SHAKAWN KUNGDAWN 96:2 - Jinghpaw Common Language Bible 2009

² Dai Madu hpe mahkawn mu, shi hpe shakawn mu! Shi anhte hpe hkye hkrang la sai ngu ai kabu gara shiga hpe shani shagu htawn tsun nga mu.

Jinghpaw Hanson Version Bible

² Yehowa hpe mahkawn mangoi mu, shi a amying hpe sha-a mu; Shi a hkye hkrang la ai lam hpe lani hte lani hkai dan mu.

SHAKAWN KUNGDAWN 96:2 ပူးပေါင်းရင်းမြစ်များ

1 HKAWHKAM LABAU 29:20

Dai hpang Dawi gaw amyu masha ni hpe, “Dai Madu nanhte a Karai Kasang hpe shakawn kungdawn mu!,” ngu nna hkang da wu ai. Shaloi shawa hpawng ting gaw dai Madu shanhte a kaji kawa ni a Karai Kasang hpe shakawn kungdawn nhtawm dai Madu hpe mung, hkawhkam wa hpe mung, shanhte dingnyawm gum dagup nna shagrau hkungga jaw mu ai.

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

SHAKAWN KUNGDAWN 145:1

Nye a Karai Kasang hte hkawhkam wa e, na a galu kaba ai lam hpe ngai htawn tsun nga na nngai; ngai nang hpe htani htana prat dingsa chyeju shakawn nga na nngai.

SHAKAWN KUNGDAWN 145:10

Madu e, nang hpan da ai hkrung mahkrung yawng hte gaw nang hpe shakawn na mara ai hte, na a amyu masha ni yawng hte mung nang hpe chyeju dum shakawn na mara ai.

SHAKAWN KUNGDAWN 145:2

Shani shagu nang hpe ngai chyeju dum shakawn nga na nngai; nang hpe ngai htani htana prat dingsa shakawn kungdawn nga na nngai.

SHAKAWN KUNGDAWN 40:10

Dai hkye hkrang la ai shiga hpe ngai hkum nan ip da nga nngai n rai; ngai gaw na a sadi sahka hte karum la ai lam hpe tut nawng atsun ni ai; Na a amyu masha ni yawng a shawa hpawng hta, na a kangka ai lam hte dinggrin tsaw ra nga ai lam ni hpe ngai n tsun ai sha nga kau nngai n rai.

SHAKAWN KUNGDAWN 71:15

Na a mai kaja ai lam hpe ngai htawn tsun na nngai; ngai chye na ai hta grau nna lachyum sung nga ai rai tim, na a hkye hkrang la ai lam hpe shani tup ngai tsun dan na nngai.

ESAIA 40:9

Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

MARKU 16:15

Bai shi shanhte hpe, “Nanhte mungkan ting chyam hkra hkawm sa nna shinggyim masha amyu baw shagu hpe, dai Kabu Gara Shiga hkaw dan mu.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

SHINGRAN 5:13

Dai hta n ga, lamu lahta tsang hta na mung, ginding aga ntsa hta na mung, mungkan ga a lawu tsang hta na mung, panglai hta na mung, ninggawn tawa ting na hkrung mahkrung yawng hte gaw, “Tingnyang hta dung nga ai wa hte Sagu Kasha gaw, arawng sadang hpung shingkang hte daru magam, anga nga u ga law!,” nga nna shanhte mahkawn mangoi nga ma ai hpe ngai na nngai.