SHAKAWN KUNGDAWN 92:5 - Jinghpaw Common Language Bible 2009

⁵ Madu e, na a amu ni gaw kade wa galu kaba nga a hka! na a myit sawn ai lam ni mung kade wa sung nga a hka!

Jinghpaw Hanson Version Bible

⁵ Yehowa e, na a amu gade kaba nga a hka! Nang myit ai hku nachying sung la nga ai.

SHAKAWN KUNGDAWN 92:5 ပူးပေါင်းရင်းမြစ်များ

SHAKAWN KUNGDAWN 104:24

Madu e, nang gaw amyu baw sumhpa hpe galaw da nit dai! Nang gaw yawng mayawng hte hpe hpaji rawng ai hku galaw da ni hka! Mungkan ga gaw nang hpan da ai hkrung mahkrung ni hte hpring nga ai.

SHAKAWN KUNGDAWN 111:2

Dai Madu galaw ai magam bungli ni kade wa mauhpa rai nga a hka! Dai amu ni hta awng sharawng nga ai nlang hte gaw dai lam ni hpe chye la mayu nga ma ai.

SHAKAWN KUNGDAWN 139:17

Karai Kasang e, na a myit mang ai lam ni nye a matu kade wa yak la nga a hka; Dai ni gaw kade wa law la nga a hka!

SHAKAWN KUNGDAWN 36:6

Na a ding man ai lam gaw bum ni zawn tsaw nga nna, na a teng man ai lam mung hka panglai zawn sung nga ai. Masha hte dusat yam nga ni gaw na a lata hta rai nga ai.

SHAKAWN KUNGDAWN 40:5

Anhte a Madu Karai Kasang e, anhte a matu nang galaw da ya sai amu ni gaw law la nga ai; nang hte bung ai wa kadai mung n nga nga ai! Anhte a matu mauhpa yaw shada lam law law hpe nang galaw da ya nit dai. Dai ni gaw nau law la ai majaw, dai ni yawng a lam hpe ngai dang hti lu ai n rai!

SHAKAWN KUNGDAWN 64:6

Shanhte gaw n hkru n shawp ai yaw shada lam ni hpe maw mawn nna, “Ra n rawng ai sai kap amu hpe anhte yaw lajang da lu saga ai,” nga nna tsun ma ai. Masha a myit masin hte kraw lawang ni hpe chye na lu na matu, yak la ai mauhpa lam ni rai nga ai.

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

HPAJI NINGLI 7:24

Asak hkrun lam a lachyum hpa rai nga ai hpe kadai wa sawk tam lu nga a ta? Dai gaw anhte a matu nau wa sung nna, chye na hkawn hkrang na matu nau wa yak la nga ai.

ESAIA 28:29

Ndai hpaji byeng-ya yawng gaw Chyahtum Chyalai N-gun rawng ai dai Madu kaw na rai nga ai. Karai Kasang shatawng shada ai amu gaw hpaji rawng nga ai rai nna, dai ni gaw tut nawng awng dang nga ma ai.

YEREMIA 23:20

dai bungsha gaw shi galaw na matu myit shatawng da ai arai yawng mayawng hte hpe shi myit dik ai aten du hkra ahpawt nga nna, sim mat na ra ai n rai. Shi a amyu masha ni gaw du wa na aten ni hta dai lam hpe dan dan leng leng chye wa na mara ai,” ngu nna tsun ni ai.

1 KORINHTU 2:10

Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!