SHAKAWN KUNGDAWN 92:7 - Jinghpaw Common Language Bible 2009

⁷ Tara n lang ai ni gaw tsingdu ni zawn tu wa lu nna, shut hpyit ai amu galaw let ngamu ngamai lu ma ti mung; shanhte yawng hte gaw tsep kawp jahten kau ai hkrum na mara ai.

Jinghpaw Hanson Version Bible

⁷ Tara n lang ai ni tsingdu zawn tu wa nna, Shut hpyit ai hku galaw ai ni nlang pu wa ma yang, Dai gaw, shanhte a prat dingsa e hten mat hkrum na lam rai nga ai.

SHAKAWN KUNGDAWN 92:7 ပူးပေါင်းရင်းမြစ်များ

YOBA 12:6

Rai ti mung lagu lagut ni hte karai kata masha ni ngwi pyaw sim sa ai hte nga lu ma ai; shanhte kam sham ai karai gaw shanhte hta rawng ai n-gun atsam rai nga malu ai.

SHAKAWN KUNGDAWN 37:38

rai ti mung, yubak kap ai masha ni gaw tsep kawp jahten kau ai hkrum na mara ai; shanhte a aru arat ni mung yeng seng kau ai hkrum nga ma ai.

SHAKAWN KUNGDAWN 73:12

Tara n lang ai ni gaw dai zawn rai nga nna shanhte gaw ntaw ntsang lu ma ai hte aten shagu hta, grau grau lu wa nga ma ai.

SHAKAWN KUNGDAWN 73:22

dusat zawn ngai angawk mat wa ai hte na a myit ra ai lam hpe mung ngai n chye na mat nngai.

SHAKAWN KUNGDAWN 94:4

Ru hka amu galaw shapraw ai ni mung galoi aten du hkra, gumrawng gumtawng lu nna grang dakat lu na rai nga ma ta?

GA SHAGAWP 1:32

Mahkrum madup n nga ai masha ni gaw hpaji byeng-ya hpe ningdang kau mu ai majaw si mat nga ma ai; angawk ai masha ni mung, shanhte a ndum ndam re ai lam hta hten byak ai hkrum ma ai.

ESAIA 37:27

Dai yang hkan nga ai masha ni gaw n-gun atsam kata rai ma ai; shanhte gaw hkrit gari ai hte sai kajawng nga ma ai. Shanhte yawng gaw pa layang hta tu ai tsingdu tsingman shing n rai nta ntsa e tu ai tsing hpe kahtet ai sinpraw nbung e dai ni hpe ahpawt kau ai zawn rai ma ai.

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

1 PETRU 1:24

Dai gaw Chyum Laika hta, “Shinggyim masha amyu baw yawng gaw tsingdu zawn rai nga ai; shanhte a hpung shingkang yawng mung nam na nampan pu hte bung nga ai. Dai tsingdu gaw nyui mat wa nna nampan pu ni run hkrat mat ma ai.