SHAKAWN KUNGDAWN 92:9 - Jinghpaw Common Language Bible 2009

⁹ Na a gumlau hpyen ni si mat wa na mara ai hte; tara n lang ai ni yawng hte mung, sum mat ai hkrum na mara ai gaw, anhte chye nga ga ai.

Jinghpaw Hanson Version Bible

⁹ Kaning rai nme law, yu u, nang hpe gumlau ai ni, Yehowa e, Nang hpe gumlau ai ni, hten wa na mara ai: Shut hpyit ai hku galaw ai ni nlang brun mat wa na mara ai.

SHAKAWN KUNGDAWN 92:9 ပူးပေါင်းရင်းမြစ်များ

SHAKAWN KUNGDAWN 1:4

Rai ti mung, n hkru ai masha ni gaw dai zawn n rai; shanhte gaw nbung e shapoi ai numhkaw hte bung nga ma ai.

SHAKAWN KUNGDAWN 102:13

Nang rawt wa nna, Ziun mare hpe matsan dum na rin dai; dai mare hpe matsan dum na aten du wa nga sai, dai aten gaw ya e nan rai nga ai.

SHAKAWN KUNGDAWN 102:25

Nang gaw, moi moi e, ginding aga hpe hpan da nit dai, na a lata ni hte sumsing lamu ni hpe nang nan galaw da nga nit dai.

SHAKAWN KUNGDAWN 37:20

Rai ti mung, tara n lang ai ni gaw si mat na mara ai; Madu a gumlau hpyen ni mung nam e tu ai nampan ni zawn wai mat nna, wan hkut zawn shanhte mawng mat na mara ai.

SHAKAWN KUNGDAWN 59:11

O Karai Kasang e, shanhte hpe hkum sat kau et, shing n rai, nye a amyu masha ni malap kau na mara ai. Anhte hpe makawp maga ai Madu e, na a n-gun atsam hte shanhte hpe shabra kau nna, shanhte hpe dang kau u.

SHAKAWN KUNGDAWN 68:30

Mai-aw pa na matse labye dusat ngu ai Egutu mung hpe daru kau u; usu hpung ni hte shanhte a dumsu kasha ni ngu ai amyu baw ni gaw, nang hpe yawng jawm dingnyawm nna shanhte a gumhpraw sak jaw wa ai aten du hkra daru kau u. Majan shabyin na hpe ra sharawng nga ai ni hpe shabra kau u!

SHAKAWN KUNGDAWN 73:27

Nang hpe kau da ai ni gaw teng teng htum mat na mara ai; nang hta sadi n dung ai ni hpe Nang shamyit kau na rin dai.

SHAKAWN KUNGDAWN 89:10

Nang gaw hka numraw Rahab hpe agrawp kau ai hte dai hpe sat kau nga ndai; nang na a gumlau hpyen ni hpe na a chyahtum chyalai n-gun hte dang kau nga sai.

SHAKAWN KUNGDAWN 97:9

Chyahtum Chyalai n-gun rawng ai Madu e, mungkan ga mahkra hpe up hkang ai wa nang rai nga ndai; nang gaw hpara ni mahkra hta grau nna kaba nga ndai.

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

BU HKAWM 10:35

Dai Ga Shaka Sumpu rawt pru wa na rai jang, Mawshe gaw, “Madu e, rawt u, na a gumlau hpyen ni hpe shabra kau nna nang hpe n dawng ai ni hpe jahtaw kau u law!,” ngu nna tsun wu ai.

MAHTE 7:23

Dai shaloi e, ‘Ngai nanhte hpe galoi mung n chye made ai; n hkru n kaja ai masha ni e, ngai kaw na pru mat wa mu!,’ ngu nna ngai shanhte hpe tsun na mawe ai.

LUKA 19:27

Dai hta kaga, ya shanhte a ntsa e ngai hkawhkam tai nna up na n ra ai nye a hpyen ni hpe shaga dun wa nna, nye a man e sat kau maru,’ ngu nna hkang dat mu ai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

TARA JAHPRANG 28:64

Dai Madu gaw ginding aga htum maga mi kaw nna, ginding aga a maga mi de du hkra masha amyu ni yawng hpang de nanhte hpe shabra kau na ra ai. Shing rai nang hte nanhte a nji nwa ni pyi shawng de galoi mung n nawku yu ai dai hpun nlung hte galaw ai hpara ni hpe nawku daw jau na marin dai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.