SHAKAWN KUNGDAWN 9:1 - Jinghpaw Common Language Bible 2009

¹ Madu e, nye a myit masin mahkra hte nang hpe ngai shakawn nga na nngai; nang galaw dan sai mauhpa amu mahkra hpe ngai tsun dan nga na nngai.

Jinghpaw Hanson Version Bible

¹ Nye a myit mahkra hte, ngai Yehowa hpe shakawn na nngai, Na a mauhpa magam nlang hte hpe, ngai gawn dan na nngai.

SHAKAWN KUNGDAWN 9:1 ပူးပေါင်းရင်းမြစ်များ

1 HKAWHKAM LABAU 16:12

Karai Kasang a shangun ma Yaku a amyu matu ni hte Karai Kasang e lata la sai Israela amyu matu ni e, Karai Kasang galaw dan sai lamik kumla ni hte shi jaw da sai tara dara lam ni hpe adum nga mu.

1 HKAWHKAM LABAU 16:24

Shi a hpung shingkang masha amyu ni hpe, shi a chyalai n-gun hte hpring ai amu masha yawng hte hpe htawn tsun dan mu.

SHAKAWN KUNGDAWN 106:2

Shi galaw dan sai mauhpa magam amu ni yawng hpe kadai wa tsun hkai dan lu nga a ta? Shi a hpung shingkang arawng sadang nga manga hte hpe kadai wa shakawn lu nga a ta?

SHAKAWN KUNGDAWN 111:1

Dai Madu hpe shakawn mu! Ngai gaw nye a myit masin mahkra hte shi a amyu masha ni a hpawng hta, dai Madu hpe chyeju shakawn nga na nngai.

SHAKAWN KUNGDAWN 138:1

Madu e, nye a myit masin mahkra hte nang hpe ngai chyeju shakawn nga nngai. hpara ni a man e, nang hpe ngai mahkawn shakawn nga nngai.

SHAKAWN KUNGDAWN 26:7

Chyeju dum ai mahkawn mangoi ga langai ngai mahkawn nna na a mauhpa magam amu ni yawng hpe tsun dan nngai.

SHAKAWN KUNGDAWN 51:15

Madu e, ga shaga lu na matu, ngai hpe karum la e; shing rai, ngai nang hpe shakawn na nngai.

SHAKAWN KUNGDAWN 7:17

Shi a teng man rap ra ai tara a majaw, Madu hpe ngai chyeju dum nga nngai; Ngai gaw Tsaw Htum ai dai Madu hpe mahkawn shakawn na nngai.

SHAKAWN KUNGDAWN 86:12

Madu nye a Karai Kasang e, ngai nang hpe nye a myit masin mahkra hte shakawn nga nngai; na a galu kaba ai lam hpe ngai htani htana htawn tsun nga na nngai.

SHAKAWN KUNGDAWN 9:14

shaloi, Yerusalem amyu masha ni a man e, ngai rawt tsap lu nna, ngai nang hpe shakawn ai lam yawng mayawng shanhte hpe tsun dan lu na nngai. Nang ngai hpe hkye hkrang la nit dai majaw ngai kabu gara lu na nngai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 43:21

Shanhte gaw nye a matu ngai lata san da ai amyu masha ni rai ma ai, shanhte gaw nye a shakawn kungdawn ga ni hpe mahkawn na mara ai!,” ngu nna tsun ai.

ESAIA 60:6

Gawla-uk ni hte hpaga ga ai wunawng mi gaw Midian hte Ehpa mung kaw na du sa wa na mara ai. Shanhte gaw Sheba mung na aja hte manam pyaw ai baw la sa na mara ai. Amyu masha ni gaw dai Madu galaw nu ai kabu gara shiga a lam tsun na mara ai!

LUKA 10:27

Dai wa gaw, “Dai Madu na a Karai Kasang hpe, na a kraw lawang mahkra hte, na a myit masin mahkra hte, na a n-gun lagaw mahkra hte, na a myit mang mahkra hte, nang tsaw ra lu na ndai; na a htingbu wa hpe mung na a hkum hte maren tsaw ra lu na rin dai, nga ai,” ngu nna htan wu ai.

HEBRE 13:15

Dai rai nna anhte gaw shi hpe anhte a Madu re ai ngu nna yin la ai n-gup ni hte chyeju shakawn ai anhte a hkungga hpe Yesu a gawp e Karai Kasang kaw tut nawng e nawng ya nga ga.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!