SHAKAWN KUNGDAWN 85:3 - Jinghpaw Common Language Bible 2009

³ Shanhte hpe masin pawt ai lam nang jahkring kau nna; na a masin kahtet ai hpe mung shakawp kau nga ndai.

Jinghpaw Hanson Version Bible

³ Na a masin pawt ai nlang nang dawm la kau nna, Na a myit kahtet ai hpe shayawm nu ai.

SHAKAWN KUNGDAWN 85:3 ပူးပေါင်းရင်းမြစ်များ

2 HKAWHKAM LABAU 6:39

shanhte a akyu hpyi ga ni hpe madat ya u. Sumsing lamu na na a nta hta shanhte a hpyi nem ai ga hpe na ya let shanhte hpe matsan dum nga u. Na a amyu masha ni a yubak mahkra hpe mara raw dat ya u law.

SHAKAWN KUNGDAWN 106:23

Shi gaw shi a amyu masha ni hpe jahten kau na nga, Karai Kasang tsun wu ai shaloi, shi lata la ai shangun ma kaja Mawshe gaw shi a man e, rawt tsap nna, shanhte hpe n shamyit kau u ga, shi a masin kahtet ai hpe shakawp ya wu ai.

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

PRU MAT 32:22

Arun gaw, “Ngai hpe masin hkum pawt et; ndai amyu masha ni n hkru ai amu galaw na matu kade wa daw dan gwi nga ma ai hpe nang chye nga ndai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 40:1

Anhte a Karai Kasang gaw, “Nye a amyu masha ni hpe shalan shabran mu, shanhte hpe shalan shabran mu!

ESAIA 40:2

Yerusalem amyu masha ni hpe n-gun jaw mu. Shanhte aten galu mi hkrum sha lai wa sai nni nkri hte ya raw dat hkrum sai shanhte a yubak mara ni a lam shanhte hpe tsun dan mu. Ngai gaw shanhte hpe shanhte galaw ai yubak mara yawng a matu hpring tup hkra ari jaw ni ai,” ngu nna tsun ai.

ESAIA 6:7

Shi gaw dai grung nga ai wan n-ga hte nye a nten hpe ahtawk ya let, “Ndai hte na a nten hpe hkra ya sai, ya gaw na a mara mung n nga mat nit dai, na a yubak ni hpe raw dat kau ya sai,” ngu nna tsun ai.

YEREMIA 50:20

Dai nhtoi du jang, ngai ngam tawn da ai ndai amyu masha ni a mara ni hpe raw dat ya na nngai majaw, Israela amyu masha ni hta hpa yubak mung mu lu na ra ai n rai. Yuda ni hta mung n hkru n shawp ai amu hpa mung kap na ra ai n rai. Dai Madu ngai nan tsun ni ai,” ngu nna tsun ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

YONA 3:9

Karai Kasang gaw shi a myit galai kau nna pawt bu ai lam jahkring kau ai rai yang, anhte n si dam nhten!”

MIHKA 7:19

Nang gaw anhte hpe kalang mi bai matsan dum la na rai nga ndai. Nang gaw anhte a yubak mara ni hpe lagaw npu de kabye kau na rin dai, dai ni hpe panglai htumpa de kabai bang kau na rin dai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

TARA JAHPRANG 13:17

Shing rai yang jahten sharun kau na matu daw dan da sai mare na arai hpa hpe mung nanhte a matu hkum mazing la nga myit. Shaloi dai Madu gaw masin kawp nna matsan dum ai myit nanhte hpe madun dan na ra ai. Dai ni ngai nanhte hpe jaw made ai shi a hkang da ai ga ni yawng hpe madat mara hkan sa nna shi hpyi ai hte maren galaw ai rai yang, shi gaw nanhte a nji nwa ni hpe ga sadi tawn da nu ai hte maren nanhte hpe matsan dum nna law htam ai amyu masha shatai na rai wu ai.

TARA JAHPRANG 32:43

“Masha amyu baw ni e, nanhte gaw dai Madu a amyu masha ni hpe shakawn lu na rai myit dai; shanhte hpe sat ai ni yawng ari jaw ai hkrum na rai ma ai. Gumlau hpyen ni hpe shi matai htang nna, shi a amyu masha ni galaw shut ai yubak mara hpe raw dat ya na rai wu ai.