SHAKAWN KUNGDAWN 96:9 - Jinghpaw Common Language Bible 2009

⁹ Shi dan pru wa ai shaloi, Chyoi Pra Ai Wa a man e, dingnyawm mu; aga ting shi a man e, hkrit gari nga mu!

Jinghpaw Hanson Version Bible

⁹ Chyoi pra ai hpe mawn sumli nna, Yehowa hpe nawku mu; Mung shagu shi a man e hkrit gari nga mu ga.

SHAKAWN KUNGDAWN 96:9 ပူးပေါင်းရင်းမြစ်များ

2 HKAWHKAM LABAU 29:28

Dai yang hkan na masha shagu hte gaw nawku ai hta shang lawm shajang nna shagu hkungga ni yawng hkru mat ai aten du hkra mahkawn mangoi mahkawn nna madum sumpyi ni matut dum shajang ma ai.

2 HKAWHKAM LABAU 29:29

Dai hpang Hkawhkam Hezekia hte amyu masha ni yawng Karai Kasang hpe hput di let nawku ma ai.

2 HKAWHKAM LABAU 29:30

Hkawhkam wa hte amyu baw a ningbaw ni gaw Dawi hte myihtoi Asap ka jahtuk da sai shakawn mahkawn ga hte dai Madu hpe mahkawn shakawn na matu Lewi masha ni hpe tsun mu ai. Dai rai nna masha shagu hte gaw nachying kabu gara ai hte mahkawn let Karai Kasang hpe lahput hput di ai hte nawku ma ai.

EZRA 7:27

Ezra gaw, “Dai Madu anhte a kaji kawa ni a Karai Kasang hpe shakawn mu! Shi gaw Yerusalem na dai Madu a Nawku Htingnu hpe ndai hku nna shagrau sha-a na matu hkawseng wa hpe myit lawm shangun nu ai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

SHAKAWN KUNGDAWN 114:7

Ginding aga e, dai Madu a man e mung, Yaku a Karai Kasang a man e mung, hkrit gari nga u.

SHAKAWN KUNGDAWN 29:2

Hpung shingkang rawng ai dai Madu a mying nsang hpe shakawn mu; Chyoi Pra ai Wa dan pru ai shaloi, shi a man e, dingnyawm mu.

SHAKAWN KUNGDAWN 33:8

Ginding aga yawng hte e, dai Madu hpe nawku mu! Mungkan ga na mashani yawng hte e, shi hpe shagrau sha-a mu!

SHAKAWN KUNGDAWN 76:11

Dai Madu na a Karai Kasang hpe nang jaw da ai ga sadi hte maren jaw ya u; makau grup yin hta nga nga ai masha amyu baw ni yawng hte e, shi hpe kumhpaw kumhpa sak jaw mu. Karai Kasang gaw masha ni, hpe hkrit kamyin shangun nga ai;

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

SHAKAWN KUNGDAWN 99:1

Dai Madu gaw Hkawhkam rai nga ai, amyu masha ni hkrit gari nga ma ai. Shi gaw singkaw tu ai hkrung kanu ni a ntsa na, shi a tingnyang ntsa e dung nga ai, ginding aga gaw ashun awam nga ai.

EZEKELA 7:20

Shanhte gaw shanhte a tsawm htap ai ja lung seng arai ni hta lang mi gumrawng lai wa yu manu ti mung, dai ni hpe matsat shabat re ai hpara sumla ni galaw ai hta lang ma ai. Dai re ai majaw, dai Madu gaw shanhte a ngamu ngamai ai sut gan hpe shanhte a matu matsat shabat re ai arai zawn shatai kau ya mu ai.

Daniela 11:45

Shi gaw panglai hte Nawku Htingnu shadun da ai bum yan a lapran hta hkawhkam sum kaba ni hpe pyi sharawt tawn da na ra ai. Rai ti mung dai yang e shi hpe karum la na kadai mung n nga ai sha shi si mat na ra ai.”