SHAKAWN KUNGDAWN 9:3 - Jinghpaw Common Language Bible 2009

³ Nang dan pru wa ai shaloi, nye a gumlau hpyen ni nhtang mat wa nna; shanhte kadawng taw mat ai hte si mat ma ai.

Jinghpaw Hanson Version Bible

³ Nye a gumlau ni kanut mat wa yang, Shanhte na a man e kataw nna hten mat wa ma ai.

SHAKAWN KUNGDAWN 9:3 ပူးပေါင်းရင်းမြစ်များ

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

SHAKAWN KUNGDAWN 80:16

Anhte a gumlau hpyen ni dai hpe wan nat kau nna, kran daw kau nga masai; shanhte hpe masin kahtet ai hte yu nna shanhte hpe jahten kau u!

SHAKAWN KUNGDAWN 91:9

Nang gaw Madu hpe na a makawp maga shara hte Tsaw Htum ai Wa hpe na a shingbyi shara nang shatai nit dai.

SHAKAWN KUNGDAWN 92:2

mahku pyaw ai tingse, sumri rawng ai madum sumpyi ni hte jahpawt manap shagu na a dinggrin tsaw ra myit hte shana shagu na a sadi sahka lam ni hpe htawn tsun dan ai gaw, kade wa mai kaja nga a hka!

ESAIA 64:3

Kalang mi na aten hta, nang du sa nna anhte n myit dum ai hkrit hpa amu ni hte jahkrit yu nit dai; shaloi bum ni gaw nang hpe mu nna hkrit gari ai hte ashun ma ai.

2 HTESALONI 1:9

Shanhte gaw Madu a myi man kaw na jahka kau ai hte shi a atsam a hpung shingkang hte daw hka mat wa ai ngu ai htani htana jahten shabyak kau ai ari hkrum na mara ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.