SHAKAWN KUNGDAWN 97:3 - Jinghpaw Common Language Bible 2009

³ Shi a shawng e, wan sa wa nna shi hpe wang shinggrup da ai gumlau hpyen ni hpe hkru kau nga ai.

Jinghpaw Hanson Version Bible

³ Shi a man e wan hkawm nga nna, Shi a grup yin hkan na hpyen ni hpe hkru kau mu ai.

SHAKAWN KUNGDAWN 97:3 ပူးပေါင်းရင်းမြစ်များ

SHAKAWN KUNGDAWN 18:8

Shi a ladi hku ni kaw nna wan hkut ni pru wa nhtawm, shi a n-gup kaw nna grung ai wan shinglet hte hkru nga ai wan n-ga ni hte pru wa nga ai.

SHAKAWN KUNGDAWN 18:9

Shi gaw lamu hpe gang je nna yu wa ai hte shi a lagaw npu e, sin mak ai sumwi hte yu wa nu ai.

SHAKAWN KUNGDAWN 50:3

Anhte a Karai Kasang sa wa nga ai rai tim, atsin sha du sa nga ai n rai; shi a man e wan shinglet ni hkru nga nna shi a makau mayang hkan e, laru kaba ru nga ai.

EZEKELA 1:4

Ngai sharawt mada yu ai shaloi, dingdung maga de na bung sa wa ai nbung laru hpe mu nngai. Htat ai sumwi kata kaw na gala ai myihprap wan gaw gala nga nna sumsing lamu grup grup hkan htoi gala ai hte myihprap wan gala ai shara mi hta magri mang zawn htoi tu kabrim ai arai lama mi mung nga nga ai.

Daniela 7:10

dai kaw nna hka shi langai zawn grung nga ai wan lwi pru nga ai. Shi hpe daw jau na matu masha hkying hkying law ai ni nga nna, wan wan re ai masha ni shi a man e tsap nga ma ai. Dai tara rung gaw jeyang na lamang ni hpe galaw hpang wa let laika buk ni hpe hpaw da nga ai.

HABAKU 3:5

Shi gaw shi a shawng e ana ahkya dat dat nna shi a hpang e si hkrung si htan hkan nang na matu hkang da nga ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.

TARA JAHPRANG 4:11

“Nanhte gaw sin mang ai hte htat ai wan hkut sumwi ni ka-up nga nna lamu du hkra wan grung nga ai bum lagaw de kaning rai sit sa nna tsap nga myit dai lam mung nanhte a kashu kasha ni hpe tsun dan mu.

TARA JAHPRANG 4:36

Shi gaw nanhte hpe sharin achyin lu u ga nga, sumsing lamu de nna shi a nsen nanhte hpe na shangun manit dai; ndai ginding aga ntsa e mung shi a chyoi pra ai wan nanhte hpe mu shangun nna dai kata kaw na nanhte hpe ga shaga nu ai.

TARA JAHPRANG 5:4

Dai Madu gaw dai bum e wan kaw na nanhte hte myi man chyaw ga tsun shaga manit dai.

HEBRE 12:29

Hpa majaw nga yang, anhte a Karai Kasang gaw hkru jahten kau chye ai wan nan rai nga ai.

SHINGRAN 11:5

Masha langai ngai shan hpe hpyen na hkyen ai shaloi, shan a n-gup hta na wan pru nna, hpyen ni hpe hkru kau shangun mu ai. Shanhte hpe hpyen na matu shakut ai ni nga manga gaw ndai hku nna sat kau ai hkrum na rai ma ai.

SHINGRAN 20:15

Asak laika hta amying n ka da lawm ai wa kadai mung, dai wan nawng hta jahkrat bang kau ai hkrum ma ai.