SHAKAWN KUNGDAWN 99:2 - Jinghpaw Common Language Bible 2009

² Ziun e shanu nga ai dai Madu gaw n-gun chyalai rawng nga ai; amyu baw ni yawng hta grau htum ai wa rai nga ai.

Jinghpaw Hanson Version Bible

² Yehowa gaw Ziun hta e kaba nga ai rai nna, Amyu baw shagu a ntsa e grau tsaw nga ai.

SHAKAWN KUNGDAWN 99:2 ပူးပေါင်းရင်းမြစ်များ

SHAKAWN KUNGDAWN 113:4

Dai Madu gaw amyu baw ni yawng a ntsa e up nga ai; shi a hpung shingkang sumsing lamu ntsa e kabrim nga ai.

SHAKAWN KUNGDAWN 47:3

Shi gaw anhte hpe masha amyu ni hpe dang lu ai, awng padang lam jaw ya nga ai; shi gaw anhte hpe masha amyu baw ni hpe up hkang shangun nga ai.

SHAKAWN KUNGDAWN 47:8

Karai Kasang gaw shi a chyoi pra ai tingnyang hta dung nga ai; shi gaw amyu baw ni yawng hte hpe up hkang nga ai.

SHAKAWN KUNGDAWN 50:2

Karai Kasang gaw shi a hkum tsup tsawm htap nga ai Ziun mare kaw nna, nhtoi shatu dat wu ai.

SHAKAWN KUNGDAWN 66:7

Shi a chyalai n-gun hte htani htana shi up nga nna; amyu baw ni a ntsa e, shi azi yu nga ai. Shi hpe kadai wa mung n gumlang mu ga.

SHAKAWN KUNGDAWN 97:9

Chyahtum Chyalai n-gun rawng ai Madu e, mungkan ga mahkra hpe up hkang ai wa nang rai nga ndai; nang gaw hpara ni mahkra hta grau nna kaba nga ndai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 14:32

Anhte gaw Hpilisti mung kaw nna anhte hpang de du sa wa ai kasa ni hpe kaning ngu htan na rai ga ta? Anhte gaw shanhte hpe dai Madu gaw Ziun hpe gaw da nu ai; nni nkri hkam sha nga ai shi a amyu masha ni gaw dai yang e shim lum lam mu tam la na mara ai, ngu tsun dan na ga ai.

BU HKAWM 23:21

Israela a du na ra ai aten e, shi hta n kaja ai lam hte Ru yak tsin-yam tsindam dingbai dingna hpa mung du shang wa na n rai nga ai hpe ngai tau chye da se ai. Dai Madu shanhte a Karai Kasang gaw shanhte hte rau rai nga ai; Shi gaw shanhte a Karai Kasang rai nga ai nga nna shanhte tsun garu ma ai.