SHAKAWN KUNGDAWN 96:4 - Jinghpaw Common Language Bible 2009

⁴ Dai Madu gaw galu kaba nga ai majaw grai shakawn ging ai wa rai nga ai; karai ni yawng hta shi hpe shagrau sha-a na mai nga ai.

Jinghpaw Hanson Version Bible

⁴ Yehowa gaw galu kaba nga ai rai nna, Nachying shakawn ging ai wa, rai nga ai: Hpara mahkra ni hta shi hpe grau hkrit mai nga ai.

SHAKAWN KUNGDAWN 96:4 ပူးပေါင်းရင်းမြစ်များ

2 HKAWHKAM LABAU 2:4

Dai Madu nye a Karai Kasang hpe shagrau sha-a na matu Nawku Htingnu langai, ngai galaw na nngai. Dai gaw chyoi pra ai shara tai nna nye a amyu masha ni hte ngai gaw dai Madu hpe manam pyaw ai baw hte manam hawm ai namji namya ni hpe nat nawng let mung, shi hpe nawku na nngai; shi hpe chyoi pra ai muk hkungga ni hpe mung anhte matut manoi nawng jau na ga ai; anhte gaw dai Madu anhte a Karai Kasang hpe shagrau sha-a na matu jahpawt de, shana de shagu, Bansa Nhtoi ni hta mung, Shata Praw Na Poi ni hta mung, kaga chyoi pra ai nhtoi ni hta mung wan nat hkungga nawng jau na ga ai. Ndai amu hpe htani htana hkan galaw nga na matu Israela masha ni hpe shi hkang da nu ai.

NEHEMIA 9:5

Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

SHAKAWN KUNGDAWN 145:3

Madu gaw galu kaba nga ai majaw, nachying shakawn ging ai wa rai nga ai; shi a galu kaba ai lam hpe n dang chye lu nga ai.

SHAKAWN KUNGDAWN 150:2

Shi galaw dan sai mauhpa magam bungli a matu shi hpe shakawn mu. Shadawn n dang lu ai shi a galu kaba galu kaba ai amu hpe, shakawn kungdawn mu.

SHAKAWN KUNGDAWN 18:3

Ngai gaw Madu hpe shaga ai hte, shi gaw ngai hpe nye a gumlau hpyen ni a lata kaw na hkye hkrang la nga ai. Madu gaw hpung rawng nga u ga law!

SHAKAWN KUNGDAWN 48:1

Dai Madu gaw galu kaba nga ai rai nna shi a chyoi pra ai bum ntsa e nga ai anhte a Karai Kasang a mare hta shi hpe tsaw htum ai hku shakawn kungdawn ra nga ai.

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

SHAKAWN KUNGDAWN 66:5

Karai Kasang galaw dan sai amu hte shinggyim masha ni a lapran e, shi galaw dan sai mauhpa magam amu ni hpe, sa nna yu yu mu.

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

SHAKAWN KUNGDAWN 86:10

Nang gaw galu kaba nga nna mauhpa amu ni hpe galaw nga ndai; nang chyu sha Karai Kasang rai nga ndai.

SHAKAWN KUNGDAWN 89:7

Nang gaw chyoi pra ai ni a hpawng hta hkrit hkungga ai lam hkam la lu nga ndai; shanhte yawng hte gaw nang hpe mau mahka let tsap nga ma ai.

SHAKAWN KUNGDAWN 95:3

Kaning rai nme law, Madu gaw Chyahtum Chyalai n-gun rawng ai Karai Kasang, karai ni yawng a ntsa e up nga ai n-gun hte hpring ai hkawhkam wa rai nga ai.

PRU MAT 18:11

Egutu masha ni Israela amyu ni hpe dai zawn n kaw n law di mu ai shaloi, shi gaw ndai amu ni hpe galaw nu ai majaw, dai Madu gaw karai ni yawng hta grau kaba nga ai hpe ya ngai chye ni ai,” ngu nna tsun wu ai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

LUKA 12:5

Kadai hpe sha hkrit mai ai gaw, ngai nanhte hpe madun dan made ga. Masha hpe sat kau ngut jang, ngarai kata de jahkrat kau na ahkang lu ai Karai Kasang hpe chyawm gaw hkrit nga mu, ngai tsun ai hpe kam mu, shi gaw nanhte hkrit ra ai wa nan rai nga ai!

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.

1 SAMUELA 4:8

Ndai daru magam n-gun rawng ai hpara ni a lata kaw na kadai wa anhte hpe hkye la lu na rai nga a ta? Dai hpara ni gaw nam mali hkan e Egutu masha ni hpe sat sharu kau ai hpara ni rai nga ma ai!