hpring ai mying nsang hpe shakawn na mara ai; shi gaw Chyoi Pra Ai Wa rai nga ai!

SHAKAWN KUNGDAWN 99:9

Dai Madu anhte a Karai Kasang hpe shakawn kungdawn mu; shi a chyoi pra ai bum hta nawku daw jau nga mu! Dai Madu anhte a Karai Kasang gaw chyoi pra nga ai.

PRU MAT 15:2

Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

ESAIA 12:4

Amyu masha ni gaw, “Dai Madu hpe chyeju dum mu! Nang hpe karum la na matu shi hpe shaga u! Shi galaw nu ai amu masha amyu baw ni yawng hpe tsun dan mu! Shi kade wa galu kaba nga ai lam shanhte hpe tsun dan mu!

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

HOSEA 11:7

Shanhte gaw ngai kaw nna kayin mat wa na matu shadut jahkat ma ai. Shanhte a ntsa e mara ya ai kandang a majaw shanhte marawn jahtau na mara ai; rai ti mung shanhte hpe kadai e mung tau sharawt la na n rai.

JAW JAU 19:2

Israela shawa hpung ting hpe, “Chyoi pra nga mu, hpa majaw nga yang ngai gaw dai Madu nanhte a Karai Kasang rai nna chyoi pra nga nngai.