SHAKAWN KUNGDAWN 85:6 - Jinghpaw Common Language Bible 2009

⁶ Anhte hpe n-gun atsam kalang mi bai shaja ya mi: shing rai, anhte, na a amyu masha ni nang hpe shakawn nga na ga ai.

Jinghpaw Hanson Version Bible

⁶ Na a amyu nang hta bai kabu gara nga lu mu ga, Nang anhte hpe bai jahkrung ya na ndai, n rai ni?

SHAKAWN KUNGDAWN 85:6 ပူးပေါင်းရင်းမြစ်များ

SHAKAWN KUNGDAWN 138:7

Ru tsang ai hte gawan da ai ngai hkrum nga ai shaloi, ngai hpe nang makawp maga da nga ndai. Nye a gumlau hpyen ni a sindawng kahtet ai hpe nang hkap shingdang ya nna, na a daru magam n-gun hte ngai hpe hkye hkrang la nga ndai.

SHAKAWN KUNGDAWN 149:2

Israela amyu masha ni e, nanhte a Hpan Madu a majaw kabu gara nga mu; Ziun a amyu masha ni e, nanhte a hkawhkam wa a majaw kabu gumrawng nga mu!

SHAKAWN KUNGDAWN 53:6

Israela amyu masha ni a awng padang gaw Ziun kaw nna du sa na matu, ngai kade sha akyu hpyi nga a hka! Karai Kasang gaw Israela amyu masha ni hpe kalang mi bai ngamu ngamai shangun ai shaloi shanhte kade sha kabu gara lu na ma hka!

SHAKAWN KUNGDAWN 71:20

Nang gaw ru tsang lam ni hte nni nkri lam ni hpe nye a ntsa e, hkrum sha shangun ai rai tim, nang gaw nye a n-gun hpe bai jahpring ya na rai nga ndai; lup sung hku de n du hkra mung, nang ngai hpe kyem mazing la na rin dai.

SHAKAWN KUNGDAWN 74:1

O Karai Kasang e, nang anhte hpe hpa rai ndai zawn kau da nga n ta? Na a amyu masha ni hpe htani htana masin pawt nga na ngu nga n ta?

SHAKAWN KUNGDAWN 77:8

Shi anhte hpe n tsaw ra sana nu ai kun? Shi a ga sadi mung hten mat sana nu ai kun?

SHAKAWN KUNGDAWN 80:18

Anhte galoi mung, nang kaw na htak mat wa na ga ai n rai; anhte hpe jahkrung la mi, anhte nang hpe shakawn nga na ga ai.

SHAKAWN KUNGDAWN 90:14

Jahpawt shagu, na a dinggrin tsaw ra myit hte anhte hpe jahpring ya mi; shing rai, anhte a asak prat tup kabu gara ai hte nang hpe mahkawn shakawn nga lu u ga.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

YEREMIA 3:5

Nang gaw tut nawng masin pawt ai n rai; nang gaw ngai hpe htani htana mana shachyoi nga ai n rai,’ ngu nna tsun ai. Israela e, dai hku nang tsun nit dai, rai ti mung nang dang galaw ai n hkru ai amu yawng hpe nang galaw ndai.”

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.

HOSEA 6:2

Lahkawng masum ya rai jang, shi anhte hpe shaprawn la na ra ai, anhte gaw shi a man e nga lu na ga ai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.