SHAKAWN KUNGDAWN 85:7 - Jinghpaw Common Language Bible 20097 Madu e, na a dinggrin tsaw ra myit anhte hpe madun ya mi; na a hkye hkrang la ai karum la lam, anhte hpe jaw ya mi. အခန်းကိုကြည့်ပါ။Jinghpaw Hanson Version Bible7 Yehowa e, na a chyeju anhte hpe madun dan nna, Na a hkye la ai lam anhte hpe hpaw ya mi. အခန်းကိုကြည့်ပါ။ |
Dai Madu gaw, “Ndai shara gaw zaibru jang zawn rai mat nna, dai shara ni hta shanu nga na mare masha ni hte yam nga ni hpa mung n nga ai sha, shingran katsi ai shara tai mat nga sai nga nna amyu masha ni tsun nga ma ai. Dai byin ai lam gaw teng nga ai; Yuda mare ni hte Yerusalem mare lam ni gaw shingran sharat katsi nga ai hte mare masha ni mung, yam nga ni mung dai shara ni hkan shanu nga ai n rai. Rai ti mung, ndai shara ni hkan,
nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.