SHAKAWN KUNGDAWN 96:1 - Jinghpaw Common Language Bible 2009

¹ Dai Madu hpe mahkawn ga nnan hte mahkawn mu! Mungkan ga ting dai Madu hpe mahkawn shakawn mu!

Jinghpaw Hanson Version Bible

¹ Yehowa hpe mahkawn ga nnan hte mahkawn mu, Aga ting Yehowa hpe mahkawn mangoi mu.

SHAKAWN KUNGDAWN 96:1 ပူးပေါင်းရင်းမြစ်များ

SHAKAWN KUNGDAWN 149:1

Dai Madu hpe shakawn mu! Dai Madu hpe mahkawn ga nnan hte mahkawn mu; shi a kangka ai amyu masha ni a hpawng hta, shi hpe shakawn mu!

SHAKAWN KUNGDAWN 33:3

Mahkawn ga nnan hte shi hpe mahkawn mu, madat pyaw hkra tingse dum nna, kabu gara marawn jahtau nga mu!

SHAKAWN KUNGDAWN 66:4

Ga ntsa e shanu nga ai masha shagu hte gaw nang hpe nawku daw jau ma ai; shanhte gaw nang hpe mahkawn shakawn nga ma ai, na a mying nsang hpe shanhte mahkawn shakawn nga ma ai,” nga nna Karai Kasang hpe tsun ma ai.

SHAKAWN KUNGDAWN 68:32

Mungkan ga na mungdan ni e, Karai Kasang hpe shakawn mu; moi chyaloi nhkoi kaw nna nga nga sai lamu hta jawn nga ai Madu hpe mahkawn shakawn mu. Nsen kaba hte jahtau dat ai shi a nsen hpe madat mu.

SHAKAWN KUNGDAWN 98:1

Dai Madu hpe mahkawn ga nnan hte mahkawn mu; shi gaw mauhpa magam amu ni hpe galaw da nu ai! Shi a daru magam n-gun hte chyoi pra ai n-gun a jaw e, shi gaw awng padang hpe hkam la nu ai.

ROMA 15:11

Bai nna, “Maigan amyu masha nlang hte e, dai Madu hpe shakawn mu; amyu baw nlang hte e, shi hpe kungdawn mu!,” nga nna mung ka da nga ai.

SHINGRAN 14:3

Dai masha 144,000 gaw, tingnyang man e mung, hkrung ai dusat mali hte salang ni a man e mung, tsap let mahkawn ga ningnan mahkawn mangoi nga ma ai. Ga ntsa na shinggyim masha amyu baw yawng hta na mari la hkrum sai masha 144,000 hta kaga, kadai mung dai mahkawn ga hpe n sharin la lu nga ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.