SHAKAWN KUNGDAWN 83:7 - Jinghpaw Common Language Bible 2009

⁷ Gebala amyu ni, Amon hte Amalek amyu ni, Hpilisti ni hte Turu amyu masha ni lawm nga ma ai.

Jinghpaw Hanson Version Bible

⁷ Gabala, Ammon, Amalek amyu ni, Hpilisti ni hte Turu mare na ni, lawm ma ai.

SHAKAWN KUNGDAWN 83:7 ပူးပေါင်းရင်းမြစ်များ

1 HKAWHKAM LABAU 5:10

Rubin amyu bawsang ni gaw Hkawhkam Shawlu a prat hta Hagari masha ni hpe gasat nhtawm majan pa e shanhte hpe sat kau mu ai hte Gilead mungdaw a sinpraw maga na lamu ga hpe mung madu la ma ai.

EZEKELA 27:3

hkin-gau mayan shagu hta shanu nga ai masha ni hte hpaga ga ai mare ngu ai dai Turu a matu sharung shayawt ai mahkawn hkawn u. Tsaw Htum ai dai Madu tsun nga ai mungga shi hpe htawn tsun u: “Turu e, nang gaw na a hkum tsup tsawm htap ai hta shakawng nga nit dai.

EZEKELA 27:9

Dai sanghpaw li ni hpe hkan lajang nang ai lasama ni gaw Biblos mare na hpaji kung kyang ai ni rai ma ai. Na a gat seng ni hta hpaga yumga galaw ai ni gaw Sanghpaw li hte shara shagu hkan hkawm sa nga ai li ma ni hte li hkang ai ni rai ma ai.

AMO LAIKA (AMOS) 1:9

Dai Madu gaw, “Turu masha ni lang hte lang yubak galaw shut kau nga masai, dai lam a majaw, ngai shanhte hpe teng teng ari jaw na we ai. Shanhte gaw amyu baw ting hpe woi mat wa nna Edom mung hta bawng dung shangun ma ai, shanhte galaw da sai manang ga shaka hpe mung n shatup ma ai.

YAWSHU 13:5

Gebali masha ni a lamu ga; sinpraw maga de nga ai Lebanon lamu ga yawng, Hermon Bum a dingda maga nga ai Balagad kaw na Hamat uhkan du hkra naw nga nga ai.

1 SAMUELA 15:2

Israela amyu masha ni Egutu mung na pru wa ma ai shaloi, Amalek kaji kawa masha ni shanhte hpe ninghkap ma ai majaw, shi shanhte hpe ari jaw na rai wu ai.

1 SAMUELA 4:1

Dai aten hta Hpilisti masha ni gaw Israela amyu masha ni hpe gasat na nga, hpawng shinggyin nga ma ai; Israela amyu masha ni mung shanhte hpe htim gasat na nga, pru sa wa ma ai. Israela amyu masha ni gaw Ebeneza shara e shanhte a dap jung nhtawm, Hpilisti masha ni gaw Ahpek shara e dap jung ma ai.