SHAKAWN KUNGDAWN 92:2 - Jinghpaw Common Language Bible 2009

^2-3 mahku pyaw ai tingse, sumri rawng ai madum sumpyi ni hte jahpawt manap shagu na a dinggrin tsaw ra myit hte shana shagu na a sadi sahka lam ni hpe htawn tsun dan ai gaw, kade wa mai kaja nga a hka!

Jinghpaw Hanson Version Bible

² Sumri shi rawng ai dum ai baw hte tingse, Mahku pyaw ai tingse kaji hte,

SHAKAWN KUNGDAWN 92:2 ပူးပေါင်းရင်းမြစ်များ

1 HKAWHKAM LABAU 25:1

Hkawhkam Dawi hte Lewi ningbaw ni gaw nawku daw jau ai amu hpe woi awn na Lewi lakung lama ni hpe lata san da ma ai; dai ni gaw Asap, Heman hte Yeduhtun ni rai ma ai. Shanhte gaw tingse sumpyi hte shupsheng ni hte hkan dum nang let Karai Kasang a mungga hpe htawn tsun ma ai. Ndai gaw nawku woi na matu hte hpung shagu na daw jau amu baw hpan gun hpai na matu lata san da hkrum ai masha ni a mying jahpan rai nga ai.

YOBA 35:10

Rai ti mung, shanhte gaw shanhte a Hpang Wa Ningsang, nsin sin htum ai aten hta shanhte hpe myit mada shara jaw ya ai Karai Kasang hpang de kayin wa ma ai n rai.

SHAKAWN KUNGDAWN 101:1

O Madu e, nye a mahkawn ga gaw sadi dung ai hte teng man ai lam rai nga ai, dai hte, ngai nang hpe mahkawn mangoi nngai.

SHAKAWN KUNGDAWN 145:2

Shani shagu nang hpe ngai chyeju dum shakawn nga na nngai; nang hpe ngai htani htana prat dingsa shakawn kungdawn nga na nngai.

SHAKAWN KUNGDAWN 147:1

Dai Madu hpe shakawn mu! Anhte a Karai Kasang hpe mahkawn shakawn na mai kaja nga ai; dai gaw sharawng awng ai lam rai nna, shi hpe shakawn kungdawn na mai nga ai.

SHAKAWN KUNGDAWN 42:8

Dai Madu gaw shani na aten hta, shi a dinggrin tsaw ra myit hpe madun dan ya u ga; shaloi, shana na aten hta, ngai mung mahkawn shakawn lu na nngai; nye a asak a Karai Kasang hpang de akyu hpyi lu n-ga.

SHAKAWN KUNGDAWN 71:15

Na a mai kaja ai lam hpe ngai htawn tsun na nngai; ngai chye na ai hta grau nna lachyum sung nga ai rai tim, na a hkye hkrang la ai lam hpe shani tup ngai tsun dan na nngai.

SHAKAWN KUNGDAWN 77:2

Ngai gaw Ru tsang hkrum ai aten ni hta, Madu hpe akyu hpyi nngai; shana tup ngai gaw nye a lata ni hpe sharawt nna akyu hpyi ai, rai ti mung, shalan shabran ai lam hpe ngai n mu lu nngai.

SHAKAWN KUNGDAWN 9:3

Nang dan pru wa ai shaloi, nye a gumlau hpyen ni nhtang mat wa nna; shanhte kadawng taw mat ai hte si mat ma ai.

ESAIA 63:7

Ngai gaw dai Madu a n-gaw nwai ai tsaw ra myit a lam atsun nga na nngai; anhte a matu shi galaw dan sai amu yawng a majaw ngai shi hpe shakawn kungdawn na nngai. Shi a matsan dum ai myit hte dinggrin tsaw ra myit a majaw, shi gaw Israela amyu masha ni hpe nhpaw n-ya shaman ya nu ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

KASA 16:25

Ya shana yuptung hpawa e Pawlu yan Sila gaw akyu hpyi ai hte, Karai Kasang hpe mahkawn shakawn nga ma ai rai nna, bawng dung ai ni shan a ga madat nga ma ai.