SHAKAWN KUNGDAWN 92:4 - Jinghpaw Common Language Bible 2009

⁴ Madu e, na a mauhpa magam amu ni gaw ngai hpe kabu shangun nga ai; nang galaw da sai bungli ni a majaw ngai kabu gara mahkawn shakawn nga nngai.

Jinghpaw Hanson Version Bible

⁴ Kaning rai nme law, Yehowa e, Na a amu hta nang ngai hpe kabu shangun nna, Na lata a bungli majaw, ngai awng wa na nngai.

SHAKAWN KUNGDAWN 92:4 ပူးပေါင်းရင်းမြစ်များ

SHAKAWN KUNGDAWN 104:31

Madu a hpung shingkang htani htana agrin nga u ga! Madu gaw shi galaw da sai magam bungli ni hta kabu gara nga u ga!

SHAKAWN KUNGDAWN 104:34

Nye a kabu gara ai lam gaw shi kaw na rai nga ai majaw, nye a mahkawn shakawn ai ga hpe Madu ra sharawng nga u ga law.

SHAKAWN KUNGDAWN 126:3

Shi gaw kaja wa, anhte a matu amu kaba ni hpe galaw ya nu ai; dai gaw anhte a matu kade wa kabu gara shara rai nga sahka!

SHAKAWN KUNGDAWN 143:5

Ngai gaw lai mat wa sai nhtoi ni hpe adum nga nngai; nang galaw dan lai wa sai amu ni yawng a lam ni hpe, ngai myit sawn yu nga nngai, na a amu ni yawng hpe ngai myit aru yu nga nngai.

SHAKAWN KUNGDAWN 33:2

Dai Madu hpe tingse ni hte dum shakawn mu, sumri rawng ai madum sumpyi ni hte shi hpe shakawn mu.

SHAKAWN KUNGDAWN 64:10

Karai Kasang galaw shapraw dan sai amu ni a majaw, ding hpring ai masha ni yawng kabu gara na mara ai. Shanhte shi hta shim lum nga na mara ai, mai kaja ai amyu masha ni yawng shi hpe shakawn na mara ai.

SHAKAWN KUNGDAWN 8:6

Nang shi hpe hpan tawn da ai arai yawng mayawng a ntsa e, up hkang ai wa tai lu na, ahkang ap ya nit dai; nang gaw shi hpe hpan da ai arai yawng mayawng a ntsa e san da nna;

SHAKAWN KUNGDAWN 90:16

Na a shangun ma ni rai nga ai anhte hpe na a grau htum ai magam amu ni hpe mu shangun mi; anhte a aru arat ni mung na a hpung shingkang hte hpring ai n-gun atsam ni hpe mu shangun mi.

YEREMIA 31:7

Dai Madu gaw, “Amyu baw ni hta galu kaba htum ai Israela a matu kabu gara ai hte mahkawn mangoi nga mu. ‘Dai Madu gaw shi a amyu masha ni hpe hkye hkrang la nu ai hte, naw ngam nga ai ni hpe mawai la nu ai majaw, mahkawn shakawn kungdawn nga mu.’

LUKA 1:47

Nye wenyi mung ngai hpe hkye hkrang la ai Madu Karai Kasang hta kabu gara li ai,

YAWHAN 16:22

Dai hte maren nanhte ya yawn hkyen nga myit dai; rai ti mung nanhte hte ngai bai hkrum lu nna, nanhte a kraw lawang ni hta kabu gara ai hte hpring na ra ai; dai nanhte a kabu gara ai hpe nanhte kaw na kadai mung kashun la ya lu sana n rai.

2 KORINHTU 2:14

Rai ti mung Karai Kasang a chyeju grai kaba la nga ai; hpa majaw nga yang, shi gaw anhte hpe Hkristu hte langai sha shatai nna Hkristu a awng padang lu ai poi hta ninglaw yan hkawm ai bawng masha ni hpe zawn Karai Kasang gaw anhte hpe woi awn da mi ai. Hkristu hpe chye chyang ai machye machyang hpe manam pyaw ai bat zawn shara shagu hkan e shabra dat na matu Karai Kasang gaw anhte hpe jai lang nga mi ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.