SHAKAWN KUNGDAWN 9:16 - Jinghpaw Common Language Bible 2009

¹⁶ Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.

Jinghpaw Hanson Version Bible

¹⁶ Yehowa shi hkum dan nga ai: tara dara ai amu galaw nu ai; Tara n lang ai ni gaw, tinang a lata a amu hta hkam nga ma ai. [Higayun, Selah.]

SHAKAWN KUNGDAWN 9:16 ပူးပေါင်းရင်းမြစ်များ

2 HKAWHKAM 19:19

Ya chyawm gaw anhte a Madu Karai Kasang e, anhte hpe Asuri ni a lata kaw nna mawai la mi; shaloi mungkan ga na masha amyu ni yawng hte gaw nang chyu sha Madu Karai Kasang rai nga ai hpe chye wa na mara ai,” ngu nna hpyi wu ai.

YOBA 18:9

dai mahkam gaw shanhte a lahtin hpe ahkang ya nna magra jum da lu nga ai.

SHAKAWN KUNGDAWN 11:6

Shi gaw tara n lang ai ni a ntsa e, grung nga ai wan n-ga hte hkru nga ai kan wan ni hpe ru jahkrat dat nna, shi shanhte hpe kahtet kang ai nbung ni hte ari jaw mu ai.

SHAKAWN KUNGDAWN 140:9

Nye a gumlau hpyen ni hpe awng padang hkum lu shangun nga et; ngai hpe jahkrit shama ai lam yawng mayawng mung shanhte a ntsa e, bai hkrat wa mu ga.

SHAKAWN KUNGDAWN 19:14

Nye a shingbyi shara hte nye a hkye hkrang la ai Madu e, nye a n-gup ga ni hte nye a sumru ai lam ni gaw na a man e sharawng awng nga u ga law.

SHAKAWN KUNGDAWN 48:11

Ziun a amyu masha ni kabu gara lu mu ga! Teng man ai tara dara lam ni hpe nang jaw ya nga ai; Yuda mung na mare ni hta kabu gara ai gaw anga nga u ga law!

SHAKAWN KUNGDAWN 5:1

O Madu e, Nye a ga ni hpe madat ya e, nye a madai ai nsen hpe na ya e.

SHAKAWN KUNGDAWN 7:16

Shing rai shanhte gaw shanhte galaw ai n hkru ai amu hta ari hkrum sha nna, shanhte a kashun kashe re ai amu hta machyi hkrum nga ma ai.

PRU MAT 14:10

Hkawhkam wa hte shi a hpyen luksuk ni shanhte hpang de htim sa wa nga ai hpe Israela masha ni mu ma ai shaloi, hkrit gari mat ai hte dai Madu kaw karum hpyi jahtau ma ai.

PRU MAT 14:31

Dai Madu gaw shi a daru magam n-gun kaba hte Egutu masha ni hpe dang kau lu nu ai lam hpe Israela masha ni mu ma ai shaloi, shanhte gaw dai Madu hpe hkrit nga ma ai; shanhte gaw dai Madu hte shi a shangun ma Mawshe hpe kam sham ma ai.

PRU MAT 14:4

Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

PRU MAT 7:5

Shanhte a ntsa e nye a lata ladawn da nna, dai Israela amyu masha ni hpe shanhte a mung kaw nna woi shapraw wa ai shaloi, Ngai nan dai Madu rai nga nngai hpe Egutu masha ni chye na mara ai,” ngu nna tsun wu ai.

GA SHAGAWP 12:13

Tara n lang ai masha wa gaw shi a n-gup aga ni hta ahkang abai nga ai; ding hpring ai wa chyawm gaw ru yak tsin-yam kata kaw na shi hkum nan male pru wa nga ai.

GA SHAGAWP 6:2

Nang tsun ai na a n-gup aga hta ahkang hkrum nga n ni?

ESAIA 28:13

Dai re ai majaw, dai Madu gaw nanhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, sharin ya na ra ai. Dai hpang nanhte hkawm sa wa ai lagaw lahkam shagu ahtu kataw wa na marin dai. Nanhte gaw hkala nba hkrum ai hte mahkam hkam hkrum nhtawm bawng masha tai mat na marin dai.

ESAIA 8:15

Masha law law wa ahtu kataw na mara ai; shanhte gaw di hkrat ai hte agrawp mani kau ai hkrum na mara ai. Shanhte gaw mahkam hta rim hkrum na mara ai.”

Daniela 6:25

Dai hpang Dari hkawhkam gaw ginding aga ntsa e nga ai masha amyu ni yawng a masha ni hpe mung, amyu bawsang ni hte ga amyu myu tsun ai masha ni hpang de laika ka dat wu ai: Ngwi pyaw ai lam anga nga u ga law!

TARA AGYI 1:7

Adonibezek gaw, “Lata yungnu hte lagaw yungnu kaba ni kahtam di kau hkrum ai hkawhkam sanit shi hte gaw nye a sha ku npu e shat ahkyep ahkap hta sha ma ai; ya chyawm gaw shanhte hpe ngai galaw ai zawn Karai Kasang ngai hpe bai tai nu ai,” ngu nna tsun wu ai. Shi gaw Yerusalem mare de woi la hkrum ai hte dai yang e si mat wu ai.

1 SAMUELA 17:46

Dai ni jang, dai Madu gaw nye a lata de nang hpe ap kau na ra ai rai nna nang hpe ngai gasat dang kau nhtawm na a baw kahtam di la na nngai. Hpilisti ni a moi mang ni hpe mung ntsa malen u ni hte dusat ni sha na matu, ngai jaw kau na mawe ai. Israela amyu hta Karai Kasang nga nga ai hpe mungkan ga ting chye lu na mara ai;