SHAKAWN KUNGDAWN 85:12 - Jinghpaw Common Language Bible 2009

¹² Dai Madu gaw anhte hpe ngamu ngamai shangun na ra ai; anhte a lamu ga gaw nsi naisi nhpaw n-ya shapraw ya na ra ai.

Jinghpaw Hanson Version Bible

¹² Yehowa gaw mai kaja ai lam jaw ya nna, Anhte a lamu ga, de a nsi naisi jaw na mi ai.

SHAKAWN KUNGDAWN 85:12 ပူးပေါင်းရင်းမြစ်များ

SHAKAWN KUNGDAWN 67:6

Lamu ga gaw shi a nsi naisi shapraw ya sai; Karai Kasang, anhte a Karai Kasang gaw anhte hpe shaman ya sai.

SHAKAWN KUNGDAWN 72:16

Lamu ga ni hta nsi naisi ni ja kat nga u ga; Lebanon mung na nsi naisi si ai zawn, kawng ni yawng hta hkai nmai ni rai nga mu ga; Prang yang na tsingdu ni zawn, mare ni hta amyu masha ni hte hpring nga mu ga.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

ESAIA 32:15

Rai ti mung Karai Kasang gaw kalang mi bai anhte a ntsa e shi a wenyi ru bang ya na ra ai. Jahkam da ai lamu ga gaw ga sau kaja wa na ra ai, yi hkauna ni ja kat ai nsi naisi ni hpe shapraw ya na ra ai.

ESAIA 45:8

Ngai gaw marang htu ai zawn sumsing lamu kaw na awng padang jaw dat na nngai; ginding aga gaw dai hpe hkap la na matu hpaw malang na ra ai, aga gaw shanglawt ahkaw ahkang hte teng man rap ra ai tara pru wa na ra ai. Dai Madu ngai nan ndai amu hpe shabyin dat na nngai,” ngu nna tsun ai.

JAW JAU 25:19

Lamu ga mung de a nsi naisi shapraw ya nna nanhte sha mayu ai mahkra lu la shangun nhtawm dai mung e shim lum ai hte nga lu na rai myit dai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

ZEHKARIA 8:12

Shanhte gaw ngwi pyaw sim sa ai hte nsi naisi gat hkai lu na mara ai; shanhte a sabyi ru ni hta asi si wa na mara ai; lamu ga mung nsi naisi shatut ya nna dai yang e marang law nga na ra ai. Dai rai nna naw hkrung nga ai nye a amyu masha ni hpe ndai shaman chyeju yawng ngai jaw na mawe ai.

MAHTE 13:23

Ga kaja hta gat ai nli tum ni chyawm gaw, dai mungga hpe na la nna, chye na hkap la ai ni hpe ngu ai rai nga ai. Shanhte gaw kaja wa teng teng asi si nna, nkau mi dang latsa, nkau mi kru shi, nkau mi sumshi jat wa ai hpe ngu ai rai nga ai,” ngu mu ai.

MAHTE 13:8

Rai ti mung nkau mi gaw ga kaja hta hkrat wa nna, asi si wa ai; nkau mi dang latsa, nkau mi kru shi, nkau mi sumshi mayat wa ai.”

KASA 2:41

Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai.

KASA 21:20

Shing nga tsun dan ai hpe na jang shanhte yawng Karai Kasang hpe shagrau sha-a ma ai. Dai hpang shanhte gaw Pawlu hpe, “Hpu wa e Yuda masha ni hta na kam sham ai ni gade hkying mun law nga ma ai lam, shanhte yawng dai jep ai Tara hta myit jung ai hkrai rai nga ma ai lam nang chye nga ndai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.