SHAKAWN KUNGDAWN 96:5 - Jinghpaw Common Language Bible 2009

⁵ Kaga tsasam amyu baw ni yawng hte a karai ni gaw hpara sumla ni hkrai rai nga ma ai; rai ti mung, dai Madu chyawm gaw sumsing lamu ni hpe hpan da nu ai.

Jinghpaw Hanson Version Bible

⁵ Amyu baw ni a hpara ni, sumla hkrai rai nga ma ai; Yehowa chyawm gaw, sumsing lamu hpe hpan da nu ai.

SHAKAWN KUNGDAWN 96:5 ပူးပေါင်းရင်းမြစ်များ

SHAKAWN KUNGDAWN 115:15

Sumsing lamu hte ginding aga hpe hpan tawn da ai, Madu gaw nanhte hpe shaman ya nga u ga!

ESAIA 42:5

Karai Kasang gaw sumsing lamu ni hpe hpan da nna dai ni hpe kahpyan da nga ai; shi gaw ginding aga hte dai hta nga ai yawng mayawng hpe sumli da nu ai; shi gaw asak jaw ya nna dai hta nga ai amyu masha ni yawng hpe nsoi nsa bang ya nga ai. Ya chyawm gaw Madu Karai Kasang gaw shi a shangun ma hpe,

1 KORINHTU 8:4

Dai rai nna, sumla ni hpe nawng ai hkungga lusha a lam hte seng nna tsun ga nga yang, sumla ngu ai gaw kaja wa asak hkrung shamu shamawt ai lam n nga ai, hpa n re ai rai nga ai hpe mung, langai sha rai nga ai Karai Kasang hta kaga shaje n nga ai hpe mung, anhte dum chye ga ai.

SHAKAWN KUNGDAWN 135:18

Dai ni hpe tawk ai ni hte, shanhte hpe kam hpa nga ai ni yawng hte mung shanhte galaw ai sumla ni zawn rai mat na mara ai.

KASA 19:26

Rai ti mung ya ndai Pawlu ngu ai wa gaw Ehpesu mare e sha n rai sa, ganoi Asi mung ting ngu na wa masha lata hte galaw ai karai ni gaw Karai Kasang n re nga nna masha law law hpe gunglau ai hte myit shayit kau ya manu ai gaw, nanhte nan mu lu na lu nga myit dai.

SHAKAWN KUNGDAWN 135:15

Masha amyu baw ni a hpara sumla ni hpe ja gumhpraw ni hte galaw da nna; dai ni gaw masha a lata hte tawk shapraw da ai sumla ni rai nga ai.

NINGPAWT NINGHPANG 1:1

Shawng ningpawt e, Karai Kasang gaw ninggawn tawa hpe hpan da yang,

SHAKAWN KUNGDAWN 8:4

Mungkan masha ngu ai gaw kadai wa rai nna nang myit du ya nga n ni? Si chye ai wa sha hpe, nang hpa rai n-gaw nwai myit madun nga n ni?

ESAIA 41:29

Ndai karai ni yawng kaman lila ni rai nga ma ai; shanhte gaw kaja wa hpa n lu galaw ma ai- ndai hpara sumla ni gaw n-gun kya ai hte daru magam n-gun n rawng nga ma ai.”